Wednesday, January 7, 2009

Can yaaa..... ????

Lam ang ka lo let leh ta e, kha chen Kenya cham hnu-in. Hei hi maw ka blog ve te chu.. Tlawh loh run ram a va iang ve... Chhiartu lo lut apiangte kumthar chibai ka buk a che u..

Post hmasa lama ka sawi lawk ang khan ni 17th Dec '08 tlai Dar 6 velah Kenya (Can yaa..??) airport chu ka thleng ta ngei a, Major Bula te chhungkua-in min lo hmuak, kei duh tawka mahni tawng ngei maia tawng thei ta chuan kaikuangin Nu leh Pa-te khua chu nuam singkhaw a ti ang mai khan nuam ka ti lutuk a, Airport leh In inkar chu darkar 1 vel motor-in kan tlan a chumi chhung zawng chuan ralte vahai no la ang maiin kan phul phei a, thusawi kan inchuh hi a ni ringawt.

In nuam tak, Compound zau tak, hring dup maiah an cheng a, kei akar khuallian thlenin min thleng a, an fa-te lah an Kenya kal dawna naupang chumchiap te te kha Nuthlawi rai rual zet an lo ni tawh a, an felin Nu leh Pa thu an awih em em mai leh nghal a, an chhungkaw bula awm a hahdamthlak tak zet a ni. Ka haw tum hunah ka haw thei lo a, ni thum zet ka cham chuang a, chuti chung chuan hlim takin min la mikhual zel a, ka vawklallen a ni ber e. (Hmarcha um, a ro, Soda leh thil dang tam tak min pe teuh zui..)


(Mapuia, Bula, Dennis )


Ka kal chhan ber Krismas erawh Mizoram anga ruai han theh hluaite an tih lemloh avangin kan awm darthleng vel ta mai mai thung.

Tichuan, ni 27th Dec khan Mount Longonot, tunhma-a tlangkang lo awmna tlang sang takah lawn turin kan inpuahchah a, Picnic tur ang hrimin ei tur hrang hrang, sandwich, Coke, thingpui, noodles leh tui tih vel chu kan inkeng im em a, haw thlak huna ei turin kan ei tur te chu Motor-ah tlang bulthutah chuan kan hnutchhiah vek a, kan zinga kal tawh leh chinchang hre ber tur kan nau Mapuia lah chuan in ril atamin in tui ahal ang, tui keng rawh u pawh ti si hek lo le, kan ar kawhchhuah ve tawp mai a nih kha.

(Hetia a lan ai hian a sang a nia, a khu em em bawk.)


Tlang bulthut atanga kan han tan chu kan la phur vei surh surh viau, kan lawn sang telh telh a, awm-ah thaw a leng ta mang lo, tui a hal tan, ni sa bawk nen, Mal lah chuan hnung lamah min pawt tung tung tawh mai bawk si, tlang chhip chu kan thleng zo angem tih chu kan in zawt ta reng mai.
Keini a hmeichhe pahnih phei chuan tlang zawl deuh pakhat kan thleng chu hetah hian kan lo nghak mai ang che u kan ti chuai raih tawh mai a, mahse Pa berin chawlh a remti mang lo a, kan han inchhawm chho leh ta a, hmalam han thlir chhoh chuan huphurhawm riu reu tak mai hi a ni a, U Manuni chau lutuk kal peih tawh lo chu, “Hma lam khi en lo-in I kalna lai chauh kha en la, kan thleng ve mai ang” ti te chuan ka la tawng thlamuan vei lawi a, kan tlangval pahnih Mapuia leh Dennis-a te lah chu a thlun chhuak ang nal nal-in an ding chho a.Helai khuar hi tlangkang awmna lai tak chu a ni a, a kalkawng a hahthlak a, a zau em em mai a, tlang-in a hual pup a, hei hi a zawh chhuah vek theih a, keini chu kan chauh em avangin kan kal kual ta lo.

Tlang zawl kan han thleng ve meuh chu kan chau lutuk a, kan thu hnawk a ni ber e, kan thlen hma-a lo han thleng hmasa Mihang nupa, tui leh biscuit nena lo chawlte chu tlawm leh zah pawh sawi loin tui in tur ka’n dil chawt mai a, anni chu an lo fel khawp a, tui bakah biscuit pawh chu min pe a, tui pawh chu kan duh tawk kan in bakah bottle te-in min la pe leh zel a, khatih lai tak kha chuan dum hle mahse an hmelte kha Angel hawl thlak ang velin kan hmu a, kan lawm zia thu-in kan hril seng lo, “khawvela tui tui ber” kan in a ni ber. Rei tawk fang, hahdam taka kan thut hnu chuan kan haw thla leh ta a, haw lam chu a zia ta viau a, keini phei chu kan tlan thla ta deuh pur pur a, hnungah U Manuni rawl tawh lutuk chu tiang nen a rawn inkhawh kar thla auh auh thung a. U Bula’n a rawn chhawm thla zel a, muang marin dam te chuan an rawn thleng thla ve ta a.

Tlang chhip atanga kawng lan dan...

Ni 29 Dec chuan Nairobi National park kan kal leh thung a, luh man a lo to lutuk a, a chhung kan lut lo teuh hle. U Bulate chhungkua 5 kei leh Driver nen an Kenyan Shilling 7000/- chuang teh meuh kan han chawi teh reng a, kei leh naupangho phei chuan to em mai kal lo mai ang kan ti tawh a, kan hotupa ber U Bula chu amah en ang a lo ni lo, a rilru a lo lian ru riau a, kan ti tawh laklawh a ti ve tlat a, kan kal leh ta poh a, nuam chu kan ti leh ta zek a. he hmun hi a zau kher mai a, motor-in kan tlan kual a, ramsa chi hrang hrang kan hmu phei zel a, thla kan han la leh ang mawlh mawlh bawk a, chawhnu her zetah kan haw leh ta chauh a ni.





Shopping center hi an nei nuamin a zau hlawm hle a, hmun hrang hrangah kan kalin kan bazar vel a, mi tam takin Korean emaw Chinese emaw min ti zel a, min pawmdan ang ang chuan kan awm hmiah hmiah mai a, Korean emaw min titute dawrah chuan ka hming chu Kim a ni a, a chang chuan Meble-i te ka ni bawk thin a, U Manuni chu ka Nu emaw ti tawk an awm a, ka Nu ka tih lahin an awih leh si lo, kan va nui nasa thin tak em awwww...







Mount Longonot-ah chuan thing mak deuh a awm a, lawn chak leh ta tlat mai a, thei tak maw..

Thiante puihna zarah engemaw ti ti-in a chungah chuan han ding thei leh ta mai...
Thlalak hi eizawn nan hmang ta ila.... Kenya-a ka lak ringawt pawh hlawkna tham fe chu a ni mai {Ka hralh theih viau chuan,... :) }

Kenya East Territory Headquarters - Nikum kum tawp maia an sak zawh an luah hlim hlawt a ni, a class a sang khawp mai. Thansparency an duh vang ni maw, partition wall-te pawh glass deuh vek an hmang mai.

Kenya khawpui Nairobi chu...



Kenya, Bird's-eye-view

12 comments:

  1. A ngaihnamwinin chhiar man a hla hle mai. LKal ve ila chuan haw lamah hian tlangbul thut ka thleng thla hmasa ang a, Len ka lo dawh tawp ang. In rawn lumluh duh mai hmel em mai!! In huai ka ti hle mai, tlangkangte a hmunah in en ngam a. In christmas hman dan hi a dang lam a, in enjoy viau niin a lang ka lawmpui a che u.

    ReplyDelete
  2. Hmmmm... ka thei ve ang :)
    A nawm hmel kher mai. Hetia exer lakna hun remchang i'n nei thei hlauh chu ka lawmpui hle mai che. I ngeih dawn em mai! I la sil thum lo maw?
    Kumthar chibai le.

    ReplyDelete
  3. Vin gaihnom (tunlai thalai SMS language). Kan nau Dinteii pawh hi a hmel en ang ngawt a ni lo, thu hi a pai hnem ve tlat.

    Khawpui, in chhawng sang tih vel ai pawhin in kalna hian mi hip zawk daih mai, ka chak ve hle mai.

    Ngaw te, thing lianpui te, phaitualhnim te, thing hreu re ru te hian lung an tileng zawk daih a ni.

    ReplyDelete
  4. @lalkiamlova - Lokal ve la chu i len sawi khan kan lo man zawk ang che .. :) Ka thleninte hi an fel a, min kalpuina tur an hre khawp mai, U Manuni nen kan rawl lutuk hi ni hnih chhung vel chu kan kal bai awih awih mai asin.

    @Zaia - I thei ve ang. :) Kan sil khawp. Thawk khat exer vek chu ngeih lamah pawh a kal chiah lo.. :)

    @Fela - Vin t lomom v (tunlai SMS). In lo nin palh ka hlau a, ka ziak teuh duh lo zawk mah mah. Ka chet chukchu-na te pawh a awm nual a, post dangah remchang chuan ka la sawi ang..

    ReplyDelete
  5. Kum thar chibai.
    Lam ang i lo let leh meuh chuan tlang sang tak kan lawn chhuak ve tep a lawm le. Ni sa viau lo sela chuan tlanglawm chu ka peih ve zan.
    Kim, thingkungah khian engtin nge i lawm kai mai thei a?
    I thu ziak chhiar anuam thin hle mai.

    ReplyDelete
  6. Captain, Kumthar chibai le !

    In kalna tlang/ khua chu a ro hmel hle mai tak a! Tlanga lawn pawh a chauh theih nek ang !

    ReplyDelete
  7. Keini chhungkua pawh hi Pi Hlui hian Kenya Mas hmang turin min rawn sawm kha a nia, a sawmna hlu tak kan tihhlawhtlinsak thei ta si lo a, pawi kan ti hle. An la awm rei dawn bawk a, Pathianin rem a tih chuan kumin Krismas chu kan 'tihuk' thei tawh turah ngai phawt ang. I report atang hian thil tam tak kan miss tih kan hre thei.

    ReplyDelete
  8. A gaihnawmin chhiar a nuam e...in hmelte pawh Zorama in awmlai ai khan a lo tha leh zual hlawm ta hle mai a! In that sa tawh tehreng nen, tunah phei chuan hei in hmelte chu a sar siah hlawm mai anih hi a...

    ReplyDelete
  9. New Comer hian inthlahurng hauhlovin....Thlalak chu hralh theihloh chuan sumdawnnan a va hmantlak awm siloh ve....

    ReplyDelete
  10. Puibawiha
    Thank you. Thingkungah hian maw Engemaw ti ti-in ka lawn a nih hi...

    Sekibuhchhuak
    Chibai le, chauh theih nek e, kan haw lam chu chakai thi khai ang hnuang kan ni


    Thiama
    In miss hnem lutuk ringawt.. kal ve ngei teh u. Mahse kumin chu Zambia lamah rawn tihuk ila tha tur ania..

    LeaszRalte
    I va ti lawmawm thin tak em, hmel hi chu... a siam that mai mai theih loh a nih hi..!!!! :(

    ReplyDelete
  11. Hringnun
    I ti dik i bungbu thei hahaha..

    ReplyDelete
  12. kumtar chibaile,ngaihnom khop mai

    ReplyDelete

Followers