Friday, January 23, 2009

Ka D rim..!!!!

Puma Zai pakhatah chuan heti hian a awm a….

“Lamkawiah Thingsiri par lo tla e
Ka chhar dawn lo zaiin ka pel mai dawn e
Ka D rim reng reng a nam lo e”

Eng rim nge ni ngai???

Thlangdar hi a rimchhe hle a, kuta khawih phei chuan kutah a nam reng thei a, silfai vat a ngai thin. Kan naupan lai phei chuan mita a zunkhum chuan mit a del thei an ti thin, tak a nih leh nih loh erawh ka la fiah lo. Phivawk pawh hi a rimchhia an ti, mahse a rim ka la hre miah lo.

Makpazangkang pawh hi a rimchhe rap, a rah hi inkhualtelem nan hian kan hmang fo, (Kan naupan laiin..) chhang lem atan hian a tha si, a rimchhe bawk si a, kutah a nam rei thei hle.

Bermai hi mihringin an ei tawhah chuan a rimchhia ka la tih ber pawl a ni, a uih thang nghur mai a, ei chu sawi loh a rim ringawt pawh ka ter thei lo.

Thil rimchhia rau rau-ah chuan Mihring rimchhia hi ka ngaihtheih loh tak a ni.

Rim hi chi hrang hrang a awm a, ka awmna rama mite (Mihangho) hi rim danglam tak nei an ni a, (tu huatthu suh-ah) thlalak-ah hian an rim hi lak tel theih nise ka ti thin ngawt mai, theih chu nise blog-ah hian ka han tarlang tel chhuai chhuai tura..

Mahse a theih si loh a, thla lak a hnehin sawifiah pawh a harsa lam a ni e.

A chunga ka sawi rim hrang hrang ang khi a ni lo, an rim hi a mak a, sawi thiam theih pawh a ni lo, zakkha rim ni chiah si lo, rim tler deuh hi an nam tlat mai a, a bikin a hang zual bik hian an nam nasa zualin ka hre thin a. An vun hi a hang a, an pianhmang pawh hi a danglam ve hrim hrim mai, heng danglamna hrang hrang hi chu thla han la ila, a lang mai thin a, chhungte leh thiante pawh ka thawn a, an hmelhmang chu an hre mai. Mahse rim mawlh hi thla lakah a lang ve thei tawh si lo, hei mawlh hi thawn tel ka chak thin.

Vawi khat chu ka office bang motor-a ka lut chiah hi Driver a lo thu a, a rim a lo nam nasa lutuk kha ka luak tep a, glass ka hawng nghal sawk sawk a, ka mualpho lo hram.

Uisathiam hian rim atangin hnu a chhui thin a, mihring pawh hian rim atangin thenkhat chu kan inthliarhrang ve thei a, thenkhat chu an perfume hman atangte, shampoo atangte, aftershave leh sahbon rim atangte pawhin kan hre hrang thei a, mahse chung mite thliar hrang thei tur chuan hnar fin a ngai ve khawp mai.

Isaaka’n a fapa Jacoba mal a sawm khan, "Ngai teh, ka fapa rim hi LALPA malsâwm ram rim ang a ni (Gen. 27:27) a ti a, keini hi eng rim nge kan nam ve le...????

A chang chuan Setana hian kan duhzawng tak hmangin thlemna-a lut turin min thlem fo thin a, Lalpa malsawm ram rim nam lo thil tam tak kan tih phah thin a nih hi.

Chutiang hun kan thlen chuan heti hian I zai thin ang u

“Lamkawiah thingsiri par lo tla e
Ka chhar dawn lo zaiin ka pel mai dawn e
Ka D (Isua) rim reng reng a nam lo e”

10 comments:

  1. Pathian tan Krista rim (2Kor 2:15) nam hi kan nih dan tur ni awm tak a ni.

    Thlangdar naran zun chu mitdelna a ni lo a niang naupan laiin min zunkhum fo. A thip hle. Thlangdar rimchhia zun erawh a pawi thei a ni mahna.

    Mizote hi kan taksa rim chu sawi a awm lo a ni mai thei. Kan thil ei duh rim erawh hi chuan sawi a hlawh ve fo vang. Kan thiante chhungkaw pakhat pawh an thingthupui chhum rim kha thenawmten gas leak emaw an ti!!!Thenawm khawveng hlauthawngin an va zawh rawn! An zak ve chem chem a ni awm e......

    ReplyDelete
  2. :-)

    Mihring rim expert i ni a ni maw? :)

    Keini Mizo ho rim pawh hi an lo titheilo ve maithei a sin :D Keini chuan ngaiah kan nei tawh a kan rim te hi, an ni pawn an rim ngaiah an neih ang bawk hian... te ka tia. :)

    ReplyDelete
  3. Bermai (nghathu) i rawn sel nasa lutuk deuh em mai, kei chuan bai hanna atan tui ka tih ber a ni asin! Dear Captain, thil reng reng hi chawr chhuahna hmun leh tih than azir a ni zawk. Ha ha ha! Ka han fiamthu tihtak deuh a ni e. I thuziak a tha hle mai, i thupui pawh i khalh goal nalh khawp mai.

    ReplyDelete
  4. Kei chu Tlumtherh hi rimchhia ka ti ber mai, 'bermai' ai pawhin. Sarivaithun pawh hi a rimtui lo khawp asin. Mihringten rimtui kan tih hi chu chung lama mi tehna tur chu a nih hmel loh ve.

    ReplyDelete
  5. Rim hi a pawimawh em em a. Ei leh In tui leh tui lote pawh hi a rim a zirin kan teh fova. Ka chhung rimchhia te, vawih rimchhiate hi kan ngaithei ngai lova......... rim hrim hrim hi a pawimawh avangin zakhnuai te, taksa rim tuilo tih rimtui nan hnawih leh phuh rimtui te an siam a.. te han ti duah mai ilaah.
    I ziak tha leh pek e.

    ReplyDelete
  6. Thil reng reng hi ngaia neih chin hi a awm a. Rimtui lo kan tih pawh ngaia neih chin a awm ang. In wm rei deuh anga i thiante rim pawh a la tui hmui chak mai ang. 1966 khan tuna Bangladesh ni taah hian kan awm laiin dangpuithu hi rimchhia ka ti em em mai a. Eng atanga siam nge tiin ka zawt a, 'Lui dunga kal chak lo lo hi an man khawm a, an dah uih a chu chu a ni mai' an ti leh nghal a. Tem pawh ka tem miah lo., mahse kan awm rei tawk loh vang mai mai a nia.

    ReplyDelete
  7. Zl
    Ni e, rimchhia kan tih pawh hi Krista Rimtui an ni zawk thei tlat..

    illusionaire
    Mahni fing var chiamsi lo hi Hnar hi a fing leh riau thin a :D

    Mizo-te chu kan rimtui alawm... :)

    Thiama
    Bermai hi ka sel hran hleinem... ka ngaina lo mai a ni eee... hahaa..

    Chawr chhuahna leh tih than.. i tidik e

    Fela
    Ni e, Chung lama mi khi chuan rim lam a ngai pawimawh ber lo ang chu..

    Zaia
    Chutia mi..????

    Kiamlova & Puii
    Dangpuithu-te chu Tlabung butter an ti thin.. Theidenahte hian an telh zel..hahaha.. Awm rei deuh la chu i pir ve thawih thawih tho dawn chu.

    ReplyDelete
  8. Rim chi hrnag hrang i hre hnem ang reng. Tha thuai2 khawp mai. Nia, rim hi a lo pawimawh em atin ni ti raw?? Chawhmeh te pawh hi a rim hriatloh chuan a tui miahlo a sin

    ReplyDelete
  9. Hringnun
    I ti dik khawp mai, hnar a pin tlatte hian thil ei hi a tui mawh khawp nia, chu chuan rim pawimawh zia chu a hril ve khawp mai.

    ReplyDelete
  10. Thlalak atang an rim i rawn thawn tel thei lo chu a van lawmawm, computerah a nam rei dawn em mai. Mahse i sawifiah thiam a khawp a lawm "tler" i rawn hmanga, tler pawh chu sawifiah leh chhawn a harsa e.
    Mizote chu thilrimna kan ngaina a lawm, khanghu, chingit etc, nangpawh an rim hnim lova i awm theih loh hunte a la thleng mahna..haha

    ReplyDelete

Followers