Thursday, March 1, 2012

Kum Laklawh

Kumin hi ka tan kum laklawh a ni han ti phawt mai teh ang!

Kum a lo thar a, thlalai member lak a lo hun leh a, nula la ni ve ta nafam chu ka'n inziak lut ve leh teh poh chu a nia. Zaipawl member an ti leh a, a zai thiam ber ang hrimin ka'n tel leh ngawt bawk a, office hna lam a kiam chuang si lo, hna a tam duhin awl lai reng reng ka nei leh ta lo a, Blog pawh ka khawih hman hlawl lo ti-a phun phun, pachhekumtiam ang maia kumtharah chuan ti reng khan chhuanlam ngai bawk "Ka buai lutuk" tih chu kan chhakchhuak leh reng mai dawn a nih hmel hle mai.

Kum laklawh a nihna chhan han sawi tawh ila -
Kum laklawh ka tih zawk taka chu keima mihring kum zawk hi a nia!

30+ nih chinah hian thil hi a danglam ruih thin tih chu mi tam tak lo hriat hnu a ni. Thalai zinga han tal hi chuan kan lo chawhnu ruih tawh reng mai. Kan tunlai viau emaw tih laiin 20's ho-in awlsam taka tunlai hla lar ber ber maimitchhing diar diara an sak te chu hlabu en chut chut a lo ngai tan tawh tlat.

Justin Bieber kum 18 a tling ve ta an ti a, keini ang duang chuan E, kan lo ti ve satliah ringawt, Thalai Picnic tur an ti a, laklawh deuhin kan awm, kal ve em chu ni chiahin a lang lo, Ka buai kan ti liam leh mai.

Chutih rualin Nu-ho bula tal tur em chuan kan la in phal mang si lo a, Kohhranah pawh hian kan laklawh leh tlat zu nia! Chuvangin kan tana inhnemna awm chhun ber chu Puitling Sundle School hi zu ni tawh mai a! Tui vak lo pawhin kaikim lawmman lak tum ang hrimin kal tluk tluk ila han ti dawn ila, zin chhuah lo ngai ve leh thin bawk si..

Tunlai hian pa valai tih hi a lar viau a, ka tel ve mai dawn emawni ka ti rum rum a, anmahni lam erawh chuan min duh hauh si lo a...

12 comments:

  1. Kum laklawh kan nih kan in hriat hma daih khan mi in min hmu laklawh daih tawh!

    ReplyDelete
  2. Kum laklawh ka la thleng pha lo chu a va tihzia ve aw...

    ReplyDelete
  3. Haha a nih duh hmel e.. Pa valai ah chuan telve ta mai la.. :-P

    ReplyDelete
  4. I va la naupang ve, si a.

    Kan tleirawl lai khan kan inrual maw ka ti a, mahse i lo naupang zawk a ni maw, forty velah chuan heting hi kan sawi peih hlei nem. Mahse, a fool forty is a fool forever an ti leh daih bawk si a, naupang aa, tar aa, an ti bawk nen, finna chance ka nei lo ve.

    ReplyDelete
  5. age is just a number. Leng haih haih rawh. Hehe

    ReplyDelete
  6. Awi thiannu kan buaina a van inang tehreng em! Naupang deuh te han kawm hi a ni chiah si lo, rualpui kawm tur an awm vak si lo, inah hian tawm leh chawt ila ni mai. Kan khirh tulh tulh lehnghal a, mi han hauh mai te lah hi kan awlsam phian lehnghal a. A lo sual theih dawn khawp mai.

    ReplyDelete
  7. Titi i lo la thiam reng a nih hi le.. A tawpna 'pavalai' ka chhiar thlenga.., kan nuih huk chu le..

    ReplyDelete
  8. Laklawh lo e, nia inhriat hi a awm ve a,mahse i ni miah lo.

    ReplyDelete
  9. Wonderful beat ! I would like to apprentice while you amend your web
    site, how could i subscribe for a blog website?
    The account helped me a acceptable deal. I had been a
    little bit acquainted of this your broadcast provided bright clear idea
    My web site: Luis Souto ecommerce projects handled ricambi barche

    ReplyDelete
  10. Should you have a small location to operate out in you might have to go along with a device such as the Bowflex.



    my web-site :: bowflex 552

    ReplyDelete
  11. All in many of the Terrell Owens super strongman
    edition Bodylastics home gymnasium is an excellent product.


    Feel free to surf to my blog post; mouse click the up coming webpage

    ReplyDelete

Followers