Wednesday, June 1, 2011

JUNE

Vawiin June ni 1 a ni ta vuah mai. 2008 March 19-ah Mozambique-a rawngbawlna bul tan turin ka thleng rawih a, a mi chengte eng ang nge tih leh eng tawng nge an hman tih pawh ngaihtuah lo lekin ka arkawh chhuah ve tawp kha a ni a, Airport-a kan han tum chiah khan buaina namen lo-in min hmuak nghal, Portuguese an lo hman avangin Immigration ah ka tang tep, min hmuaktu 1 a rawn lut a, min rawn chhanchhuak ta hlauh a ni.

Kum thum awm tura ruahman ka ni na-a kan hotuten thla thum dang min awmpui leh rawh an tih avangin June 2011 hi ka awm pumhlum leh dawn ta a ni, ka term pangngai ang kha chu nise April thla-a haw thei tur kha ka ni a.

Tichuan ni 1080 vel awm tura inbuatsaih kha ni 1200 vel lai chu ka awm dawn ta a ni.

He rama ka awm chhung hian thil hrang hrang ka zir chhuak nasa khawp mai, dawhtheihnate, hmangaihna te - he hmangaihna hi nula tlangval inhmangaihna lam chu a ni lo ania - rinawmna leh huaisenna te kawng hrang hrangin Lalpan min zirtir a, a chang chuan beidawnthlak tih ngawih ngawih chang leh hlawhchham let der nia inngaih changte pawh a awm ngei mai.

Amaherawh chu ka kal hma atanga a rawng bawl tura min thlangtu leh min kotu kan Pathian hian nitin a rinawmna leh a hmangaihna hi ka nunah a tharin a lantir reng a, ka tan a rinawmna hi chhiar sen rual a ni lo. Zawlnei Jeremiaina "I rinawmna a ropui e, Lalpa chu ka chanpual a ni, ka nunna-in a ti a" a tih ang mai khan, Lalpa hi ka chanpual a ni a, midang ai hian min hmangaihin min enkawl bik em ni tih chang ka nei fo thin, nimahsela, chutia Pathian chungchang sawi chu a fair lo ang tih ka ring "thlei bik nei lo Pathian" a ni si a.

Engpawhnise, dam taka ka hun tawp thlenga min kaihhruai avang erawh chuan Lalpa chu ka fak a, he kum thum chhung hian natna hrehawm leh damdawiin luh ngai khawp harsatna vawi khat mah ka tawk lo a, ka hna avang leh thil dang vang ni lo, mimal harsatna leh dammawh hritlanna avangin chawlhni inkhawm vawi khat chiah ka thulh a, office erawh ni hnih ka thulh thung.

Mi tam tak khawvel hmun hrang hrangah Missionary hna thawkin hmun hrehawm tak takah an awm a, chung mite nena han intehkhin rualah chuan ka inngai lo. Thenkhat dang erawh mahni pawimawh hna dang thawkin an kal chhuak bawk a, chutiang zinga pakhat ve mai chu ka niin ka inhre thin.

He rama ka awm chhung hian mite tan malsawmna ka ni em tih pawh ka inzawt let fo thin a, min tirtu tan hian ka thawk nep hle pawhin ka inhre thin, nimahsela ka theih tawk ka tih ve erawh mal min sawmsak ngei tih ka ringhlel lo.

Haw tura ka han inbuatsaih takah chuan lung te pawh an ti leng ve deuh roh a, kal leh tawh ngai lo tura inngaihna hian min ti hrehin ka lungngai! Hmalam thlir erawh chuan ka phur a, mahni ram ngei, mahni tawng ngeia han ti ti suam suam hun tur ka suangtuahna mitthla ah a awm reng.

10 comments:

  1. Capt i hawn daih chuan i reh vung vung tawh mai ang a .A pawi nge a lawmawm zawk aw.

    Khaw chengker tak curent awm fo thinna hmun corps enkawla an dah che chuan i reh veng veng awm si a kan Innermost theilo ang tih a va han hlauhawm dawn ve le.
    Lunglen /khawhar te chu a hnamtu tur i tawng ang a reh leh vat mai ang.
    Mizorama i awm chuan single officer /tlangval 2 vel te pawh tawnsbop mai thei a sing hashahahah

    ReplyDelete
  2. Thuziak ropui tak a ni e. I lo haw hunah, kan Inah chaw i ei leh dawn nia. :D

    ReplyDelete
  3. Chhungril nun phochhuah-na tak tak anih hi!

    ReplyDelete
  4. I enkawl kohhran te hian an ui ngawt ang che. A ngaihnawm hle mai.

    ReplyDelete
  5. I kohhran enkawlte chuan an ui dawn mang che e aw. An ngai thin khawp ang che.

    ReplyDelete
  6. Khawhar hnem atana ziak mai mai thin i nih leh nih loh Zoram lam i kir hnuah kan lo thlir ang e.

    ReplyDelete
  7. Ekhai capt..i rawn thlen ve leh bahkhawr chi kan zawng dun nghal char char dawn ania..WCB

    ReplyDelete
  8. hmingtea - nia ti raw, thingtlang chengker, internet thlen phak lohna-a kan awm ta a nih leh thehmeh ang maiin kan reh hmiah mai ang chu.. :D

    H. vangchhia - i va ti lawmawm ve, i lo leng lut ve teh khiah a..

    Zaia - ka lawm e, chaw chu ka rawn ei leh ngei ngei ang, chaw eia sawmna hi ka hnial hreh thin teh ania :P

    Hmelthatea - niang chu mawle, kan inphochhuak mualpho fai tep tawh ania.. :)

    Sama khiangte - kei pawn han kalsan dawn takah chuan an ngaihawm dawn khawp mai hei.

    ReplyDelete
  9. caribou - ka hre lo le,haw thuai thuai se te pawh min lo ti ru reng zawk mai thei asin.. !

    ZL - khawhar hnem chu a ni meuh mai a, bakah update reng tur chuan hun neih a ngai ve em bawk a, mahni ram ngeia awm hi chuan kan buai deuh chawk ania..

    dula - thanks.. bahkhawr chi lo pawh ka duh teuh ang aw, tunhnai maiah thlai chi i dawng teuh tih ka hria.. :D

    ReplyDelete

Followers