Monday, April 18, 2011

Chhangchhiat ka zir!

Thian thenkhatte chuan ka thenawmah Zimbabwe lam mi an rawn awm thar tih kha in hre mai thei. DC ni turin an lokal a, portuguese an la thiam ve loh avangin inti thiam takin tawngte ka lehsak vel vei thin a, an lo thlen hlima lo dawngsawngtu leh an in leh lo buaipuitu ber ka nih bawk avangin kan khawsa ho nasa ta hle.

Fa pahnih, mipa kum 9 leh hmeichhia kum 14 mi an nei a, anni pawh an vengva phian a, ka in chu an Inpui ang deuhah an neih chawt a, an bungrua a lo la thlen kim loh avangin ka TV an rawn en awl lo a, Movie an duh duh an thlang a, zan dar 10 thleng rak rakin, chhunah lah School an la kal loh avangin ka inah chuan an lo sapa tal thin. A naupang zawk hi a kawlhrawngin a'n harh khawp a, a bulah chuan Tuirini zawng pawh a thu hle hle mai thei a ni. Ka u fate ho, naupang rual ka kawikhawm thin ai mahin he mipa naupang pakhat hi a tawrhhlehawm zawkin ka hria.

Tlai ka office ban veleh in atangin a rawn chhuak nghal a, I In kan tihnawk lutuk tih chu min lo welcome na tawngkam hmasa ber a ni fo. A sawi ang ngeiin In ka'n lut chu Thlipuiin a nuai ta emaw tih mai turin a lo hnawk nuai a, hah hnepa office atanga haw e ti lo hian In tifel reng rengin ka hmanhlel leh thin, han hau chiam dawn ila thian dang kawm tur an la nei chai si lo a, an khawngaihthlak ang reng bawk si.

Ei rawng ka bawl leh, purun chan ve phet a lo tum a, tomato a lo rawt thul, puan ka suk leh darthlalang nawhfai a lo tum ve zel a! Puan ka nawh lahin ka drawer zawng zawng a lo hawng a, make-up a lo khawih kim vek a, ka bawm, hawn theih chi zawng zawng chu a hawng kim vek tawh. Duh lah chu a ngah em em mai, hei hi min pe rawh a ti zo vek, Ngatan nge i tih a? han ti ila, thil tha deuh ka siam dawn te hi a ti ringawt zel a.

Nu, fapa pahnih/pathum nei hi an lo va buai thin awm e tih min ngaihtuah tir ta vel mai mai.

9 comments:

  1. I naupang sawi khi a ninhlei ang huin ama tawkah chuan inthlahrun rukna leh tanpui ve theih che duhna a nei anih khi. A rilru chuan a phak a, a kum leh a theihnain a la tlin lo mai mai niin a lang. Enkawl that anih chuan naupang fel tak a la ni maithei.

    Chhangchhiat hi, a ning duhtu tan chuan ninawm tawpkhawk a ni thei hial ang. Naupang hi thanglai an ni a, curiosity an nei a, chumi avang chuan an dilchhut a, thil tih ve phet an tum thin bawk. A chang chuan a ninawm lek lek thin. Ninhlei peih miah lova an thut ngawih ngawih hunah meuh erawh chuan an damlo na hle tawh a lo ni thin. Naupang awm miah lohna inchhung khur hi chu enge maw ti zawng tak hian a reh ruai thin.

    Tun atanga rei vak lovah i chhang chhiat ve tak tak tawh ngei kan beisei tak zet a nia aw.

    ReplyDelete
  2. An kutah Fevicol bun tlawrh la, chuan leiah tahtir la, a khirkhawh tumin an buai zankhua mai ang.

    Changchhiat rau rauah i chhangchhiat dan khi tlo a har, mahni fateah chuan a zia. Mahse han duat phawt mai teh in pu fate an nih kha. Mi nu leh pa tihlawm nana tha ber chu an fate duat a ni ngai.

    ReplyDelete
  3. Haha Praticalin chhang chhiat i zir dawn emaw ka lo ti a.Fa 8 vel i hnuk kawi tawh ang chu a lo ti rilruk nak a lai chuan.

    Ka thenawmah fa 7 nei ka in chungah 5 nei keini pali nei kan havy thin teh a sin,

    ReplyDelete
  4. Ka nupui hian fapa pahnih leh fanu pakhat - kum thum (tun ni 20 hian a tling dawn) mi a enkawl. A buaiin a vin thei. Zing ka thawh hmaa an inhaute hi khum atangin ka ngaithla thin a, ka nui thin. Chhangchhiat lai hi a nawm ber lai, kan ngaih ber a ni chawk an ti a, a dik ka ring. A nuam ve riau tlat. Lung a leng hman lo.

    Mahse, thu ziak tura han inkau pen pawn a, computer hmaa han thut tawh a, ka fanuin, ka khupa rawn pawt tang tanga, 'A pa, min pawm rawh,' a tih te; 'ABC min ziahsak rawh..' a tihte; thu ziak tura ka intintuah lai taka, 'A pa, A-mama hi...' a ti ziah te hi chu a buaithlak ka ti deuh thin.

    ReplyDelete
  5. Varte, thil reng reng hi i va han zir chhuak hnem tawh em tiraw! Chhangchhiat management te pawh hi i va pass ngun tawh em! Tu nu emaw ni tur hi chuan i tling hliah hliah tawh!! Aw, tlangval ho hi an va mawl tak em!! :)

    ReplyDelete
  6. caribou - Hmana ka thiannu-in a sawi ka hriat reng chu, 'Nu zaidam fa an bal tlangpui' a ti, an harh viau chuan zaidam taka enliam mai mai chuan bal awm reng pawh an lo ni e.. te ka ti ta. Nia, ka naua hi fel chu a fel ve ang reng khawp mai, inkhawm a peih loh pawn ka kal a, a hnu-ah min rawn zui leh hnu hnu tho.. :D

    Rp Pachuau - Fevicol-a bum mai mai rual chu ni tawh si lo.. A nu'n India i haw hunah i hawn a ngai ang a ti lolzzz.. tul tak tak se peihawm awm loh.

    hmingtea - khai, a hmanhmawhthlak hlei nem.. hahaha.. In In vel chu in ri ve laih laih reng dawn nih chu.

    Zaia - ka mitthla thei mai e.. haha, mahse i fa-te an fel em kha, ka naua ang ema harh chu an awm lo in ka hria.

    keimah - haha, buaithlak deuh chu a ni, ka tling hliah hliah tih hria hi Val zawng zingah awm ang maw..??? Lolzzz

    ReplyDelete
  7. Lalpa zara chhangchhiat mai nilo, i pasal zara i chhangchhiat hun tur hi thleng thei tak maw?

    ReplyDelete
  8. Chhangchhe tawh lo ho hian "chhangchhiat lai hi a ngaihawm ber e" an ti teh fo a, a hun lai chuan a ngaihawm vak lo chu a nih hi mawle he he

    Varte, i nau khawi chu tha tak khan lo enkawl phawt mai teh, nakina i tih tur i lo zir lawk dim diam tihna a ni mai.

    Tunlai tlangval ho han at zia hi chu aw... kan tlangval lai te kha han ni sela chu(h) :-)

    ReplyDelete
  9. Naupang kum 9 leh 14 chuti taka harh leh mi ina awmdan hrelo chu a van mak bawk ve mawle...an nu leh pa ten an zirtir lo hle nih dawn chu. kum 8 chinah chuan thil hrilh a hrethiam mai chin an nitawh fu sin. I fel lutuk..i dawhthei hram2 zel a.

    -bmw

    ReplyDelete

Followers