Tuesday, April 12, 2011

Buh tuh hla

Benvawn fengin kawltu chawi la
Ngur hnemtu sawmfang mal za
Tuhin mualpui liam zel ila
Lawm te u, sir sawn phei ru
Tang ula cheh khata thlak zelin
Kan ral mi u lawm lungrualte chhing turin

Kan engkim tur, kan silh leh fen,
kan hak, kan khim kan ei tur
Tiakin to la, ka Lawmi nen lungrual ten kan veng ang che
Chhungtin kan lawm nan thang del del la
Kan vangkhawpui sakhming tisang turin

Chhim leh Hmar, Thlang kawl a lo hnim e
Chung vanrial pawh rum mahse
Virthlileng khuang ruahsur hnuaiah
Siali, Vuaia phang lovin
I bei zel ang eng siaua chun leh zua
Hrinhniang lunglawmna ber tur a ni e

(a phuahtu ka hre ta mai lo, naupan laiin kan sawi thin, rilru-ah rawn lang thut a, ziak vel mai mai.)

24 comments:

  1. ka la hre ngai lo reng reng rual u deuh ho hi chu in lo hriat thin tlat. In thu khel pawh hi a un bik tlat zel a lawm.

    Tak taka i va vawng rei em em kei chu engkim hi ka theihnghilh a ni chhap tawh.

    ReplyDelete
  2. Buh tuh hi nuam ka ti ve thin thiante lo ah ka tuh ve fo mai. kan high school kai lai in 1980s bawl khan.
    He hla kher hi zuk han hre fuh lo teh tlat i maw le hahahah

    ReplyDelete
  3. Ka hre ngai miahlo keipawh he hla hi. Mahse naupan laia mi thil eng engemaw la hriat reng chu ka nei ve nual mai.

    ReplyDelete
  4. Hei hi hla nge, a chhama chham chi aw. Kei paw'n ka la hre ngai miah lo, he hla hi. I phuah a ni zawk lo maw? I lo inthup reng te hi a niang e...

    ReplyDelete
  5. Hla i van hre ril ve le aw.. a nalh reuh phian mai leh nghal a...

    A reng reng ah.. Buh i tuh ve tawh em le?? Kei chu ka tuh ve tawh a sin, lawm pawh ka nei ve tawh ngat maw le.

    ReplyDelete
  6. A awmzia hriat a va har tehlul em, kei Mizo Vernacular la ngai miah lo tan. Benvawn...hmmmm..Santen benvawn chiah zuk hria a :(

    ReplyDelete
  7. Thiannu, i memory te hi an van tha reng² ve le! naupan laia i hriat, thu awl lo tak mai ti khawp khian i la ziak chhuak thei a nia :-)

    -pi blacki

    ReplyDelete
  8. Pi blacki hming thar chu, pi anonymous-i :-)

    Ni e, i hriatrengna avan tha ve. Khi hla khi ka lo hre ve lo re re.

    ReplyDelete
  9. Rp Pachuau - in naupan lai khan an uar tawh lo a ni maw? :D

    hmingtea - Buh hi ka tuh ve tawh, mahse nuam erawh ka ti hauh lo mai. :)

    aduhi - hriat fuh riau hi a awm ve chawk alawm.

    caribou - Hla chham mi a nih hi, Pi Khawlkungi phuah niin ka hre deuh a, ka chiang ta lo a ni.

    b-buata - a ril reuh khawp mai. Buh hi ka tuh tam lo, naupan laiin ka nu ka pui zeuh zeuh, Lawm neih phei chu kan hun lai khan an ching tawh lo e :D

    Chhangte_II - Benvawn chu, Buh an tuh laia buh chi an dahna, ai taivawn thin hi aniang..

    Pi Black - ka tluk ve lek lek mai thei che ni :-)

    Sekibuhchhuak - Naupan lai thil hriat hi a lo chiang deuh aniang.

    ReplyDelete
  10. He hla hi ka la hre ngai miah lo, i hriatrengna a tha hle mai, kei chu ka hriatreng lohna a tha tawh zawk.

    A chang hnuhnung ber khi a un ril hmanlai raih mai. 'vuaia' tih hi ka vawikhat hriatna ni hialin ka hria, tlangval sawina ni awm tak chu a nih hi.

    ReplyDelete
  11. Lo neih, buh tuh a hahthlak tehlul nen, kan pi leh pute khan eizawn nan ber an hmang a. Chu mai chu ni lovin, nawm hmel deuh hian hla hi an phuah zel thei lehnghal a. Hetiang hla phuah tur hi chuan a eng zawnga hringnun thlir thiam mi nih a ngai ngawt ang.

    Hetiang hi kan naupan laia kan sawi pawh ka hre lo. Kan naupan lai a inrual a, kan khua a inang bawk si a, i va mak ve!?

    ReplyDelete
  12. triplestar - Vuaia tih hi tlangval sawina a niang, hla phuahtute hi an zalen ngawt mai..

    Zaia - Nang aiin ka U hret aniang chu mawle, min rualpui chei leh ringawt zel a.. :D

    ReplyDelete
  13. "siali leh vuaia"...hei hi enge a sawi tum ang aw tih chu ka hre thiam chiah lo tlat mai ka ti ..capt!!

    I memory a tha awm hle mai. I hmel hmuh pawh in a hriat alawm...!

    ReplyDelete
  14. @dula 'siali' tih hi nula sawinan hla thu-ah an hmang thin. Vuaia tih hi ka hre ngai lova mahse a hla thu atang khi chuan tlangval sawina ni ngei turah ka ngai.

    ReplyDelete
  15. dula - Siali, Vuaia tiin nula tlangval hming lem a phuahsak ni maiin a lang e.. Ka hmel hmuha hriat chu ka awih chiah lo e.

    ReplyDelete
  16. Ka hre ngai lo reng reng. Hotunu hi i memory a tha hle mai.

    ReplyDelete
  17. Ka hre ngai lo reng reng. Hotunu hi i memory a tha hle mai.

    ReplyDelete
  18. I zak em? Kei aiin i upa lo chiang lutuk Ramdin. Grrrrrrrrrrrrrrr.....

    ReplyDelete
  19. Tu tak upa zawk ang che u maw? Hriat a chakawm hle mai a...

    ReplyDelete
  20. Buh ka tuh ve ngailo a ni a nge, ka hre ve lo tlat.

    ReplyDelete
  21. A va ropui leh ta ve! Hotunu ka rawn lenglut khat deuh a. Ngai i la awh reng bik mai ka ti! Blog nuam zel le...

    ReplyDelete
  22. Tsa - nang pawh i la naupang em a nih kha :D

    chhana - upat inchuh hi a naupan thlak ngawt mai ti raw.

    Alejendro - I va vannei ve..

    VaiVa - I ti lawmawm e, VaiVa i a rawn thlawk lut khat ka lo ti reng a :-)

    ReplyDelete
  23. Varte, buh tuh hla hi kei pawh ka lo la hre ngai miah lo! Buh hi ka tuh ve tawh a, cheh khata thlak chat chat hi a lo har khawp mai. Ka tih tirh lam phei chuan ka cheh leh thlak a inrual a, ka chek per leh chuai thin!! Lung i tileng!!

    ReplyDelete
  24. Pu keimah - hmanlaia buh tuh rang an sawi vena leh an intihtheih vena ber a ni lawm ni? Khup khawn tawlh a awl ngawt ang hahaha

    ReplyDelete

Followers