Wednesday, March 30, 2011

Intihhmuh.

Mizote hi thil intihhmuh ching tak kan ni ve hrim hrimin ka hria, hnam dang hi engemaw an an ang ni, ka hre lem lo a.

Damdawite hi thiante chawh chawt chawt kan ching, natna in ang ni-a kan hriat chu Kei pawh ka ei a, a tha, ei ve rawh te kan ti ngawt zel a, kan chawh loh vek pawn kan zawt tal a, kei tak pawh hi damdawi lam hriat engmah nei uk lo hian sawi mai mai ka ching khawp, sim daih chi a ni.

Zuk leh hmuam pawh hi chuti tho, thianten an ti liam liam a, tih ve mai kan ching a ni awm e. A bikin Mipa hian meizuk hi Paa riau-a hriatna an nei a ni ta'ng, High School naupang, mei zuk ching an tam riau. Kan High School kal lai-in mipa ho hi chawlhlawk veleh an tlan chhuak a, Tuizem bulah mei an zu ru thin a, an bial luih a, a khu luih luih thin, kan Miss-in a hrem hlawm, Tuizem hal in tum em ni? a ti a, an nuih chu a za ang reng hlawm khawp mai.

Incheina hi kan intihhmuh thin langsar tak pakhat a ni bawk. Thianten pheikhawk nalh deuh an nei a, neih ve kan duh zel. Kawr chi dang deuh a rawn chhuak a, a design kan entawn a, thui ve zel kan tum hlawm. Kan nulat laia Levenday puan an tih mai thinte kha nei phak lo nih a va hrehawm tak em ve aw... Tunlai nula, tleirawl te hi chuan korean style an in tihhmuh mek niin a lang.

Internet leh Blog - Kan lo changkang telh telh a, mizote pawh internet kan hnimhnai in kan hmang nasa tial tial a, mahni pual-a blog, website etc siam thei apui kan tam ta, kan intihhmuh hneh leh pek khawp mai, mahse regular taka update thei chu ar chil zat lek an ni leh lawi si, internet khawlai hi kan va tihnawk hneh tak em! leh peka.

Facebook - Facebook mawlh mai hi a chang chuan ka nuih a za thin, rin loh tak tak hi an rawn lang nawlh nawlh a, kan va chhangchhe tak e aw.. Min rawn invite chawt chawt a, han accept ila hnara khawn ang maiin an bo leh thin si, active viau ila, i va hman awm ve kan inti leh lawi bawk si, ka tan chuan chanchin hriatna leh lam hla thian kawmna tha tak a ni a, tha chu ka ti ang reng viau tho, mahse ka ti mah mah em aw chu ka inti deuh, Hmanni pawh ka nau thian pakhat-in min rawn bia a, FB-a chat vel hi i inhmeh lo e.. min ti, enge ka inhmeh niang aw.. tih erawh min ngaihtuah tir thung a!

Hetiang hi a ni e, tunlai ka rilru a awm mai mai chu. Tirhkoh Paula erawh chuan Timothea hnenah khan " I naupanna tumahin ngainep suh se; thusawi kawngah te, chetze kawngah te, hmangaih kawngah te, rinna kawngah te, thianghlimna kawngah te ringtute tihhmuhtu ni zawk ang che" a ti. I Tim. 4:12

Thil tha lam intihhmuh hi i teh tum ang u.

7 comments:

  1. Hotunu, nia Mizo chauh lo pawh, hnamdang chi dang pawh hian an lo intihhmuh nasa ve khawp mai. Blog te pawh kan intihhmuh a ni ber mai.

    Facebook erawh tun thlengin ka la luhchilh lo a, ka tum lo bawk; tuman i inhmeh lo min ti ve hauh lovang le.

    Kut hnathawh, hun vawn that, Pathian tih, chantawk a lungawi te hi intih hmuh chur chur ang u hmiang.

    ...khrum

    ReplyDelete
  2. Intihhmuh hi chu kan ching khawp mai. Kuhva ei, sahdah hmuam, tuiburtui hmuam leh meizial zuk te hi helaiah chuan kan intihhmuh khawp mai. Zirlaite hian lehkhazir hi zuk intihhmuh tha duh miah lova maw le. Korean TV serial mizotawnga translate en te leh football khel ena zanrei tak tak thlenga men erawh an intihhmuh leh viau lawi si.

    Intihhmuh rau rauvah chuan kuthnathawh intihhmuh hi a lo harsa berin ka hre ta....


    I blog ah ka rawn lut khat deuh ani tih ka hre chhuak.

    ReplyDelete
  3. Internet leh blogging - min tih chhan chiang. Ka update ve thei tep tawh e.

    ReplyDelete
  4. Intihmuh awl hi chu thilthar hi ani duh khawp mai. Zuk leh hmuam hi chu thudang ni ta se.

    Mizo nula zingah zuk leh hmuam tih loh an intihhmuh deuh nia ahriatna ka nei. Mizoram ka hawn hnuhnun ber khan. Taksa lanmawina lam ngaihpawimawh vang ani awm e.

    ReplyDelete
  5. A duh chuan lo in tih hmuh teh u.Tih hmuhlo awm hek suh.

    shakhmel bu hi naupang kan faten an lom khop mai.

    Capt tihhmuh hi i copy velo anih ka ring miten pasal neih an intihhmuh laiin nang ve chu neihloh tih hmuhtu nih i tum elo maw?

    ReplyDelete
  6. Kan intihhmuh ching lutuk hi sumdawng tan chuan a tha khawp ang, mi neih chu neih ve vek kan tum si. Scooty zuar te pawh hian stock an nei hman meuh lo an ti.

    ReplyDelete
  7. intihhmuh hi ching lo ila kan buai viau ang chu.

    Tihhmuh theih miah lohte hi an buaithlak zawk em te ka tia. Mahse luangthli chhem ang maia a sawi hnuhnung hnung awih chu tha ka ti chiah law.

    Ka net a tha ve leh taaaaaaaaaaaaa.mahse ka zin ve leh lawk thung.

    ReplyDelete

Followers