Wednesday, January 26, 2011

Mumang.

Chaltlang-ah hian pa lar ve tak mai, a tial thawl ve lampang, lenvah taima zet mai hi a awm a, kekawr tight tak mai ha-in a kal tah tah thin. Chuvang chuan a hmingah Dotighta an ti a.

Zan khat chu a mumangah an veng nula hmeltha kha a lo khuaikhem ni tur a ni, a hlim khawp mai a, a tukah amah chu a hmu a, a chhaih vel.. " Nizan kha.." a ti, nula lah chuan hrethiam der si lo a, "enge nizan?" tiin a zawt let a, ani chuan "Ehh... hre lo der velah.." a la ti hram a ni awm e. Mumang na na na a tak emaw a ti tlat a, chu chu a mi an lohna tak kha a ni si.

Mumang hi a mak khawp a, thenkhat chuan kan thil ngaihtuah deuh hi kan mangphan thin an tih laiin ngaihtuah miah loh, hriat miah lohte kan mang nawk nawk thin bawk si. A chang chuan ka manga ka hmuhte hi, Hetiang chiah hian a takah a thleng tawh, hei hi ka hre tawh a ni tihte ka nei thin. A chang chuan thil lo thleng tur ni-awm tak, kan mangah kan hmu a, chu chu Kelchal mangman tiin Upa te chuan an sawi thin.

Josefa khan a chunga thil thleng tur kha a kelchal mang man a ang khawp mai. Thuhriltu chuan Mumang a tam poh leh thu lawilo a tam a lo ti a, hla siamtu lahin Zingah mumang a lo ral thin, kan in ang rintlak loh a ti bawk a, mumang hi an sawi ho viau.

Thenkhat chuan kan mumang hi kan hre reng a, a sawi pawh kan sawi leh vek thei thin, a then erawh chuan kan ngaihven lem lo a, sawi pawh kan sawi ngai lem lo. A tlangpuiin zing ka harh hi chuan ka mang hi ka hria a, a hnu-ah ka theihnghilh leh mai thin. Kan college kal laiin kan thiannu hi mang sawi a uar khawp a, zingah Tuition kan kal thin a, haw kawng tluan hian a mang a sawi thin a, kan thianpa pakhat chuan a tlanchhiatsan a, a um dawr dawr a, a hrilh hrep zel :D mangneiin kan tih phah.

Miin ka mang a ang riau mai an tih hian, a mumangah chutiang thil chu a hmu tawh a, ka mang a va ang ve a ti tihna a ang hle mahse chutiang chu a ni miah si lo, ka mang a va ang tak em kan tih hian kan rilru a buai a, harsatna lian tak kan tawk tihna a ni. Engatinge ka mang a ang kan tih kher thin le. Kan mangah kan buai vak vak thin vang emaw ni dawn le..??

Ka USB Modem ka ti bo a, ka online thei lo... ka mang a ang tak zet a ni.. :D

16 comments:

  1. Mumang hi 'Rapid Eye Movement (REM)' leh '4th Stages (A dik em aw, chhiar loh na a rei ta a) of Sleep' a thilthleng ani e Sigmun Freud-a khan a tia. Muttui hle a ngai ni tur ani, mumang hi ka nei khat khawp mai. Ka neihchhun lah a tuk ah ka thihnghilh leh daih thina...Chuvangin han sawi vak tur ka hrelo hle mai :D

    ReplyDelete
  2. Mumang ah hian exam tur thiam loh deuh hi ka hmu fo mai, ka mang ang thei khawp mai.

    ReplyDelete
  3. Madini chu thil ho te pawh hi ngaihnawm deuhin i ziak thiam eee! i mang a an vang ringawt kha chuan i mangan ka ring lo! Mumang hi ka nei khat khawp mai! ka neih pawhin ka theihnghilh zel!

    ReplyDelete
  4. kei pawh hman zan ka mumang ah mitthi ka hmu ..a tho leh zui a...

    ReplyDelete
  5. Khasi ho hian mumang hrilhfiah an thiam khawp mai. A tuka an tir cut tur te hi mumang nen an thai zawm vek thei thin. Nang chu i mumang a changkang bik thin khawpin ka ring (ram changkang i tlawh hnem tawh bik sia)....

    ReplyDelete
  6. Kei, theihnghilh leh nghilh lohvah hi chuan a mumang a zirah ka ngai deuh ngawt. Mumang hi tha ve deuh a nia. Kan nih theih loh, kan chan theih lohte hi kan han chang lawp lawp a, chhe lam awm ve bawk mahse...

    ReplyDelete
  7. Kei chu mumang ah hian thil tam tak ka tih tur ka hmu lawk ve fo tawh.mang nazawng erawh ani kherlo.a chang chuan opposite zawng ten ka hmu lawk.
    Ka naupan zual lai in ka sorkhar tiangkawm neih ve chhun khanglai hun kha chuan mau tiangkawm bak vang tak ani.a bo daih mai a ka vui khawm mai a ka mumangah ka tiangkawm a kawm lai tak ka hmu a a tuk ah tlai lam ah ka tiangkawm chu kan ina leng ve thin in a lo ru chu niin an inah ka len in ka hmu leh hlauh.

    Sawithiam thin e capt .Chaltlangpa chuan a lo mang ve hlauhlo che maw?

    ReplyDelete
  8. I thuziah khi i mumang mai mai a nih ka ring. :D A ngaihnawm e.

    ReplyDelete
  9. hahaha..dotighta story chu

    mumang hi chu a mak thei khop mai...rilrua lang ngai reng2 lo te kan hmu a..chuan ka mumanga ka hmun fanna toh te hi ka lo fang leh thin

    ReplyDelete
  10. Dear All - Mang mai mai ti-a palzam mai mai a awlsam viau laiin, kan thil tawn ngei kan hmuh nawn sak emaw, kan mang a lo thlen dik hi chuan kan ngaihtuah zui rauh rauh duh fu nia.

    Bteii Ralte - hahaha, Dotighta chu i mitthla ah i hmu nghal ami?

    ReplyDelete
  11. Hmanlai chuan mumang dik thei deuhte hi tapchhakah an zuntir a, a reh ve mai thin a ni awm e. Mumang hian thlarau kan neihzia a proved nite'n ka ngai ngawt bawk. Thil a thlen tawh hnua lo mang lawk dik nia insawi chak tlat thin pawh an tam :)

    ReplyDelete
  12. Awi I thil rawn ziah chu a mak tawp coiincidence nasa ltk. Tunkum kumthar ka haw kha, ka nau naupang kum 3 mi vel ka ngaih deuh mai hi ka haw chuan rawn riak ziah ania. Riak turin ka sawm kha a duh ta lo tlat mai a, engati tih lahin a sawi duh si lo. A hnu ah ka nu in min hrilh a, vawi khat a lo riak hi a mumang ah dotighta'n a lo um a, chuta trang chuan kan in ah a rawn riak duh tawh hleinem ati :)

    Dotighta te hi Chaltlang ti Chaltlang tu an ni ve a, an ti famkim ve lung te an ti leng rum rum mai

    ReplyDelete
  13. Muantea - va hre mak thei ve aw.. mang chhawr tak pawh hi an awm ve ni awm ania.

    Jerusha - haha, Chaltlang hi chu kan chikim ve ngawt mai ti raw. ka lunglen hian thil kal tawh ka ngaihtuah leh vak thin a, Ruam Veng awm laite kha ngaihawm thin khawp mai.

    ReplyDelete
  14. Mumang hian rawng a nei mang hauh lova, ngun takin i mumang chu ngaihtuah teh, (1) a thim mup (2) a eng uarh (3) thim silo eng silo. Heng 3 bak hi mumang rawng a tamlo hle, chung 3 a tlanglawn ber chu 3 na eng silo thim silo ti deuh nghulh hi ani. Miin an pum a nawmloh deuh hian "ka ni nghulh mai" an ti thin a, an pum ah mumang rawng a tla ani mai lo maw.

    ReplyDelete
  15. A ngaihnawm thin e. Mangang leh mang ang i ngaih pawlh deuh a ni lo maw ka nau! Para tawp ber pawh khi i mang a ang ni lovin i mangang a ni zawk lo maw?

    ReplyDelete
  16. I modem chauh a bo a.. nangmah i bo tel mang bawk silo...

    ReplyDelete

Followers