Friday, August 13, 2010

Mo thian... dinhmun laklawh!!!!

Nula hi mo thiana vawi thum an tan chuan an leng rei duh an ti thin, kei chu vawi li lai ka tang tawh pek a.. Nula leng tul erawh ka la inti phal lo deuh a!!!

Ka thiannu Mary te inneih hian kan TC, Vaiin a inneihtir a, rehearsal kan nei ve thlap a, kan tih chhinna ah khan kan ding ho dal a, Mizo-in kan tih thin dan pangngai khan.. ani lahin pip e pup e a ti hlei lo.
Inneih tak tak na-ah chuan le... TC chuan Mo leh Mo neitu chu ding turin a ko ta a, keini an thiante ve ve chu kan ding ve mai a, tih dan pangngai ni miau hek. TC chuan Mo leh Mo neitu chauh ding rawh se, a ti teh tlat a, an thiante chu lunghnur zetin kan thu leh a, a van zahthlak tak e aw.... a zahthlak a ni.. engemaw chen chu hawi pawh ka hawi chhuak ngam ta hleinem. Inneih thute an han chham zo chu zungbun bun a lo hun a, Mopa khan zungbun a buntir dawn a, a thian chuan a va pe, ani kha chuan a kekawr ipte-ah a ah avangin a din a ngai hrim hrim a, ding chungin a va pe.. chutah mo-in a han buntir ve tur ka pe chu ding buai duh tawh bik nang, thu chungin zungbun chu ka han pe a.. ka tum deuh hmuau nghe nghe mai thei. :D

A tawpa a thuchah sawite lah kha, a han ngeiawm khawp a, Mo chanchin a sawi a, Mo pawimawhnate.. tihian zu han ti tel kher pek a "Vawiin-ah pawh hian Mothian chu nalh takin inchei ve mah se, engmah awmzia a awm lo, Mo hi a pawimawh ber chu a ni" a ti, va khawn lawlh ka va'n chak tak e aw, kei chuan pasal nei dawn ila, vai chu ka inneih tir lo chiang viau ang chu.

Sawi erawh a sawi dik ve viau lawiin ka hria, a tawngtu chu ni lo ila, ngaihnawm pawh ka ti viau mahna, mo thian ve mai kha, lo inchei dur ve viau mah ila, a pawimawh bera kha chu pasal neitu ber kha a ni tlat.

Mahse, engvangin nge Mo hian thian a neih thin, a mawi lohna te, zahna te khuhbo tur leh a thu hriatpuitu tur thian, rintlak, a rinngam tur a neih a ngai a, Inneih hnu zelah pawh nupa kara buaina leh harsatna neuh neuh a neih pawhin he a thian hi a hrilh thin tur, thurawn petu tur leh kawng engkima a rawn ber tur a ni ve tlat. Mo thiana tan hi thil namai a ni lo, an Inneih ni-ah Mo chuan engmah thil dang a ngaihtuah hman lo, thiante lo huikhawm leh chhungkaw aiawh pawha ding mai thei tur thian rintlak a neih hi tih makmawh a ni. Mothian hian he dinhmun pawimawh tak hi a pawimawh ang hian tam tak chuan an hrethiam lo zawk fo thin.

Inneih Ni-a mipui hma-a dinpui mai-ah hian he Mo thian dinhmun hi a tawp lo.. Inneih hnu-ah pawh thian chuan an dinhmun a thlithlai reng a ngai, naute an han nei a, nau en a ngai, nupa karah neuh neuh an nei a, thuchheremsak te thlengin, nu leh pate hnen an thlen hma hian thiante hi an hrilh chawk thin, chutih huna thurawn tha pe thei tur nih a ngai ve. Ka thiannu pakhat phei chu an inneih ni an ruat vek tawh hnu-ah pawh an inti tau rau reng mai a, thu chheremtu ka va ni ngun tak em!!! An nu ten min rawn phone thul, anni pahnih ka phone thul, khatih lai khan ka phone hi a luck ve ngawt asin. A tawpah zawng in hmangaih na na na chu tluang te-in an innei ta poh a, fate pawh an nei ve diah ta.

(Ka thu tum deuh buau mai..)


He dinhmun THIAN nih hi a va'n pawimawhin a va laklawh si em!!!


24 comments:

  1. Mo thian ah hian ka la tang ve miahlo mawle. I thu tum buau lai khi ka duh tawp. Mo thian in inneihtir tupa a va khawng lawlh lai tur chu ngaihtuah in a nuihzatthlak tawp :)

    ReplyDelete
  2. Hotunu chu Eng eng emaw hi ngaih nawm danglam deuh deuh hi i tawng thei riau mai ka ti... I thlalak en khian, rilru ah inneih boruak a lo lang a, nuih loh chu a har khawp mai.

    Hnathawh thuamhnaw nen tel ta la chu? Chiloh viau zawk ang.. Tin, a Inneia te chu duh inhmu tawh an nia, thiante tan chuan "hawizauna hun" a ni ve zel a, nalh a ngai zawk a lawm ti raw?
    A.. i nalh thlawn tawp lovang.

    ReplyDelete
  3. ''Vawiin-ah pawh hian Mothian chu nalh takin inchei ve mah se, engmah awmzia a awm lo, Mo hi a pawimawh ber chu a ni"

    >Van ngeiawm tak ve mawle...kher kher a. A zahthlak ve duh dawn hle mai. Thru tum bur chunga zungbun i pe chu ka hrethiam che. Photo ah khian i lang cute reng lutuks.

    -bmw

    ReplyDelete
  4. Mo thianah ka la tang ve lo. Ka hrelo an dinhmun tur hi. Mahse hei i zarah ka var leh ta uar mai le. Hriat mamawh lai tak a i rawn post chu le!

    Thank you.

    ReplyDelete
  5. Aduh - nang pawh awm la i ngei ngawt ang.. :-) Inkhawm ho pawh khan "I va ti tau nasa bur bur ve" min ti a, ka thinrim tep mawle a!!!!

    b-buata - kum a tam tawh hi chuan eng eng emaw hi kan lo tawng leh mai thin alawm.. Mothian tana rem lo deuh pakhat chu lo hawi vual vual hi a ni ve tho asin!!!

    bmw - haha, thanks, min hre thangtu ho pawh min hai asin khi thlalak-ah khian.

    Irene - Nia, i mamawh lai tak, I thian kha hmang tangkai thiam viau rawh aw..haha..

    ReplyDelete
  6. A ti thang te thusawi hi chu han awi hmiah phawt i la... Ni e, mo thian pawimawhna hi kan hre tawk lo fo mai. Inneih nia dinpuitu sathliaha inngai pawh kan awm nual ang. Thuhretu pawimawh, hlimni leh lawmni pawha thian ni zui reng tur, a tawp thlenga support tlattu tur mi pawimawh 'in' ni...

    ReplyDelete
  7. I ti dik bawk sia, mahni chauh in ka khi vur vur mai mawle..:)
    Nia, Mo thian hi a pawimawhna tur kan la phawk chhuak chiah lo niin a lang.. Inneih hnu a thubuai hlabuai engkim, kan nupa kara harsatnate thlenga kan hrilh ngam tur - - innei te tan chuan an pawimawh hle asin; inneih ni mai piah lamah, damchhung atan a lo ni zawk si. . .

    ReplyDelete
  8. I ngei em vangin a hmel i tihphe sak...tihna em ni? :P

    Ti daih ila in kohhran inneihnaah hian a hranpa in mo kawr tih vel in nei hran lo tiraw? A hautak lo ngawt in ka ring...

    ReplyDelete
  9. faka - haha.. thehmeh ang mai i nia lawm le, tunlai chu.. i va tul thin awm ve???

    cobtea - ni chiah e, inneih laia an thiante thu daih chu i hriat vawi khatna a ni ve tho lo maw?

    luliana - a hmel chhe em a, ka ti phe a nih khi :-)

    Aw, Sipai puitling (Dan zawhkim), sual kai lo :-), (Dan 1-na) chuan Uniform an ha zel a, hautak lo khawp mai.

    ReplyDelete
  10. dik chiah...mo thian tam tak hian an dinhmun in a ken tel hi an hre miah lo...hmeichhia in pasal a nei don a, thian engemaw zat zingah thian atan a han sawm te kha intihtheihna turah an ngai mai mai...tin, chutiang bawkin mo tam tak naupang tak tak te hian an mo thian te relevance kha an hre phak bik lo bawk

    in pastor/TC chu ngeiawm ve hranpa nih chu...an chawhmeh hing vek roh se :D

    ReplyDelete
  11. Ha ha ha..ka va khawngaih che em! Awm ve ila chu Vaipa chu ka va kam khat hrim hrim ang!! Sual reuh lutuk!! Thu chunga zungbun i han pe vel chu...i hnehsawh ve hrim hrim!!

    ReplyDelete
  12. Tum-bua-i :-P

    PUNZAR hnuai ngeia thu chham hi --SUIHTUNGTURUT a suih ang velin a ngheh ka ring .Hehe!Mipui hmachhawn zawnga thut hi a zahthlak duh phianin ka ring.

    Durtlang Leitan,Willow Mount-a kan kal lai khan inbiakinah hi chuan ka van inkhawm ngun tak. Chuvang chuan sipai-ah hi chuan ka inti mikhual lo. Tawtawrawt pawh biang treh teuhin ka hamve tawh :-P

    ReplyDelete
  13. Ka kawmen tawh emaw ka tia, chhiar chhuak hawt lovin ka'n kawmen ang e. Hetiang thu ziak tur hian i tling tawk - Semi-final hi chu i thleng zing ve tawk tawhin ka hria. Final eng tikah tak ni ang maw??

    ReplyDelete
  14. Inneihna-ah hian thian ber ni turin inneiten min duh a, kohhran se dai inhungna avangin min remti ngai lo. Mahse, thiana an hmante aiin a inneih hnuah min hmang rim zawk tho. Tum khat chiah mi thianah, thian pahnihnaah ka tel ve. Thian tha ka ngah, mahse, ka thiante hi DENOMINATION vangin an lemchannaah ka tel ve an remti ngai lo. A takin ka kawm zui a, a tha tawk viau!

    Varte, i pawimawh ni-ah i aia pawimawh zawk an awm maw? I ding duh lo kha, thian tha ber i ni chiang!

    Mahse, i thlalak pawh hi a tai sawt telh telh a nia, kei chua Zaitea nen LIVE-in kan inhmu tawh asin! I blog-ah comment pe thei lovin ka khawsa rei, tun tumah hian engnge a an ang aw?

    ReplyDelete
  15. E khai!!! miropui nge nge te chuan daihriat pawh in ngah hle mai kawng engkimah..a va hlimawm ve he thu zet chu..hetiang ang hi an vang viau ang a..mo thian i sawi takah chuan.. tunlai ah hi chuan a hming mai a ti hi kan tam tawh khawp in ka hria..hun hmasa lam a an lo ken tel tir thin hi kan chhawm zui ta lo viau mai

    ReplyDelete
  16. Virgochhas - thenkhat chuan inneihni-a dinpui tur ringawt emaw an ti tak tak ni awm ani, a Mo te ngei pawh hian inneih hnu-a rawn leh nachang an hre lem lo..

    keimah - haha!! han awm hlauh la tha tur a!!! zungbun pe tura han din kher pawh kha ngai ber lo alawm.. :-(

    Sekibuhchhuak - nia, mipui hmachhawn hi a inneia te chu an zak thin khawp, mahse mipui tan hian a tha riau, an hmu chiang thei a..

    Tawtawrawt ham chu hmui a na a ni ngai a, i biang a lo treh daih le aw..!!!

    Zaia - a phatna tur hriat loh thlak e mai, dam chhung hian Final kan khel hman lo mai ang tih a hlauhawm ta riau mai hei.

    chawnghilh - Denomination avanga din theih lohna ka nei kei pawh.. haha!! Ka blog i tlawh lo rei khawp mai, kan lo khawhar hman khawp asin..

    October-ah rawn haw ka tum, Zaiate nen chuan, i hovin LIVE ngatin inhmukhawm ila..???

    amuana - haha!! Mi ropui..!!! ka title thar chu ka va phu lo em.

    A dik ngawt mai, a hming maia inpawtchawp, Chawnghilh sawi anga, Denomination avanga thian tha takte hman remchan lohte a awm thei bawk a, a tam ber hi chuan a nihna tur tak hi kan ngaihtuah lem lo a ang viau.

    ReplyDelete
  17. Ngaihnawm phian a. A tawpah kan tum hlen dawn emaw ka lo ti hman pek a :D A finishing hi i thiam zawng tak a nih vangin final pawh hla lo turah dah teh ang :D

    ReplyDelete
  18. Vaiva - haha.. final chu engtikah nge ni ang tih hi mahni pawh ka inzawt fo, chhanna la awm thei lo nih hi :-)

    ReplyDelete
  19. Mo thianah hian vawi khatmah ka la tang ve lo, a nawm/laklawh/pawimawh na pawh ka la pawh ve phak lo a niang....

    Mahse khi in sawi a, kan var ve deuh hawk e :)

    ReplyDelete
  20. Mo thian hi vawi hnih ka ni tawh a, chumi hnu ah pawh sawmna chu ka dawng leh nual tawh mahse ka 'no' hmak hmak tawh. A vawi thumna chu keima inneihna tih loh ah chuan lace kawr ka ha tawh mai mai bik lo ang haha Mo thian nih pawh hi ka tlin vakin ka hre lo, men rei ngai si, thawh hma ngai si, ninawm bawn

    ReplyDelete
  21. David Ralte - Nangni ang te Mo thiana in tan ten khawvel a letling aanga sin le!!! Moneitu thian zawkah chuan i la tang mahna..

    Thiana tan hi awmna hmunin a zir pawh a ngai ve khawp asin.

    Jerusha - I awmna hmun ngaihtuah chuan i tang hnem zawk ngawt alawm, nia kei pawh ka tang duh tawh lo, Mahnin hmu thei mang si lo, midang bulah a ding a ding a, min ti ang :-)

    ReplyDelete
  22. Hemi ni hian ka tel ve a,Dini thu tum vuau lai thla pawh hi ka lak ani in ka hria,hemi ni hian Dini camera ka keng a,cameraman ah min tan tir nghe nghe a sin.
    Dini,hemini hi chuan tum tuau mahla i nalh tho tho e.A innei a ten intih changkan nan vai an in neihtir kher a,i buai phah ta deuh anih hi,mizo chu ruai se i dingve ni mai tur

    ReplyDelete
  23. Semifinal thleng miah lovin Final ka direct a,chumi hnuah mi tamtak ka inneihtir tawh bawk a, chumi hnu lehah thianah ka tang ve ta a,mitamtak inneihtir tawh khan hming sign lohna turah ka'n signed palh tlat mai a,inneihtirtu in min ko kir leh a,min sign tht tir leh a lawm.

    Thil tih than deuh pawh hi hamhaih awl deuh mai alo ni e

    ReplyDelete
  24. puia - ni chiah e, thla i lak ngei kha, TC kha chu a che ngeiawm ve em lawm..

    Hrim hrimin nangte chu naupan laiin Nupui i nei tlat alawm.. :-)

    ReplyDelete

Followers