Sunday, August 22, 2010

Chabi

Isuan a zirtirte hnena "Miin Mihring fapa hi tunge a ni min tih?" ti-a a zawh khan Petera chuan "Krista, Pathian Nung fapa chu i ni" tiin a chhang a, a chhang fuh lutuk kha Isua pawh a lawm ngang aniang, Petera kha Vanram chabi hial a pe ta mai a, kha vanram chabi kha eng ang chiah nge ni ang chu kan hre lo na-a vanram hawn theihna chu a ni ngeiin ka ring.

Chabi hi vai tawng atanga kan lak niawm tak a ni, thil tereuhte si hi a pawimawh em em leh nghal a, theihnghilh a awl phian leh nghal vei nen, a chang chuan he thil tereuhte avang hian kan buai pherh erh thin chu a nih hi.

Tunlai chu keima tawkah ka buai ve leh pek khawp mai, kan Training Principal te appointment dangah an kal a, midang Argentina lam mi kan neih dawn avangin a Quarters luah lai leh, Training College vel zawng zawng Inventory ka enfel pui a, Garage atanga tanin, Choka, Cadet ho room zawng zawng, office, store room leh anmahni Quarters luah lai nen, Training College-a bungraw awm zawng zawng kan han chhiar zet chu a hahthlak dan a ninawm ngei mai!!!

Engkim kan enfel zo a, kan tihfel apiang kan kalh nghal zel a, chabi chu min pe nghal zel a, Inventory list nen, chabi nen ka ri ruih ruih ta mai, kan han zo chiah chu Chabi ka hum hnem ngei mai. A tawp berah chuan anmahni chu gate pui atang chuan an inphurchhuak a, gate chu tuma hawn tawh loh tur niawm fahranin ka kalh ta rup mai a..

Hetia chabi ka hum khawm ruih lai tak hian ani, Isuan Petera Vanram chabi a pek tak hi ka ngaihtuah chhuah ni, keia chabi ho hian room hrang hrang a hawng thei a, kan thih hnu hian a pawimawh ber vanram luhna turin a hawnna tur chabi ka kawl tha em? tih hi in ngaihtuah ngun a va ngai em.

20 comments:

  1. Isuan Petera hnena chabi a pek khan chabi mal a ni lo va, hmannia i dawn ang mai khan chabi bawr a ni, a chhan chu 'vanram chabite ka pe ang chia' a tih avangin.

    Chu chahbi bawrah chuan finance te, project te, literature te, tihdam lam hna te, administration lam te etc a inkhai bawr teuh a ni.

    Chuvangin chabi chu i kawl a, kan kawl hlawm e

    ReplyDelete
  2. Petera chabi kawl hi kan 'analyse' ve lawk ange. Thil dang ni lovin Isua nihna hriat chian leh pawm na kha a chabi chu ni ta ber lawm ni ka ti deuh.

    ReplyDelete
  3. Kan chabi kawl, a dik emaw kan tih ve te hi a diklo a lo ni palh anga, a lo mil si lo anga, kan hawng thei lo mai ang tih chu hlauhawm tak a ni reng a ni...

    Mahse,, i hawn/hawng thei ngei ka beisei pui khawp mai che...

    ReplyDelete
  4. Thianpa Zaia blog.ah i comment ka lo hmu thin a, zanin dar11:30 hian i blog hi ka tawng ve chiah ka va han lawm em! Ka thil zawnna lamah ka hmuh hlauh chu leh.....

    August ni 28, 2009 a i posh toh poetry kha a thar hmuha hmuin ka han comment ve chiam chu...h. Mahse, a pawi lo i duh leh lo en let ve mai mai dawn nia.

    A dik khawp mai; vanram chabi hi kan lo nei ve hauh lo a nge! Ngaihtuah zui angai khawp mai!

    I blog. chhiar a nuam, ka tawng vannei khawp mai! Ka blog.ah la link nghal dawn e.
    leitlangpui-kka.blogspot.com

    ReplyDelete
  5. I Baibul chang rawn tarlan khi mitthiam tak takte inhnialna ani tak e. Nangmah i chiang tho in ka hria a sawi zui ve vak lo mai ang. ISUAN Petera thuneihna a pek hi van sang tak em!

    Chahbi hi Chinese ho hian an han ngaipawimawh em em khawp a. An kawng,kawnghreng-bengah hian an khaikhawm teuh zel. CHABI ngah chuan kalh tur an ngah tihna ani a. Mi hausa ah an ngai.

    ReplyDelete
  6. Fela - Kan chabi kawl-ah chuan kan chiang tlang maw??? Ni e, chabi bawrah hian thil tam tak kan khai a nih hlawm hi ti raw?

    dr_feelgood - ni e, Isua nihna hriat chian leh pawmna vang khan midangte pawh hriattir ve turin mawhphurhna pek a ni-ah ka ngai.

    b-buata - chu chu hlauhawm khawp mai.. khilam tala mil chabi kan nei ang chu maw..

    kka - i ti lawmawm, i comment pawh ka en let e, lo lut ziah rawh khai.

    Sekibuhchhuak - nia, He Lungpui tih vel hian sawi a hlawh khawp mai, mahse kei pawh khalam chu ka chhui vak ta lo mai nih kha.. :-)

    Chinese ho chu Tuikuk nen pawh inanna an nei a nih chu, Tuikuk ho pawh hi an chabi hi an awrh thin asin!!!

    ReplyDelete
  7. Chabi - i ziak tha thei.

    Guwahati-ah khuan, ka room-mate in chabi a tihbo avangin kan buai pherh erh tawh. Vaihovin pawisa min dilna remchang an lo melh char char bawk. Chabi tihbo hi pawi tak a ni awm e.

    ReplyDelete
  8. Chabi hi kawng hawnna a nih rualin kalhna a ni nghal.Kan chabi kawlte hi mi tana kawng hawn nan nge kan hman tam an kawng kalh sak nan?

    ReplyDelete
  9. Thil te reuh te Chabi mai mai atang pawhin thu ngaihnawm deuh mai i rawn theh chhuak leh ta! Ni e, chabi hi a pawimawh ngawt mai. Haihawt leh chabi kawl hi a inhmeh lo khawp mai bawk!

    ReplyDelete
  10. Israel ramah chuan chabi hi an kawngah an pai teuh zel. Intihtheihnan an hmang emaw tih mai tur. Kan hnathawh phak tawk sikul kan tihfai dawn te hian room khat chauh tihfai tur pawh nise a bawrin min han pe tawpa; a ni bera kha min hrilh mai thin. Ninawm thin khawp mai.
    Engpawhnise, nia, Vanram chabi kawltu nih hi chu a hlimawm a ni.

    ReplyDelete
  11. post chuan ngaihtuahna a kal thui tir veng veng hle mai....

    kan chabi kawl hi a trial a diklo hlauh ang tih a hlauhawm fu

    ReplyDelete
  12. Ni, vanram chahbi ngei a ni, kan mamawh chu.

    ReplyDelete
  13. Chabi nei satliah ringawt lo in, a combination fuh leh inmil, Pa leh Fapa leh Thlarau thianghlimah ngei kan nun hi inghat reng sela a va duhawm dawn em.

    ReplyDelete
  14. a tawk chiah!!! tleirawl ho in an chhiar peih tawk chiah a sei leh tawi a ni e..i va ziak thiam ve boss

    ReplyDelete
  15. Zl- nia ti raw, ngaihtuah chian ngaite zinga mi a ni ve tho mai, kan lo kalhsak daih hlawm ang tih hlauhawm ve..

    Keimah - haihawt tan chuan chabi kawl teuh hi a tihchi lem loh khawp mai tak tak ana, hei ka chabi chu ka la kawl hlawm a, tunlai chu Bag-te nen ka tei kual reng mai a ni, kar lehah chuan a neitu tur te hnenah ka hlan fel tawh ang.. :-)

    Anon - a pawimawh ber vanram chabi kawltu nih hi a hlimawm, a dik chiah e.

    Virgochhas - Chabi hi nia mak ve ngawt mai, tial 1 lek a in an loh pawh hian a hman kawp theih der loh a!!!

    Mr. TSA - Nia..

    khumchikthei - Pa leh Fapa leh Thlarau thianghlim neih kim chu vanram chabi nei a ni mai dawn lawm ni..???

    amuana - thanks.. nangni tleirawl ho chhiar peih chen tur hi ka lo theihnghilh thin a, ka lo ziak leh duah thin, hetiang leka tawia ka ziah chuan ka inthiam lo deuh rum rum zawk thin a.. haha..

    ReplyDelete
  16. After Jesus had declared that He would build His church on the truth of Peter's noble confession, He went on to say, "I will give you the keys of the kingdom of heaven; whatever you bind on earth will be bound in heaven, and whatever you loose on earth will be loosed in heaven" ( Matthew 16:19 ). Later, addressing all the disciples, our Lord repeated the words, "Whatever you bind on earth will be bound in heaven, and whatever you loose on earth will be loosed in heaven" ( Matthew 18:18 ).

    Jesus gave Peter "the keys of the kingdom of heaven," not the keys to heaven.1 A key was a badge of authority ( Luke 11:52 ), and then as now was used to open doors. Peter used the keys Christ gave him to open the door to the Jews on the Day of Pentecost ( Acts 2 ), to the Samaritans after the preaching of Philip ( Acts 8:14-17 ), and to the Gentiles after the Lord had sent him a vision and an appeal from Cornelius ( Acts 10 ).

    ReplyDelete
  17. Eng chahbi nge kan hnutchhiah ve ang le? ngaituah peihte tan

    ReplyDelete
  18. Testing...i blog a ka comment hi vawihnih ngawt a bo ringawt tawh :(

    ReplyDelete
  19. Ziak tha hle mai! Vanram chabi hi kan kawl tha em? Zawhna pawimawh tak ani!

    ReplyDelete
  20. Comment Ho hi chhiar ava nuam ve

    ReplyDelete

Followers