Saturday, June 12, 2010

Play for Africa..

Kum tam tak a liam ta, Africa mite chuan football khelin khawmualpui hrang hrang an suartluan a, hun tam tak kal tawhah khan he game hian a koh avangin anmahni ram ngei Africa khawmualpui chu chhuahsanin khawvel dangah an chhuak thin. A chang chuan han thleng sang ve viau thin mahse, champion team erawh an ni thei lo, Africa khawmualpui atang hian World Cup football champion hi a awm theih angem tih leh engtikah nge mahni ram ngeiah he game ropui tak hi kan khelh ve ang tih chu an tan zawhna lian tak a ni kumtin thin.

Tunah chuan vawi tam tak an mangphan thin chu a takin a lo thleng ve ta, Africa khawmualpuiah ngei chu game chuan a ko let a, rilru a hlim a, pheikhai a zang a ni. A thlengtu chu South Africa tih ni mahse, Africa-a ram hrang hrangte chuan anmahni rama thleng ang maiin an ngai a, an hlim em em a ni.

He khawmualpui atang hian ram 6 chauh tel mahse, a tel ve lo-te pawhin an tawiawm tha em em a, hnamzia leh tihdan, culture leh tradition hrang thiau nei ni hlawm mahse he thilah hi chuan an inthurual vek a, an thupui ber chu Play for Africa tih a ni tawp mai. Hei hian anmahni-ah inpumkhatna thar a siam sak nasa hle.

South Africa ngei pawh hian world cup hi khel mah se an thlen thui chu an in beisei lem lo, interview leh public opinion hrang hrangah Quarter final tal kan thleng ang, second round kan thleng ang tih vel chu an in beiseina tlanglawn ber a ni pha chauh.
Chuti chu nimahse, an hlim em em tho, a vawi khatna a tana Africa khawmualpuia he khawvel zawng zawng ngaihven hlawh, world cup football khelh a ni ta mai hi, mumang ang maiin a mak a, a ropui em em bawk a ni.

Tunah chuan mahni ram ngeiah an khel ta bawk a, hun rei tak zin bo a, mahni rama haw leh teh chawk an in chan a, hei vang hi a ni, Play for Africa an tih tak ni, enge an an hlawm I lo thlir teh ang.

Football hi game a ni tih kan hre theuh a, he game-in boruak a neih san theih zia pawh kan hre awm e, he game hian pawl hote chu inlungrualna leh thawhhona tha neih a tulzia a lantir chiang hle a, game laklawh laia inthlahdah a pawizia leh, tha thlah a huatziate, inlak fit reng a ngaihzia leh mahni inthunun leh insawizawi a ngaih nasat ziate kan hria.

Players te chuan anmahni zirtirtu - trainer, Coach-te chu nei mahse khelmualah a rawn luhpui ngai lo a, pawn atanga lo thlirin an khelh dan a lo en thin, nasa takin zirtir thin mah se, a taka inkhelhna field-ah chuan a luhpui ngai lo a, chutah chiah chuan player tha a lo lang thei ta thin a, an chet mawi loh deuh chuan yellow card leh red card in a lo hmuak reng bawk nen. Mahni goal venghim chunga hmelma beih dan tactic hrang hrang coach ten an zirtir chu khelmualah tarlanin a awm thin a, vawi khat inkhelhin an hun tawn leh tur thui tak a hril bawk.

He game hi ringtu nun nen hian ka khaikhin a, a in ang hle in ka hria, ngaihtuah chhunzawm ve teh.

14 comments:

  1. yes...play for africa..i like it!
    But support England ...

    ReplyDelete
  2. E heu!! A va nalh nghilh nghelh ve.. ka zin laklawh a, ka haw-ah i thuziak chu ka chhiar chiang chauh ang.

    ReplyDelete
  3. An thil ham rik ber hian inkhel en a ti hrehawm deuh. South Africa go-li kha ahce tha khawp mai.

    Ni e, ringtu nun nen pawh hian sawi rem theih tak ani asin. Coach an pawimawh em em, ngaihthlak ngun a pawimawh. A tlangpuiin offensive akhel an chak tlangpui. Ringtu nun -ah pawh, kan coach/ master hi kan ngaihthlak ngun angai. Defenssive / passive ringtu aiin offensive/ active ringtu te hi Lalpa tan hian mi tangkai ani zawk zel niin alang. Nangni ang te!

    ReplyDelete
  4. Tlangkawmna chu a van nalh teh zawl reuh ve le.
    Ka in chungah Nigerian ho an awm ve an tang ve thei rap.
    I support USA,Neitherland & Italy

    ReplyDelete
  5. @Avena - England ve hle mai maw? Germany an khel tha, Brazil ka support..

    @Zaia - haha, a mak nghilh nghelh ngawt mai, hei i hmang duh em tiin min rawn zawrh a,ka hmang chhin anih hi..:)

    @Sekibuhchhuak - Chu chiah, hamrik hiii...

    I sawizauna hi a fuh khawp mai, sermon-a hman chi tak pawh a nih hi..

    @hmingtea - Chutia mi teh zel le...
    Keini ram chu Africa hrim hrim hi tan an ngai a ni tawp mai ni..

    ReplyDelete
  6. Pu zaia ziah ngaihnawm deuh mai ka chhiarzo chiah a..ka rawn chhunzawm nghla e..ngaihnawm hle mai. Inkhelh hi ringtunun ni ta se..tel ve don ta ila.. bench-ah ka thut ka ring!

    ReplyDelete
  7. Rawn khaikhin thiam leh khawp mai hotunu. A tawpah hi chuan hetiang lam i ziah ka ring hrim hrima, i lo ziak ngei bawk a :) Ringtu te tan chuan ngaihtuah tur a tam khawp mai. Red Card hi kan Pathian hian min pe ang tih hi a hlahawm a nia, i fimkhur ang u kan "game of life" ah hian. Min thlir reng a nia kan "Coach" hian a pawn atangin.

    ReplyDelete
  8. Duh ang pawhin keichu ka en ve thei lo. Match 2 vel chiah ka la en tluan ve...

    I teh khin thiam khawp mai. Kan vanneih em em na chu yellow card kan hmuh hian Chunglam khian min lo ngaidam leh hlauh thin a, yellow card vawihnih Red card chu nise, kan chan hi a chhe duh awm...

    ReplyDelete
  9. @sawmpuia - hehe, thu reng bik lo e, nang chu striker tha ber tur i nia lawmle..

    @illusionaire - hotupa chu, i ti lawmawm e, i sawifiah thiam zawk daih mai a..

    @luliana - welcome back, i va rial rei char char deuh ve, i dam amaw???

    Nia, i sawi ang hi ni se chuan kan chan chu a chhe ngawt ang..

    ReplyDelete
  10. Eh!! A template te lo thlak vel... lerh vel e... :-P I inla African sawt ltk.. midum bialpa i nei a nilo maw??? :-P

    ReplyDelete
  11. Alej - template hi maw.. min rawn zawrh alawm..:) Ka midumpui te hi tan man an awm lo, an nep lutuk, thin an tirim :P

    ReplyDelete
  12. An ram ah chuan a dum dum an nalh an ti.
    Ka thenawm te pawh an dum tha teh a nia.An ram an tan ve teh luh nen engual an ni ta hlawm si lova ka hawngaih hlawm teh a sin le.

    ReplyDelete
  13. va tha thin em! ngaihtuah zui chu ngai khawp mai, kan rinna kawngah hian yellow card mai ni lo red card hmuh hi a hlauhawm khawpo mai....

    ReplyDelete
  14. Thiannu thu ziah chu atha hle mai.Sermon ah pawh hian introduction leh conclusion hi a pawimawh khawp mai.Tun ami pawh hi chutiang deuh taka teh chuan atha e.Red Card hmu ni lovin a pet goal tu nih theuh i tum tlang ila.

    ReplyDelete

Followers