Tuesday, June 29, 2010

Tling thelh apiang...

Naupang hi “Vanram kai lek lek nge i duh, kai loh lek lek” tia zawh hian “Kai lek lek” tiin an chhang khut duh riau, an ngaihtuah nawn leh a, a lo tha lo zawk daih si a.

Hmanah ka mangah khawvel hi a lo tawp a, vanram kai tur leh tur lo hi hming kan lo zawng sup sup a, bangah hian school-a kan exam result an tar ang hian hming an lo tar a, mahni hming kan lo zawng sup sup, kan ri suau suau a, gate lianpui a awm a, mahni hming hmu apiang chu chu gate Vanram-ah chuan an lut zel a, ka hming ka hmu ve mai lo, ka mang a ang rapthlak.

Nakinah chuan barel bangah hian ka hming chu ka hmu ve ta a, alphabetical order in an lo dah kha a lo ni a, ka hming chu a hnung rap, mahse ka hming ka hmu chu ka thaw huai a, a vanramah tak pawh chuan lut ta lo chuan ka thangharh ta hlawl a, ka thaw huai huai mai nia.

Zanah inkhel ka en a, a chak lo lam an rilru a na lutuk, an inkhel zo chu field sirah a then chu an mu tawp, a then an tap bawk a, a lo thlirtu te tan lah hrilhhaithlak, nula ho chu men tuau chung hian an hawi ho hlawm mai a, a thenin hmui an pet fan fan bawk, ngaihtuahna a ti thui ngei mai. An thlen san poh leh chak loh tawrh a na ting a ni tawh mai si a. Khawvela infiamna mai mai pawn a tah tir zawih zawih a nih chuan, khawvel tawpa rorelpui hunah rin loh lam deuha kal angaih thut chuan aw, a van rapthlak dawn em tih ka ngaihtuah.

Mi vanram kai leh kai loh turah te hian kan lo buai ve em em thin a, mahni leh Pathian inkar vek a ni a, he thu ah hi chuan sawi theih kan nei tlem hle. Kan veng pa Pu Pahlira pawh Pu Chunga hian “Pu Pahlira khi vanram a kai chuan ka chhuk leh ang” a ti a, mi thenkhatin an hrilh a, a thinrim ngang mai a, palai hial a tir a ni awm e, chutia, palai hial tira a thinrim thu a hrilh takah chuan a ni chuan “E, chutia a thinrim te chuan kan chhuk leh lo anga ni mai lawm” a lo ti a, an thubuai chu sawi zui vak theih lohin a tawp ta a ni awm e.

Kan veng pa tho, Chaltlang Ruam veng pa lar thin Pu Pawihbawiha pawh kha kan thian Tataui ten, “Pu Pawihbawiha chu I inkhawm peih lo si, I pianthar pawh ka ring lo, vanram I kai miah lo ang” an lo ti a, ani a ngawi vung vung a, “In thlan tur a ni hleinem” a ti ta daih a, a fiamtu te chu an hawihai zaw lel a ni awm e.

Kan dam lai la la-a rorelsak tur ni hlawm ta ila, thiamthu sawi tur nei lo fe fe kan tam awm e, ngaidam theitu Pathian ni lo ta se, kan thiltih angte-a thungrulh nghal zel ni ta ila, kan va tuar nasa dawn tak em.

Kawng lehlamah chuan ti hian ka ngaihtuah thin, Pathian hi a fel lutuk a, nilenga hnathawktu leh, chawhnu lam chauha thawk leh tlai dar 3-a kal pawh hlawh in ang a pe tho hi a va che fair lo e ka ti fo thin, amanherawh chu vanramah pawh hian engemaw tal chu thliarna hi a awm ve ni tur ani, an thiltih ang zela pek turin ka lawmman ka hnenah a awm a ti miau a, chuvangin mitinte boral duh lo-a zahngaihna lantirtu hian kan thatna tura rorel dan chu a thiam em em ang tih hi ka thutlukna a ni mai e.

A pawimawh ber ta chu a tawp thlenga rinna ngheta kan awm hi a ni , “Tling thelh apiang pawi tih a zual” min tih khum ang tih a hlauhawm tlat.

20 comments:

  1. a dik khawp mai.. hei vang hian a lawm thih thlengin rinawmin loawm rawh ti chuan nunna lal lukhum ka pe ang che a tih.. thih thlengin kan rinawm thei loang tih chu hlauhawm khawp mai..

    ReplyDelete
  2. Sawi dik leh thei khawp mai hotunu. Amen amen.

    ReplyDelete
  3. Huisss...Hotunu, I hming hi a lo inziak bik lo tawp ange :D

    ReplyDelete
  4. Vanram a kan lawmman tur hi kan hisap ang ngawt chu anih ka ring lo, Pathian chhiarkawp chu a dang em mai. Thil ti tha deuh leh inkhawm peih deuh te chu Lal lukhum dawng chhah deuh tur ten kan han ngai ngawt a. A pan pan te kha Anin a lo duhsakna a lo nizawk mah na le. A hun nghak phawt mai ang.

    ReplyDelete
  5. Van ram!! khawiah nge van chu ? van ah ram a awm em ni?Kan va han buai ta ve le.
    Van=sky ram =country sky country ha ha ha.
    Khawvel lo la awm tur,leithar

    ReplyDelete
  6. Fel leh That a ngai, vanram kai tur chuan. Fel lo leh Tha Lo vanram kai inring reng si hian Mizo Kristianna hi a tinep in ka hria.

    Khawngaihna, Zahngaihna a Chhandam kan ni. Kan Fel vang a ni lo. Fel leh That vanga mahni intlan thei kan awm lo. Khawngaihna leh Zahngaihna avang chauhva Fel leh Tha a pawm te hian Fel leh That hi i tum ve ang u.

    Chhiar a manhla khawp mai. I sermon hi ka ngaithla chak.

    ReplyDelete
  7. Tling lo thelh ni vek mai ang aw.

    ReplyDelete
  8. A ngaihawm thin e. Midik, mifel famkim kan Pathian chuan engkim hi a rel DIK ang tih hi ka rin dan ani.

    ReplyDelete
  9. Muana_hmar - ni chiah e.

    illusionaire - thank you, thank you

    Alejendro - I kai lek lek hmel ka ti reng a..:P

    chhangte_ll - naupan lai khan ka hlauthawng thei lutuk tak tak, mangah lah hian ka hmu thei nek leh nghal, tunah erawh chuan PERMANENT MARKER in a inziak kulh tawh e.

    I hming ziah nan hian PENCIL an hman ka ring, nawhreh leh a ngaih tak thutin :D

    dr_feelgood - ni e, Pathian rorelna-ah hian kan tello chiang e mai a, a hmuna hriat chi a ni e.

    hmingtea - Van ram ni lo-in Vanram a ni e, Kristianten kan thih hnu-a kan kalna tur Pathian hnen kan thlenna tur hmun sawina hming mai a ni a, a hming chu eng pawh lo ni ta se, kan kalna tur a ni tih hriat chian hi a tawk e.

    Rose pawh hi a hming thlak la, a par leh a hling chu a ngai reng a ni e, an ti thin a ni lawm ni kha???

    David Ralte - Nia, chutih rualin Mihring Felna mai hian min thlen dawn chuang bawk si lo...

    Ka sermon chu i la ngaithla dawn nia :P Rukru pha ang nuah nuah mai mawle..

    ReplyDelete
  10. ZL - tha hle mai, tling lo thelh chu, a lawmawm dawn e mai.. Matric result chhuah lai min ti hrechhuak e a..

    Sekibuhchhuak - kei pawh i rin dan hi ka tawmpui a che..

    ReplyDelete
  11. Nia, kani sawi ang khian i sermon ka ngaithla chak :) thupui i rawn theh tha thei fia fia em mai :)

    ReplyDelete
  12. @varte: Rukru pha ang nuah nuah... hahaha, i sermon ka ngaihthlak chak phah telh telh :D

    ReplyDelete
  13. Pu Chunga kan pawl...hahahha...ka duh ltk...kawm a nuam fu in ka ring tlat....

    vanram kai lam hi ka rilru ah chutiang em em in a lang ngai hran tlat lo....ka fel lo, ka hria...mahse kai tur hian ka in ngai ve tawp :D ... zahtheihloh vang em ni ang awwwwwww :)

    ReplyDelete
  14. A karah thu behbawm ngaihnawm tak tak i va zep thiam ve! Ka chhiar nawn leh ngat... a la ngaihnawm tho. :P

    ReplyDelete
  15. luliana - :P

    David Ralte - :D

    virgochhas - haha, engemaw ni dawn tak le, kei tura i inngaih chuan i kai dawn aniang :-)

    TPA - i va ti lawmawm ve, lo chhiar ziah rawh khai.. :D

    ReplyDelete
  16. Kan tleirawl laiin lucky ticket ka lei ve a. An vawr ta a. Ka number hma chiaha min aman ta a, a dawt chiah kha ni mah ila engtihna mah a ni lo. Mahse, za chuanga inhlatte ai chuan ka uina nasa zawk tlat lawi si. Tling thelh a ni e.

    Tling thelh tih hi tling fuh lo tihna ni lovin tling trep tihna a ni tih hi thangtharte hian kan man fuh em aw

    ReplyDelete
  17. Fela - Kei pek lucky ticket tih velah hian ka man ve thei lo reng reng... Tling thelh tih chu man fu lo an awm nualin ka ring. Major Saidawla ka hrechhuak rum rum mai..

    ReplyDelete
  18. Dini.. Vanram kai hi kan nghakhlel viau lo a ang. He lei hrehawm a awmreng ai chuan Nuam zawng zawng awmna Vanram a kal hi nghakhlel viau awm si hi, kan nghak hlel vak lo hian ka hre ve thin. Vawiin a kal ai chuan he Khawvela cham riha, nakina kal zawk duh hi kan tam viau lo maw.. Hremhmuh erawh pumpelh chu kan duh hlawm bawk si. Vanram ka hriatchian tawkloh vang a ni thei em le??

    ReplyDelete
  19. A tha khawp mai, hei hi maw i ziak hual chu lo ni?
    I para hnuhnungber dawttu khi 1981 vel atang khan ka hre thiam chauh a. Tunhnaiah hian Pathian hmangaihna nasatzia sawina a nihzia ka ngaihtuah nawn leha.
    Nilenga ruaitu nei lova thu a, tlaiah an nupui fanaute ei tur hawn miah loa kut ruaka hawng mai turte, rei lote chauh pawh thawhtira nileng hlawh petu Lalpa hi fakin awm rawh se.

    ReplyDelete

Followers