Tuesday, June 22, 2010

Khawi atangin nge?

Ka sawi fo thin, kalna hmun apiangah hian "Khawi atanga lokal nge i nih?" tih hi zawhna ka dawn chamchi a ni a, Indian ka ni ka inti chung pawh a, I ni thei lo reng reng, Indian kan hriat nen i inang lo, Filipino emaw, Korean, chinese emaw i ni ang an tih tlat thin avangin a chang chuan Chinese ka ni han tih mai changte pawh ka nei, Indian ka intih aiin an awih ziah leh nghal.

Vawi khat pawh ka thiannu Hair dresser-ah ka kalpui a, ka lut phat chu pa pakhat hian min lo en vang vang a, "Korean i ni maw?" a'n lo ti ngawt pek a, "Ni e.." ka ti ve ngawt bawk a, ka sawi thui peih vel lo a ni, ka thiannu chuan a lo ngei khawp a, "Khawi atanga lo kal pawh nise, enge i hriat kha a tangkaina ni a..?" a ti a, chupa chuan "Aw, a hmel-ah Mozambican a ni lo tih ka hria a, ka hrechiang chak a ni mai lawm, mikhual tih tlangnel te chu kan duh alawm.. etc etc" a ti a, an inhnial char char a, ka thiannu sam an khawih chhung chu zu inhnial thei a..!!! Ka nin em avangin an zawhna pawh ka hre lo der a, tawng thiam lo awmin ka awm tluan chhuak ta zak ringawt.

Pathian fa-te inlanna hmunah chuan Setana pawh a rawn tel ve a, Pathian chuan "Khawi atanga lokal nge i nih?" tiin a zawt a, ani chuan "He khawvela ka vahvaihna leh ka chhuk ka chhohna atangin" tiin a chhang a. Chutah chuan Pathian chuan a tana mi rinawm Joba chu Setana fiah turin a kutah a pe a.

A lo ni e, Khawi atanga lokal nge tih hriat hi a pawimawh a ni ang, Pathian meuh pawhin a hriat chian em em Lucifera kha a zawt tho alawm le te ka ti, chuvangin khawi atangin nge, khawiah nge a kal zel ang tih hi kan ngaih pawimawh a ngai hle a lo ni.

Kan hun tawn hi mawlmawng taka thlir liam mai lo-a "Hei hi khawi atanga lokal nge ni, Pathian duh dan a ni em, ka thil tih hi Pathian laka chhuak a ni em, he thil hi ka tan a tha ber em?"tih ngaihtuahna te kan neih a, kan inven lawk fo a tul thin.

Diabola hi a saseh tur zawngin a phi ruai reng si a.

21 comments:

  1. I thusawi hi i tlip nalh thei. Keini'n kan thil tawn kan enliam mai mai tur ang chi hi zirtir tha deuh nei hian i chhuah thei zel.

    ReplyDelete
  2. I blog chu hmel thar a lo pu tawh ani maw :D

    ReplyDelete
  3. Thu lam ah hi chuan maimawm tui thiam an sawiang zal mai maw le.
    Khawi a tangin nge ?Ele khilam a tangin.haha
    Nia Thia, Chinise,Philipino Korean etc emaw min ti tih hi thudik anih duh khawp mai.Keini pawh in kan tawh tam ber ani.Kan in hauhna tam ber pawh hengho angah hian min ngai ziah hi ani.

    ReplyDelete
  4. Mithiam te pawn mihring nuna zawhna pawimawh an sawi te zing ami kha ani tlat.

    The Fundamental Question of Life an lo tih thin : Origin, Meaning, purpose, Destiny an tih thinte pawh min ti hrechhuak e!

    ReplyDelete
  5. 'Khawi atanga lo kal nge i nih?' tia an zawh leh che chuan, 'Ka nu leh pate chu Bukpui khawchhuak an ni a. Kei hi chu Zobawkah ka piang a, chuvangin Zobawk atanga lo kal ka ni' tiin i chhang thin tawh dawn nia.

    I duh leh i hming an sak chhante pawh kha i hrilh tel bawk ang a.

    Kan lo chhuahna hi chu khawi pawh ni se, kan tawpna tur (destination) hi a pawimawh khawp mai.

    ReplyDelete
  6. ku2 - i ti lawmawm hle mai, he thil ka tawng zing lutuk hian min ngaihtuah thui tir mai mai a ni...

    chhangte_ll - tunlai chu i reh hle mai, i blog lah i thlahthlam rei si. Ka blog pawh a hmai ka'n phih chhin a nih hi, a nghing ta nghual mai :D

    hmingtea - Varak tui thiam an ti emaw ka tia lolzz. maimawm tuichung ril zam an ti bawkin ka hria... :P

    khawi lam atanga kal pawh ni ila, kan tih tura kan chian chuan a tawk reng... ti raw?

    Sekibuhchhuak - a dik khawp mai, hriat chian chakin kan hmanhlel vek alawm le,mitin mai hi. Mizoram ah pawh vun danglam deuh chu kan en haw haw zel tho kha maw...

    Fela - hahaha.. nia, bul bal tak sawi dawn chuan a thui thei viau ang.. Destiny hi a pawimawh chu a ni.. ka pawm e. :)

    ReplyDelete
  7. Hotunu a va nalh tawh veeeee i blog chu. wow :)

    ReplyDelete
  8. A va mawi ta phut phut ve...hmuh a nuam khawp mai... :D

    Blog post hi chu comment vak pawh ngai lo, inspiring as ever a ni tawp mai :)

    ReplyDelete
  9. 'Indian in van ang lo ve' tih vel hi mizo hian kan dawng nasa khawp mai, tiraw? A chang chuan ka ning deuh hlek thrin a, mahse ka explain hram² thin. An hriatthiam zawng turin Brazil leh India kan compare a. Brazil ah pawh hian race hrang in an inpawlh nasa ve thova.

    Ni e, i ziah ang khian khawi atranga lo kal nge kan nih hi chian a ngai khawp mai. Chtiang bawka pawimawh chu, khawi lam panin nge kan kal zel, tih hi ni.

    -bmw

    ReplyDelete
  10. "Which country" tih zawhna hi vawiduailo kan dawng theuh ang. "Mizoram" tih tawh pawh a, an la hawi hu hu thin hi chu... an zirtirtute'n geography an zirtir toklo deuhah ka ngai mai.

    Mihring nunah hian awmna/lokalna hi i sawi ang hian pawimawh khawp mai. Kan awmna chuan kan nihna a kengtel..Mizoram/Aizawl/veng..etc etc..a fiah kuarh tawh thin. "Nazareth-ah thil tha a chhuak ngai em ni?" ti a an zawh te pawh kha a awm e. Kan chhuahna/lokalna/kan nihna hi hrechiang ila chuan he lei damchhung reilote ah hian kan pamhamlo tur, kan khualzinna tih kan hriatloh avang hian kumhlunlo tur hi kan ngai kumhlun thin. Duhtawk ang ka rawn elh ve mai mai...chhiar a nuam thin e.

    ReplyDelete
  11. -illusioaire - teheee.. a vun ngai ka pu rei tawh em a ka ti ve deuh :-)

    -lulian - thank you as ever, Green Mizoram an ti chhen a.. ti hring ve tawp :-)

    -bmw - nia, ka thawhpui Brazillian te pawh hian an hrethiam khawp mai, a mihang ho bawk hi thil hrilhfiah har chu an ni leh tho.. In thlahtute tal chu Chinese an ni ang, an la ti fan thin a, History han sawi chhuah tak hial a ngaih chang a awm leh thin..

    -sawmpuia - i belhna chu a tha hle mai, sawizau leh deuh vak theih a nih hi.. thank you.

    -Alejendro - tak tak maw... nang chu i chawr chhuak ve tawp a ni lawm ni?

    ReplyDelete
  12. Capt, a ni duh asin. singapore lam ah hnathawk a chhuak an tam vang nge singapore lam mi ni tlat tur a min ngai tawk an awm...vawi khat mahaballipuram a an thil hlui ka tlawh ve tum pawh in foreigner anga fee min khawn luih an tum tlat a, a tawp ah ka thinrim in ka ID ka hmuh tir a , thirsakawr in a tlanchhe ta ringawt mai!!

    office pakhat ka tlawh tum in, mizoram hria an awm leh awm loh ka zawt a..a hre teuh ber kha BP sang nei alo nia, mizoram ah Phuihnam a awm a damdawi ani tih alo hria..midang hria pakhat mah zu awm lova maw le!!
    ....................
    "Pathian fa-te inlanna hmunah chuan Setana pawh a rawn tel ve a, Pathian chuan "Khawi atanga lokal nge i nih?" tiin a zawt a,"

    Hetah hi chuan sawi tur ka neih ve chhun hi chhanna awm lo, kei pawh in ka dam chhung a ka hriat theih ngai miah loh tur rilru ah a awm a..sawi zui lo mai ang!!!

    ReplyDelete
  13. Rev Vanlalnghaka thusawi ka hriat reng chu, "tu enge i nih ?' tih kha ania, mahni inhriat chian pawimawh zia a sermon a, ka hre vek tawh lo nang in helai te hi ka rilru ah a la cham reng mai. In en let nan ka hmang fo thin.

    ReplyDelete
  14. I teh khin tha khawp mai. Indian ah hi chuan min pawm lo alawm he kan India ram chhung ngeiah pawh hian.

    ReplyDelete
  15. I blog chu avan nuam ker kuar ve!!! blog thar bawk, nang poph thar sur ang chu maw???????:-D

    ReplyDelete
  16. Vai ram ah chuan Khawitang nge ti lo in, Nepal tang mi an ti thin.:-D

    ReplyDelete
  17. -dula - Kei pawh vawi khat chu ka SBI ATM card ka phawrh khum ringawt tawh... I thil sawi tur neih chu han sawi law law la, han khel tlang ila tha tur.. :-P

    -dr_feelgood - a pawimawh khawp mai ni e, Miin tu nge a ni min tih, tihte pawh hi ngaihtuah ve fo a tul thin ania.

    -Irene - chu chiah, hnam dang ho-in min hre lo hi chu ngaihthiam theih, Indian vekin Mizoram awmna an han hre lo hah thin hi chu ti raw?

    -Anon - Nia, ka thar deuh vel ser sur mai.. :D Nepali i ang deuh a ni maw nang chu???

    ReplyDelete
  18. i van ziak tha thei em2...an sawi tawh maithei naa kan tel ve loks...i experiences leh life in general i thlir zawhah nalh takin a zirtir leh pathian thu nena khaikhinna i hmang thiam hi k ngaisang, thuthiam takho hi k mi ngaihsan an ni a, i telve chiang.

    ReplyDelete
  19. Idiami ka ni tih chuan an awivak lo sawihfiah chuan anhrethiam.ha ha ha Raj Kapoor i hria em te min ti thin ha ha
    Maj Dula chuan WC a en ve kur thin in ka ring .Kan football khelh ho thinlai chuan fuihpawh deuh i lang a pet na thei rap hahahahah

    ReplyDelete
  20. jay-me - uiha, i van ti lawmawm em em, ka thuziah ve hi chu duh duh vawmkhawmna ang deuh ania, rilru-a awm awm hi ka huihkhawm leh vak thin alawm..

    hmingtea - an la changkang a nih chu, helamah chuan Amitab-a chiah an hria, vai film lar ber pawh Sholay a la ni.. :D

    ReplyDelete

Followers