Thursday, May 13, 2010

Anthûr lek lo niin..!!!

Ka compound phaitual hnim chu vawi khat na reng reng chu ka'n thlo fai teh ang ka ti a, ka ti fai ve vur a, hetia thlawhfai takah chuan pangpar huan siam ila that dawn hi tiin pangpar chi ka lei a, ka tuh ve ngial a, tui pe-in ka duat ve khawp mai. A rawn to tir te chu a hmuhnawm dan a dang riau a, midang pangpar huan mawi tak tak ai chuan ka pangpar to tir chu a hmuhnawm zawk daih.

Duat deuhin tui ka pe a, a bul vel chu ka thlofaiin ka rih vur deuh reng mai. A lo thanglian zel a, ka pangpar chuan pangpar a ang lo ta riau mai, a chi kawmah chuan hnah bial lam, a par pawh a bial, zam thei deuh reuh ni-a lang kha a hnahte chu a kak deuh tru a, a thap deuh hruih mai. Nakinah a rawn danglam dawn a niang, nghak chhin zel ang ka ti.

Hmun dangah kar khat zet ka zin san a, ka zin
chhungin kan huanpu-in ka huan vel chu a lo ti fai a, thenawmnu-in ka pangpar chu zuah turin a lo hrilh bawk, hnim dang a thlo fai vuk a, ka pangpar chauh chu a lo zuah ngauh a, a thangduang bawk a, a lo lian tawh hle.

Thawnthu ziak ang de
uhin han thlawh kan duai ila, :) Hun a lo kal zel a, ka pangpar ni ngeia ka hriat chuan a nihna tak a rawn lanpui ta, mizoten Lakher Anthur kan tih lek hi a lo ni a... A par a, a rah ta teuh mai a, a nuihzatthlak vak loh kher mai.

Zawlnei Isaia ziakah khan grep suak chungchang kan hmu a, a huan neitupa chuan a grep huan a sam fai a, uluk taka a enkawl hnu-ah grep suak a ni tih a hmuchhuak chu a thinrim ve teng teng khawp a, a suat vek a, a hling palte chu la bo-in a lung palte chu a tichim vek a ni tih kan hmuh kha maw.. kei chauh hi tisual ka ni bik lo e. (Isaia 5:1-7)

Kan hring nun erawh chu a dera nunna chi a ni hauh lo, piangthar, Pathian ringtu inti ve si a, a dera nunga, a changa rinawm a, a changa tlu leh thin kan nih chuan vawilehkhatah kan ring tih tih tliahin a awm ang a, tihdamna a awm tawh lo ang tiin Bible-in min hrilh. (Thufingte 29:1)

Zirlai, Sawrkar hnathawk, Sumdâwng, Pathian rawngbawltu kan ni emaw, kan hna chu eng pawh ni rawh se, kan tih apianga rinawm taka kan tih hi a pawimawh a, zirlaiin a dera a zir chuan a tawpah a hlawhtling ngai lo angin Rawngbawltu pawhin a der maia Lalpa rawng a bawl chuan ama lu chungah meiling a chhekkhawl mai a ni tih a inhriat a pawimawh.

A chang chuan keini ringtute pawh hi hetiang dinhmunah hian kan ding fo thin, kan nundan hi thup tum thin mah ila, lan chhuah hun a awm leh thin, Thima thiltih chu engah a lang chhuak tih ang khan, he leiah hian tuman min hre lo mah se, a Der maia nung thin kan nih chuan Pathian Lalthutphah hma-ah saruak leh inhawngsa-a kan din hunah meuh chuan zep theih ni dawn hek lo le, a rahah a lang mai dawn a ni. Chuvangin zawlnei Jeremia sawi angin kan nun hi fimkhurpui hle teh ang u, miten kan rah an hmu zel dawn si a.

13 comments:

  1. Pawiti suh. Lakher anthur thatna ka hria alawm.

    Tlungvel hotelah tumkhat chu chaw kan ei a. Lakherpa hian sangha chhumtui dan a sawi a. Sangha kutphah chen lek pakhat pawh hi anthur heti tiat (kilh) hi han thlak ila, a tui lo thei lo ringawt mai a ni a ti alawm.

    Sangha pakhat lei la, i anthur zz khi thlak vek mai rawh.

    I kuailut nalh khawp e

    ReplyDelete
  2. ekhai chu tum loh deuh mai in anthur i thar ta teuh mai dawn ani maw Capt!!
    sangha a thlak ah te pawh a tui dang lam phian asin..tin a tui hrim hrim pawh hi han lum ila hmarcha muh leh chi tlen nen han in ila chaw ei a ti tui ve duh phian asin...
    kan naupan lai phei chuan kan sawh vak a..a thur sep sep hi kan in ei hnem siak thin!!
    huan thlai leh pangpar vel i ngainat hmel hle mai..kei pawh tunlai chu kan in bul huan ah chengkek/phuihnam/hmarchate/mizo purun/bahkhawr etc vel ka buaipui mek..i rawn haw hun ah ka la thar tem ve ang che!

    ReplyDelete
  3. A pawimawh khawp mai. Mihring te hi zawng lemchang vek kanni an ti mathlawn lova,kan rintlak loh zawng anih hi le.

    ReplyDelete
  4. Ka ei chak ngei mai i anthur te khi.2007 kha chuan ka ti tiak ve teuh a tunah chuan hmun kan neih loh a vangin ka ti tiak ve thei ta lo
    vaiin chu thingthupui leh khanhu rep dak ah ka va khul a ka seng zawng US $30 vel lai mai maw le an rawn thawn na man Rs 500 vel kg 1 pawh tling lo leh nghal.To duh fu mai

    ReplyDelete
  5. Lakher anthur hi a tuiin a hrisel a sin. ka ei nasa thin khawp mai.

    I tehkhin tha hle mai.

    ReplyDelete
  6. @Fela - Sangha chhumah an thlak thin tak e, tunlai chu sangha hmeh deuh tluk tluk mai ang lolz

    @Avena - nia, naupan laia sawhbura kan sawh sen sung, a kuang kan liah duai duai laite kha min ti hrechhuak rum rum mai hei..

    huan thlai leh pangpar tih vel chu ngaina ve tho na-a awmna leh hnathawh hian a zir lo em a, rawn haw hun chuan min la thar tem ngei dawn nia, ka chhinchhiah e.

    Chuan bahkhawr chu a chi i nei em? heta chin turin ka va duh ve,min lo dah that sak rawh, helaiah hian ka hmu ngai miah lo.

    @dr_feelgood - ni e ti raw, in dam amaw,i va reh ang reng ve tunlai..

    @hmingtea - Thingthupui leh khanghu an rep ngai a ni maw, kei chu helaia awm lo chu inthawn tih vel hi buaithlak ka ti, a to duh bawk si.. a awm awm ka ei mai haha

    @irene - naupan laia kan sawh thin bak kha chu ka ei leh tak pawh ka hre ta lo... hei ka thar ta nual a... ahaha.. helai amite chuan enge a nih pawh an hre love...

    ReplyDelete
  7. Lakher anthur chu sawhchawngah han sawh siah siah ila...han liak duai duai ila a tui duh a sin..chini telh phei phei in...

    ReplyDelete
  8. Anthur thatna dang leh chu, Baibing nen a tui, Anthur-ah Baibing tlemte thlak la, Hmarcha leh chi thlak leh la a tawk mai,a so liam tur erawh chu i ven peih leh veng rawh, a tui dai dek dawk kha han thli chhuak la, i hawp kuang kuang mai ang. Awi ka chil a put.
    Anthur thupui hmanga sermon ka vawikhat chhiarna.

    ReplyDelete
  9. E! Minlo thartem ve ta che. Anthur tuilum hi tui ka ti teh a sin.

    ReplyDelete
  10. Anthur te chu a par nalh ve tho sia, a tui bawk sia pangpar ai chuan a tha zawk mah alawm :) Khing I pangpar chi kawma par ang khi chu ka hria, ka lung a ti leng lutuk. A hming in print khi chhiar ngial ka tum a ka chhiar thei lo, enge min lo hrilh thei em?

    ReplyDelete
  11. I anthur ang khi a then chuan kawl anthur an ti a sin,anthur hnah bial hi ching leh law law la a pung duh a sin.

    ReplyDelete
  12. sawmpuia - nia, chini telh-in a tui duh, a thur duh chuan chi telhin lolzz

    Te-a Colney - i sawi ang hian ka ti dawn chiang, baibing rep pawh ka la neih tak kha... awi tui dawn slurppp..

    Alejendro - chutia ni maw, i momo siam nen inthleng dan awm se tha tur...

    Jerusha - nia, a par nalh ve tho mai. a hming chu Nasturtium a nia, ka rawn hawn theih chuan i Nu ka lo pe dawn nia..:-)

    Zaupuia - ve teh hlawl che chuan, khawi lam thli chhia-in nge heng thleng thlenga rawn chhem lut ve che chu leee...???? Anthur hnah bial chu a chi rawn thawn la, ka lo ching ang e :-)

    ReplyDelete
  13. Anthur hnah leh parte chu an mawi ve reng2 alawm, chu bakah ei theih lehnghal. I ti fuh thovah ka ngai, kei chuan.

    ReplyDelete

Followers