Monday, April 19, 2010

I haihawt em?

Bru (tuikuk) ho thufing chu, “Haihawt chu vawihnih kal chiah a ni,” tih leh “I theihnghilh tur chu keng nghal rawh” tih hi an ti.

Mi thenkhat thil hre thei riau leh, hre rei thei tak hi an awm. Hmeichhia hi a bikin kan haihawt viau bik nge mawni ka ti thin, khawilo han kal dawn ila, in atanga chhuah hnu hian vawi khat tal hi let leh a ngai thin a, a chang chuan kei pawh han let at at chang ka nei thin, vanneihthlak takin a chang erawh a zing lem lo. Nu-ho chhuak pawh hian pawn atangin an fate an au let leh fo. Hei hi enge a chhan niang, hmeichhia hian mipa-in an mamawh lem loh thil te tham te te kan mamawh thin vang leh ngaihtuah kan ngah deuh zawk vang a ni thei angem?

Vawi khat chu Cashier hian thil tih tur pawimawh tak mai hi a theihnghilh a, kan Hotupa chuan, “Finance Department tih vanga kan han haihawt bik em em mai hi enge maw a awmzia le?” A ti a, “A.. mi pawh an haihawt ve tho alawm, keini chu kan hna hi a pawimawh a, kan haihawt a langsar mai mai alawm”tiin ka lo chhang a, “Nang lah hi thil hi Logic deuh deuhin I sawi a” te chu a ti ta mai mai a.

Thil kan theihnghilh tlat mai thin leh mamawh hun taka thluak a han chawl ta tlat mai thin hi eng vang nge maw ni le? Thenkhat chuan kan thil ngaih pawimawh loh hi kan theihnghilh mai mai alawm an ti thin, mahse a dik ber dawn em mawni le, kan ngaih pawimawh em em Chabi bawrte kan theihnghilh tlat thin si a….!!

Thil engemaw vei leh ngaihtuah bik riau kan neih hian thil dang theihnghilh hi a awlsam bik a ni awm mange ka ti ta, a scientific taka hrilhfiahna pawh a awm mai thei a, chulam chu mithiam te kutah dah ila. Engpawhnise, kan ngaih pawimawh leh theihnghilh kan hlauh chu ti hmasa zung zung mai ila a finthlak maiin ka hre ta.

Ka note bu-ah hian Things to do ziah duat ka ching, ka keu let dun dun fo, theihnghilh tur pawh ka hrechhuak leh nge nge thin. Mihringte hi chu heti mai mai hi kan ni, kan hriatrengna aiin hriatrenglohna te hi a tha zawk fo thin si a.

Kan Pathian erawh chuan engtiklai mahin min theihnghilh lo a, min awmpui rengin, kan chak lohna zawng zawng min hriatpui bakah kan hun lo la awm tur thlengin a vawng vek a, Nu-in a fa theihnghilh mah sela, kan Pathian erawh chuan engtikah mah min theihnghilh lo ang.

15 comments:

  1. Ka hna kaihhnawih thilah hi chuan ka haihawt lo khawp mai a. Breakfast atana chawhmeh thing chhuanlum ka ching a, ka haihawt luatah bel engemawzat chu ka chhuang kang ta! Arsa thingte anih chuan uihawm thei tak a ni.

    ReplyDelete
  2. Ziak tha hle mai.
    Pathian hian min kohna te hi a theihnghilh ngai lova, a kohna ngai hian min ko reng a, kan chhan hun hi a nghak reng a ni tih hi keipawh ka rin dan a ni.

    ReplyDelete
  3. Haihat damdawi tha tak min hril a ka lo hmang tangkai ang e

    ReplyDelete
  4. @Thiama - haha, kei pawh ka haihawt li viau thin a, mahse kumte a lo tam ta a, haihawt vang pawh ni lo-in thil theihnghilh ka ching tan tlat mai hei...

    @Puibawiha - hotupa ber chu, i va reh ve le... ni e, min kotu hian min theihnghilh ngai lo ania.

    @tea - welcome, lo hmang tangkai ngei teh.. :)

    ReplyDelete
  5. Theihnghilh hi chu malsawmna a ni a, haihawt erawh chu hahna leh zahna thlentu a ni thung.

    Haihawt hi mi nih chuan inhmakhua thiam a tangkai fu. eg uniform necktie te hi coat khainaah khai tel ila, zin dawn pawhin theihnghilh a har.

    Zin bag/toilet bag-ah mamawh tur nepnawi dah lawk diam ila ken hmaih neih phung a awm lo deuh.

    ReplyDelete
  6. Ka haihawt ve pah reng mahse thil ka theihnghih ve mai mai ngai lo ka hawihawt luat ah khawilo ka ldawn emaw tih dawn emaw hian ka in puahcha sa diam zel. hahahhaah
    Thei han siam vel lai a hmanrua ka bul lawk a ka dah te hi ka dahna han hmuh loh mai hi chu ka hrat pah ve tho

    ReplyDelete
  7. Ka haihawt lutuk tih bak sawi tur ka nei lo. Ka office turte hi theihnghilh nei miah lova chhuah hi ka ngah lo. Kal nawn ka peih mai.

    Nalh leh thliam thin.

    ReplyDelete
  8. Aw. Awmna apianga haihawta lar hat zel ka ni! Ramhlun road a kal tur chaltlang road lama ka kual daih thin ringawt pawh hi vawi engzat tak ni tawh ang maw... Theihnghilh hlauh vangin thil kan han chhinchhiah ve a, kan han en theihnghilh ta tlat thin te hi a va buaithlak!

    Mihring vantlang hian vawikhatah thil pahnih inang rengin kan ngaituah kawp thei lo an ti. Thil eng emawa rilru kan sawrbing hian a dang theihnghilh a awl fo tih hi chu a dik ka ring.

    ReplyDelete
  9. He lam ah pawh kan la haihawt zel e. Kan Nu an na ber pawh' Khawnge ti reng suh!!' tih ani. Kum in a zir tan ve deuh tawh bawk nen.

    ReplyDelete
  10. @Fela- nang chu i haihawt ve vak pawn ka ring lo, i ti fel thiam thinin ka ring

    @hmingtea - i theihnghilh tur i tih hmasak zel chuan i haihawt lo a ni mai.. :)

    @Zaia - Ni e, i haihawt aniang, thil i hre rei thei em mai.. haha. Tin, hriat reng duh leh hriat reng duh loh azir a ni bawk a.. :)

    @Faka - Haha, Chaltlang lama i chhoh daih chuan DIET peng atangin i chhuk leh ngei ang chu maw...???

    @dr_feelgood - nang pawh chuti ve tho maw? kawng lehlamah chuan thil kan theihnghilh thin hi a tha ve tho mai, nih loh chuan thluakah pawh a leng hlei nang ti raw...

    ReplyDelete
  11. Haihawt chu - Mi fel - in hmanna ngah - mi tul - ngaihtuah tur ngah - an tia lawm. Zoram Sorkar Officiacer lian deuih pakhat pawh khan an lennaah a nupui thenawma lut zawk chu a theihnghilh a, Motorin a tlan hawsan daih a, in an thlen dawn chuan a driverin 'ka pu khawnge kan kal dawn a ti a' a pu chuan 'ele kan haw dawn' a ti a. Driver chuan 'a nih leh ka pi kha' a ti a, a harh chhuak phut a, Zemabawkah an tlan let leh char char.

    ReplyDelete
  12. Ka haihawt tih te hi ka lo theihnghilh leh thin. :-)

    ReplyDelete
  13. @ Kiamlova,Puii - nia, chauhthubarawh lek fang ni mah se, a tha ve reng alawm han inhnem nan..

    @Joseph L - i haihawt lutuk a,i naupan lai pawh i theihnghilh vel tawh hial lo maw??? lolz

    ReplyDelete
  14. Din...i ziak tha e ka tih kha..ka chhiar nawn a.i ziak tha takzet ani..han ziak zel teh..haihawt damdawi ber kher hi chu anla hmuchhuak thehnghil a ang khawp mai:-)

    ReplyDelete
  15. @ Jesusman - i va ti lawmawm ve, lo lut ziah rawh auh..

    ReplyDelete

Followers