Friday, August 21, 2009

Prison-break

Prison-break hi hmuhnawm ka ti khawp a, nikum khan ka hre ve chauh nghe nghe a, a han tawp takah chuan season khatna atangin ka en nawn leh vel a, vawi hnih ngawt a Episode pum hi ka en chhuak, tunlai chu Aizawl local channel-ah mizotawngin an let a, an chhuah thin an ti, tunah an la chhuah em ka hre lo.

Alex Mahone hi tha ka han ti tlat pek a, ka tan thei khawp a, nizan phei chu amah ngei hian min rawn tlawh. (ka mangah ka hmu a!!!!) kan inah a lo leng a, a film kha ka mangphan pah deuh a niang chu mi-in an lo um a, ka lo thukru vel a, a va han buaithlak tak.

Tang tlanchhuak thian ho, Agent fing tak mai Alex Mahone-an an hnu a han chhui vel chu kawng engkimah hian a tlan khalh a ni hrim mai a, chutah a hnu chhuitu ngei buaina danga a inhnamhnawih lai tak mai leh a ni ngei pawh wanted a han ni chho a, SONA hmuna mi sual man tumtu leh a Man tumate an han tang ho leh thap mai kha chu a lungchhiatthlak ngawt mai.

Ziaktu ropui leh lar Shakespeare chuan kan hringnun hi Lemchanna dawhsan mai a ni tiin a lo sawi tawh a, he thu hi dik ti vak lo pawhin kan pawmpui vekin ka ring. Kan nun pum mai hi lemchan mai a ni a, kan chanpual a zawh huna thi mai tur, tawp mai tur vek kan lo ni, he khawvelah hian engmah kan luhpui lo a, kan chhuahpui dawn hek lo. He film-ah vek hian T Bag chuan “Mitin mai hi mahni nihna-in a phuar beh, saltang mai kan ni e..”a ti a, a dik hian ka hre khawp.

Kan hringnun lemchanna-ah hian saltang vek mai kan ni a, he sal tanna atang hian mahni-a inla chhuak thei pawh kan awm lo. Sual saltanna atanga min chhan chhuak thei chu kan Lal Isua chauh hi a lo ni e. Lincoln Burrows khan “Michael, min chhanchhuah hi tum tum suh, ka rawn chhuak dawn chuang lo, he tanina thih hi ka duh zawk e” tiin tan lo khawh fun mai se chuan thi leh thau pawlha chhanchhuah tumtu Michalea tan chuan a huatthlala ngawt ang chu.

Engmah ti thei hlei lo, sual sal tanna atanga chhanchhuaktu awm reng a, Isua hi ka ring duh lo, chhanchhuah ka ngai lo, ti hian ka tling ve tawk ani te hi kan lo tih khum mai thin hlawm a ni a, Isua tan chuan a na duh ngawt ang....

17 comments:

  1. Captain, Keipawh hmuhnawmka ti teh mai ania! KA la enchhuak chiah hrih lo. Mang-ah te nen lam a kan mang chinah hi chuan kan vei viau tihna an tia :-) Nangpawh i vei viau aniang chu maw ! :-D

    Mahse, hei mawi tak leh zirtir nei tha takin i rawn ziak chhuak a, tha hle mai !

    ReplyDelete
  2. Ti leh thliam zel! Chhuah nalh thei khawp mai, captain.
    Kei pawh, he Serial hi ka menreipui thin khawp mai.

    ReplyDelete
  3. Huihamz, 'Kasauti Zindagi', The Bold & The Beautiful' etc etc angin an lo intihhmuh leh tawh ani maw...Lolzzzz...Ka la en miahlo, mahse en ka tu bawk heklo. Bear Grylls 'Man vs Wild' leh ramsa documentray ka ei peih zawk tlat..Lolzzz...

    ReplyDelete
  4. Aizawlah chuan Mizotawngin an let a, an chhuah thin a, keini ang tan chuan en a nuam bik khawp mai. Kan uipui tuilian thlir mai mai loh deuh va.
    A changtupa ngelngawl hi ka duhzawng tak a ni.

    ReplyDelete
  5. Prison Break hi ka la en lo reng reng kei chu. :-)

    ReplyDelete
  6. Hahaha Prison Break.. lung i ti leng reuh... hmuhnawm kan van ti thei tak... tlaivar hian kan han en ngei ah... Season 1 kha chu B'lore a ka awmlai a ni bawka, weekly USA ah an release chiah hi a tuk ah torrent a an rawn upload kan nghak thrups zel.... hmuhnawm bawn tawp... mahse i article i rawn tih tawp dan khi a mawi feeee zawk Prison Break zawng zawng ai chuan. i relate thiam khawp mai hotunu.

    ReplyDelete
  7. eee hotunu, comment dan kha ka thlak sak tawh che emaw ka tia (comment notification), i lo thlak let leh daih a ni maw? :-(

    ReplyDelete
  8. keipawh ka mumangah ka hmu thin a, kan naute nula 2 lah chuan chaw pawh an ei tha hman lo, a changtupa kha an duh ltk a, nu ho zingah pawh atchilh an tam rapsssssssss

    ReplyDelete
  9. @Sekibuhchhuak - Kan ngaihtuah vak loh pawh hi mang lama inlar zut hi a awm ve tho asin mawle..:)

    @Zaia - Chuti ve bawk maw? I ngaisang vak lo emaw ka tia sin...

    @chhangte_ll - nia ti raw, kan intihhmuh leh luai luai zel a, thil reng reng hi!!!

    @Fela - Hehe.. nang meuh pawn i lo en ve a maw??? Mizotawnga an tawngtir zuah zuah chu a inhmeh awm lo leh pek mang e...

    @Joseph L - Dawt sawi suh, vawi thum i en chhuak tawh a, i la duh khawp lo a nih zawk kha... :)

    @illusionaire - Hotupa chu, i lo hrat hma bik hle mai.. kei pawh season 4 hi chu ka d/l vek alawm.

    Comment hi, hetia a hnuaia lo lang mai hi ka duh a, frame dang rawn pop up zel lo khan, ka thlak leh anih hi, Notification a tibuai ami a? han siam leh teh.

    @Anonymous - Nu ho hi an lo atchilh ve leh ngawt thin a, thalai ho te lo kian ve teh se.. hahaa.

    ReplyDelete
  10. Va han ropui em! Hotunu nangmah ang deuh thil hi ka han hre tlai thei mai mai khawp a. Nikum khan kawngsir a mi ka lei a Season 4 thleng kha, thlakhat leave ka la a, ka en zo thaks maw le! Hmuhnawm khawp mai...

    A tawpa i rawn zawm kual dan hi a nalh thei ngawt mai. Tin, kei pawh hian chhanchhuah ngai lo a inhriat chang ka nei fo thin. Isua rilru chu ka tina hnem ve tawh ngawt ang le!!! :-(

    ReplyDelete
  11. @VaiVa - Hre tlai mah ila, kan hriat ve hman tho chuan a tha-ah ngai mai ang aw... Ni Li laia tlai pawh a hunah a thlen tho kha.

    Nia, Ropuina Lal hi hre lo hian kan lo khengbet nawn awn awn thin asin!!

    ReplyDelete
  12. keitak pawn hmuhnawm ti bawn top. Keichu Scofield hi ka atchilh tawp mai. afing ropui si heheh

    ReplyDelete
  13. Scofield hi ka duh bon top, a hmeltha si, fing si, atchilh top mai hahha

    ReplyDelete
  14. prison break hi cu k atchil ve thlot thrn, i article chu tha hlemai, k rin loh daizongin ziak, pathian thu nen in relate dai khi prison brk serial hmg tangkai pol tak cu i niang, hehe, michael scofield character hi amah charcter tak2 nen inang deu ciah nimai aman a ti, interview ah,k star lehzual....
    Nevaeh T

    ReplyDelete
  15. @Anonymous, Judy - Nia tiraw, a changtupa hi a tha ber ber khawp mai, mahse kei chu a hmel hi a no ka ti riau, a rorum lo tlat,.. haha

    ReplyDelete
  16. Kei pawh hmuhnawm ka ti. Ka en laklawh a, ka en zel a, chhungten an ning raps. Tunah chuan ka en zo tawh. Hotupa sawi ang khian kei pawh ka mumangah Alex nen khan kan lo inkawm

    ReplyDelete
  17. @ Anon2 - Phone atangin i rawn online a ni maw? Ka rilru-a a awm dan danin ka han pawtfan ta vak mai a nih khi.. haha

    @Thintlangpa - hmanlaia nula hmeltha an sawi, En tawh pawha, en leh tul thin an tih ang mai kha a ni e ti raw, vawi khat enin en leh a hring zel alawm.. Lo leng lut ziah rawh

    ReplyDelete

Followers