Friday, August 14, 2009

Zalenna Ni ropui

India mi, India rama piang leh seilian, a lei thatna eia nung thin ni si hian Indian History hi ka hre lo em em mai a, ka zak zawk thin. School kal laiin History hi engtik laimaha ka tui ngai lohna subject a ni mauh mai a, chuvang chuan High School kal thlengin History and Civics kan zir thin kha ka tih chhiat ber subject a ni tluan parh.

Tun hnu-ah inzir lehna hun a awm tawh lo a, Indian History chu ka hre tlem ta ngang mai, hnathawhna ten a lo zir lo nen. Indopui II-na leh Zoram buai te ka hriat pawlh mai mai a, thil pakhatah ka ngai thin.

Tunah, mi ramah ka han awm a, mahni ram chanchin hriat chian a tulzia te ka hre chiang deuh deuh a, Mizoram chanchin mai nilo, India ram chanchin sawi a ngai ta fo mai hi a mangthlak chang a awm thin.

India-ina British awpna atanga chhuak tura a beih nasat zia te chu zir thin mah ila a chip a chiarin ka lo sawi thei lo tawp mai, kan zir thin British East India Company, battle of Buxar, Dalhousie policy Doctrine of Lapse, Quit India Movement etc tihte chu ka hre thawi thiak thuak. Nasa taka an beih hnu-ah 15th August 1947 zanlai-ah India chu Independent Nation a ni ve ta tih chu ka hriat chin a ni mai e. He Zalenna ropui tak sual chhuak tura Mahatma Gandhi te Nehru te beihna chu sawi ve ting tang ila kan ti bawrhbang zo ang tih a hlauhawm avangin a hre zawkte kutah ka dah mai ang.

He Zalenna hi keini Zoram, India chhak kila awm te pawhin kan lawm ve kum tin a, a phuk a phak hre lo hi Zofate zingah kan tam viau mai thei ani tihte ka ngaihtuah mai mai a. Chutih laiin Power leh Water supply tak ngial pawh hnianghnar lo ram hi mahni awmhmun-ah, a kaw tawpah thau khawhin kan tang a, engmah intodelh hlei lo hi kan inla milian a, Chawngchilhi raitu Rulpui ang mai khan, “Min pawt min pawt mah ula, ka meiin kawl a chhun..” te kan lo ti thum ve dut dut lo maw le..?

Pi Lalsangzuali Sailo hla phuah hi ka rilru-ah a rawn awm a, hei hian kumin Independence Day chu ka han lawm ve nghe nghe teh ang, hla tha tak a ni e.

Vanhnuai khuavela thang mawi chuang
India ram zau hnam chitin lenna
Lungrual tein leng zel ila
Chi inthliar leh inchemharnate
Hnutiang chhawnin I pen zel ang

Tuanna mual zawng a dang
A then phaizawl mite
Thenkhat tlangram thlifim kara kan len lai hian
Biahzai ze hrang leh sa hrang bia
Zeize hrang kimtlang pawh dang mah i
Pumkhatin pheilai I khai ang aw

Pu Nehru biahthu ngai teh u
Huan zau pangpar chi hrang kan ni e
Huan pakhata to leh par za
A lei thatna eia nung thin chu
Mawiten kan par vul zel dawn e

Chhak thlang chhim leh hmara lengte
Lungrualten puanzar pakhat hnuaiah
Lainat tanpui thinlung pu-in
Rindan leh chet zia dang mah sela
Hmangaih remna Lal ber rawh se.

11 comments:

  1. Rual u zawkte'n an sawi fo thin angin; Mizoram buai lai hre pha lo chuan rambuai nih hrehawm zia in hre lo an ti thin. Chutiang deuh bawk chuan,Zalenna hlut zia hrethiam tur chuan, zalen lohna hmun a awm phawt te hi angai aniang.

    Ram zalen lova han awmve tak ah chauh hian ani keipawh hian ka hriatthiam ve chauh ni.

    Tin, hmun hrana khungkhawm, anmahni mihringpuite tak ngial pawh hmu thei lo din hmuna dingte han hmuh hian, zalenna hlutzia hi a lo lang thin.

    India rama cheng tam zawkte pawh hian kan zalenna hlutzia hi kan hria angem aw tih theih tak niin alang!

    ReplyDelete
  2. Kum 100 dang a lo vei leh hunah chuan kan intodelh ve tawh mahna, a nih loh vek chuan kan ral vek tawh tal ang.

    Democracy ram lian berah hian safronization hi han thang lian tak tak sela chuan, zalen kan inti lo vang a, hel kan tintuah leh maiin a rinawm.

    ReplyDelete
  3. Huissss....CBSE Pawl 11 leh 12 zirlaibu rawn thawn tur che i nih hi..Lolzzzzz...

    ReplyDelete
  4. Zalenna hi a lo hlu mang e! Chutih rualin zalenna hman thiam loh hi a lo pawi thei si mang e!

    Kan dinhmun a inan hmel. 'India' kha kan ram a ni tlat a, mahni ram chanchin sawi a tul chang hian kei pawh buai chang ka nei fo. School-ah te Indian food chungchang te, sari kaih dan te min lo zawh tlat chuan buaina nasa tak ka tawk a ni zel mai. Kan indang te a nih si loh chuan hamara desh chanchin hi hriat belh chu kan ngai ngawt mai, ka ti ta.

    ReplyDelete
  5. Hotunu kan tobul hi chu hriat ve a tha a nih loh pawh in a tul fo thin reng a ni. Zalenna ni ropui ah hian kan zalen em? Nge kan zalen mah mah? Lolzzz

    ReplyDelete
  6. E, ka va tlai ve hotunu!? Happy Independence Day tho tho le!

    Zalen ka va ni em! tihte kha i hrechhuak em!?? Zalenna hlutzia hi zalen thei lova awm loh chuan hriat thiam a har an ti a, a dik ngawt ang. Zalen taka nung mekte hian zalenna kan neih hlutzia hi kan chhut phak lo mai pawh a ni tawh lo, kan chhut ngai lova, a ngaihtuah pawh kan ngaihtuah chhin lo a ni ang.

    India chungchangah chuan, ka ngaihdan chuan a nawlpui pawh hi kan Indian ve tawlh tawlhin ka hria a. Hotupa Faka sawi ang hian, a zavai leh a kil-karte chu hriat sen a ni lova, mahse Indian nawlpui tana hriat awm chi hi chu a awm ve ngei anga, chu chu ram danga awm, la awm zel turte phei chuan in hriat lehzual a ngai ngawt ang.

    ReplyDelete
  7. @Sekibuhchhuak - ni e, zalenna hlutzia hre tur chuan zalen loh awmzia hriat ve phawt hi a ngai a nih hmel e

    @Fela - Nia, han hel ila a tuar nasa ber kan ni leh lawi si ang a, intodelh loh hi chu a buaithlak lam a ni e.

    @chhangte_ll - zirlaibu chu min thawn suh, zirlai a nih hrim hrim chuan tui awm loh tlat, lehkhabu dang tha deuh tak rawn thawn zawk rawh awwww...

    @Faka - chu chiah, Sari ber kher phei chu Indian han intih hian kaih ve turah min ngai leh tlat thin a, a buaithlak thei khawp mai.

    @VaiVa - tunlai thalai te hi chuan kan zalen lo an intih fo hi mawle, Zalen kan tehna azir pawh a ni mahna le.. ti raw hotupa.???

    @Zaia - Ni reng e, hriat a ngai a, ka hre si lo chu a nih hi. Khi chhangte_ll-an lehkhabu tha deuh min rawn thawn dawn a, ka la inchhiar tha leh ang.. :)

    ReplyDelete
  8. A engber chu nge in buaina ni ta - Mahni in hriat dan dan hi a ni mai lawm ni, India mi thenkaht chuan British hnuaiah khan zalen zawmah te pawhin an in hre mai thei asin!! Independence pawh khan zawm duh lo kingdom engemaw zat an awm tlat. Mizo te hi Indiaah zalen lo anga mi inngaihtirtu pakhat nia ka hriat ve chu Lehkha thiam pui pui pawhin India mi kan nih an ringhlel tlat te, Mizoram awmna an hre lo tlat thinte hi a ni.

    ReplyDelete
  9. @ Kiamlova & Puii - Engah buai dang lo e, ka hriat lohna hian min ti buai thin mai mai alawm...

    I tidik khawp mai, India ram chhung ngei pawha kan mikhual tlat thin hian min ti Indian lo thin a ni.

    ReplyDelete
  10. Hotunu (ka ti ve ringawt.hehe), ni e, mahni ram chanchin hriat hi a pawimawh. Mahse maw, thil tui zawng te hi a inang lo ve a, History hre deuh te khan Bible thu te an lo hre lo maithei a, (or) kan chenna leilung te, (or) kan chenpui nungchate, etc. An pawimawh vek rual rualin. Chuvangin inthiamlo em em duh suh.

    ReplyDelete
  11. @Mimihrahsel - I ti dik e, rilru i ti nuam sawt alawm heheheee... engkim kan hriat vek te chuan a dik bik nang ti raw..

    ReplyDelete

Followers