Thursday, July 16, 2009

Chhimbâl...

Chhimbâl mawi zia hi chu kan hre theuh awm e, eng vanga Hmarbâl ti lo-a Chhimbâl kan han tih tlat na chhan hi ni ang tih erawh kan ngaihtuah ngai awm lo e, kei pawh ka ngaihtuah ngai lo, a chhan pawh ka hre lo a, tun tumah hian kan chhui dawn na hek lo....

Ruah a sur buan buan a, kar khat tawp maite khua a han cheng a, khawlai a diak pur mai. Naktuk chuan khua a tha tawh em ang chu kan ti tlai tin a, kut hnathawka eizawngte tan phei chuan a chang chuan a huatthlala thei hle ang. School naupangte tan lah school kal ti nuamlo rawih a lo ni bawk. Khawlai len a nuam lo a, hnathawh a phurawm loh a, in-a awm chawrh chawrh lah a ninawm riau mai bawk si. Thawmhnaw suk a ro thei na hek lo, chawmpangkar zawng zawng a hnawm churh a, thawmhnaw bal suk loh hlek lah a lo hmuar hman zel bawk nen!!! Chhûm a lo zing a, khaw hawi a tawi tuk mai, piah lawka tlangte pawh a fiah tawh lo. Hei vang hi a ni ngei ang Lalsangzuali Sailo chuan heti hian a lo phuah chhuah ni...

Zamualpui saw ka thlir reng laiin
Vanrang chhûmin a rawn tuam dul dul
Thang van zau leh sawmfang a lang lo
Puan ang hlih ka nuam e vanrang chhum zawng...

Chutianga ai ruah cheng kar khat ngawt mai han tawn hnu-ah tlai lama ni tlak hma deuhin ni a lo lang suar suar a, ruah chu a phingphisiau chauhin a sur a, nakin lawkah a reh fel ang tih hriat theih turin ni chu a rawn lang sur a, ni zung chuan thingkungte chu a chhuna, ni zung chu a lang kawkalh ta sung a, a mawi danglam em em mai. Ralkhata tlang lo langah chuan mawi tak maiin Chhimbâl a lo zam ta raih mai bawk a, chutah meuh chuan khua a tha tawh dawn a ni tih kan hria-in kan lawm em em thin a nih kha.

Ruah chuan khawlai bal chu a tlengfai a, chhum kara ni a rawn lang ta phung mai chu khawvel hi a fiah ta kuk mai hian a hriat a, thli thaw te chu a thianghlim a, boruak a tharlam ta vuk mai.

Khuangruahsur leh vanrang chhûm zawngte
A chhem kiang ta chhemdam thli lengin
Thang van zau leh khawtlang zawngte pawh
Fiara tui thiang ianga fimin ka hmu...

Nova hun laia ni 40 leh zan 40 ngawt mai ruah han sur tluk tluk mai kha chu a hrehawm ngawt ang, ruah sur satliah ni mai lo-in hremna ruah a ni leh nghal vei nen. Nimahsela, ruah a ban a, leilung a han lan hnu-ah chuan Pathianin lei tichhe turin tui ka tilet tawh lo ang tiin thu a tiam a, chu a thutiam tih nghehna atan chuan a zamtir ta a ni. He thutiam avang hi a ni ngei ang, fur khawchen laia Chhimbâl a lan chuan khua a tha tawh dawn e kan tih thin.

Genesis 9:13 Chhûmah ka chhimbâl ka zâmtîr a, chu chu kei leh lei kâra thuthlung chhinchhiahna tûr a ni ang, 9:14 Tin, heti hi a ni ang a, lei chunga chhûm ka zâmtîrin chhimbâl chu chhûmah chuan a lang ang a, 9:15 kei leh nangni leh tisa zawng zawng zînga mi thil nung tinrêngte kâra ka thuthlung awm hi ka hre reng ang; tichuan tui chu tisa zawng zawng tiboral tûrin a lo lêt leh tawh lo vang.(Chhimbâl :: 2007. Kan In, Chaltlang atanga ka lak...)

13 comments:

  1. Chhimbal in hmuh laiin - 2, Pathian thutiam a ni hre reng rawh u. tih Chorus Brigadier Sapliana min zirtir ka hre reng thin. Chhimbal hi zan thla engah a awm ve thin a, chu chu Moonbow emaw Lunar Rainbow an ti thin. Ni e, i sawi ang hian khaw tha lam entirna a ni a, Harstna thim hnuaiah rei tak kan awm hnua chhimbal anga Nun eng kual raih mai lo lang lam thlir thiam a pawimawh khawp mai. Chu chuan harsatna a kiang tan tih an lantir thin a ni.

    ReplyDelete
  2. Chhimbalah hian rawn chi 7 a awm an ti a, kei chu ka hmu ve thiam lo tlat (han inpuang ta mai ila). Rawng chi 3 bak ka hmuh awm pawh ka hre lo ve. Mawi chu ka ti tho mai.

    In ramah chhimbal a awm ve ngai em?

    ReplyDelete
  3. Ni e, ruah an sur zawha Chhimbal an rawn zam kalh mai thin hi chuan, engngemaw ti tak hian nun a tihlim thin ka ti.

    Kan naupan zual lai, chhimbal pawh a la 'black & white ' lai te kha a ngaihawm :-P

    ReplyDelete
  4. Kiamlova& Puii - I sawi takah chuan ni e, Pathian thutiam hriat rengna tha tak a ni e.

    Fela - Chhimbal rawng chi sarih chu Violet, Indigo, Blue, Green, Yellow, Orange, Red
    Chhinchhiah awlsam nan VIBGYOR an ti thin.

    Sekibuhchhuak - Nia ti raw, chhimbal hian lui kawr tui a dawt kan han ti ngei a...

    ReplyDelete
  5. Chhimbal hi hmuh tur a vang tawh ngawt mai! Kan rama chhimbal a zam tak pawh ka hre lo e a kei zawng. Fur khawdiak pur... nuam chiang e. Naupan that leh a, fur kawrte tuhawk a han tlan luh vel kha ka va han chak tak!!!

    ReplyDelete
  6. Chhimbâl - Chhim lampang phhuah anih hmel :D A tawpah, um char char in, rangkachak bel a awm e an ti bawk ani lawmi.

    ReplyDelete
  7. Ekhai Hotunu, kan veng lek maw i lo nih a!!!??? :-)

    Hei keipawn double rainbow chu kan In atang video ka la ve ngei a lawm :-)

    Mizohican: Double Rainbow at Mizoram

    ReplyDelete
  8. I chhimbal thlalak chu a mawi chiai chiai hle mai. Gay ho hian chhimbal hi an chhinchhiah nan an leklam viau mai a, an ti khawlo zo vek te hian zu han hria ia!

    ReplyDelete
  9. Vaiva - Kei pawh kan ram hi chhimbal ka hmu ngai der lo, ruah a sur khat vang hi a ni ngei ang.

    chhangte_ll - nia, Lunglei kan awm lai chuan rangkachak bel a awm kan ti ngei thin anih tak kha mawle..

    illusionaire - hotupa, ni chiang e, in kawmthlang lawkah khan kan awm alawm.. :)

    I video pawh hi ka thlalak nen hian a inrual a ni maw?

    faka - Gay ho chuan ngah nge chhinchhiah nan an lo hman ve ngawt a?

    ReplyDelete
  10. Chhimbal hian awmzia a nei thui reng ani. A thla pawh chu i la fuh hle mai.

    ReplyDelete
  11. Chhimbal kan hmu fo va, a thla lakna chang re re ka lo hre lova. I la fuh hle mai.

    ReplyDelete
  12. Kei chu chuti angin k ngaihtuah vaklo

    ReplyDelete
  13. coment loh aiah ka tih a ni bik lo

    ReplyDelete

Followers