Friday, July 31, 2009

Chhan loh aiah...!!!

Khaw pakhat Sundle School exam pawh kha an thiam lo lutuk a, ka-a chhang an ni bawk si.. "Tu nge Israel Lal hmasa ber?" tih zawhna kha Pitar pakhat khan "Chhan loh aiah Petera ti mai ang.." a ti, Pitar pakhat thung kha chuan a lo hre khawp mai a, "Saula.." a ti, a zawttupa chuan "Dik lutuk, mark 10." a ti hman tawh a, Pitarte chuan inti hre tak mai khan, "Paula an ti bawk" a'n tih leh zauh pek a, a mark hmuh sa a paih then phah.

Tunlai chu kei pawh hi Zawlnei da lam ang mai ka ni, ka khawro ru riau a, thu ziah ka tum ve lah hi a turh tlat zel a, blog pawh ka update hlei thei lo, chutih rualin rial rei ka hreh ve khanglang si. Naktukah ka update ang ka ti kar tluan a, Pachhe kumtiam ang maiin ka zu zi leh thin. Mi blog erawh ka tlawh peih dun dun fu, ka leng kual a, mi thuziak tha tak tak ka chhiar, an van ziak tha-in ziah tur an va hre tak em, hengte chu kei pawhin lo ngaihtuah chhuah awm te ka inti.

Tunlai taka ka dinhmun chu kan Zoram politics dinhmun nente hian ka in tehkhin deuh reuh. Sawrkar thar apiangin mipui hnenah engemaw an tiam a, an lal hun chhung a rei tawk lo nge an thu tiam an ti hlawhtling hman lo thin, tun sawrkar pawh hian eng eng emaw chu an tiam leh ngei mai a, ti hlawhtling tak maw..???? Laiking pawnpui tah tur ang mai hi a ni leh ang tihte ka ngaihtuah. Mahse Politics dinhmun nen em chuan kan in ang leh si lo a nih hi, tu hnenah mah engmah ka tiam ve hleinem mawle..!!!

A.. duh tawk phawt teh ang, tun tum chu Chhan loh aiah...

23 comments:

  1. Chhan loh aiah pawh chhiar tur a chhuak thei zel zawng anih hi maw hotunu le!

    Kei pawh ka taima lo khawp mai. 2007 khan ni 150 chuang lai mai tuifinriatah ka pil bo a. Chuti chung chuan 40 ka post hman nia! Tunah erawh hei khawmualah kan thu hil bul anih hi maw!

    ReplyDelete
  2. Zikpuii Pa em ni, 'Thanpuii Pa min lo hrethiam teh' (?) tih thupui hmang a article a ziah hman lohzia article ngaihnawm deuh ziak kha... Chutiang bawkin blog update theih loh thu blog post tha tak kan lo hmu a, ngaihtuahzui theih tak tur thil a pai tel bawk a. Blog update chungchanga harsatna hi tawk zeuh zeuh mah la a sual dawn loh hi:)

    ReplyDelete
  3. Haha! Chhan loh aiah Petera - kan hmang rim ve malh malh e!! Kan vengah hian, nula fel ve tak, hman tak2 dawna buaithlak leh tlat thin, eng eng emaw thiam ve zul hi a awm a. Eng sub-commtt. ti emaw kan siam chang hian, a hriat lem lohvin, 'Chhan loh aiah ......-i' kan ti thin!!

    James Dokhuma (Fam) pawh khan, College kan kal laiin magazine-ah, thu a ziah hman loh thu a rawn thawh pek kha!!

    ReplyDelete
  4. Sande Sikul Zirtirtu: Isua Nu kha hming kha engeni?
    [Naupang ho an ngawi thap]
    Varte (Ding auh chungin): Mâri
    Sande Sikul Zirtirtu: A dik, i thiam e. Thu rawh le.
    Varte (Thut pahin): Mâri, Mâri Magdalin-i an tih bawk.
    [A lu ah lawlh lawlh]

    ReplyDelete
  5. Ni e, thenkhat chuan "Engnge ka ziah ang?" tih thupui hmangin thui deuh an ziak thei mai bawk a. Kan naupan laiin kan vengah Johana a awm a. A pa hming chu Bualsata a ni a. Sunday School-ah 'Johana pa hming tu nge?' tih zawhna a awm a, naupang pakhat chuan, 'Bualsata' tiin a chhang ve tho asin.

    Johana nau chu Lalhmachhuana a ni a. "Lalhmachhuana, Vairihaw ril ei a" tiin kan chhaih thin a, tlangval pui tawh khan keini naupangho chu min um nasa thei thin hle.

    ReplyDelete
  6. @VaiVa - Tuipui-a i awm lai chuan i tuidum deuh a ni maw, khawmual nge nge chu a hil deuh ngei a nih chu...

    @faka - chuti maw, regular update hi a har khawp mai, kan han ti ve ngawt na-a..

    @Zaia - Pu James Dokhuma article kha ka chhiar ngeiin ka hria.. hehehe.

    @chhangte_ll - lolzzz, chhangte_ll leh... Lucas kha zirtir tha hle mai teh, khitiang khian a lo chhang ang e!!!

    @Fela - Lunglei ami Pu Suakbuanga kha i hria em? Fapa Johana a nei a, keini pawh Johana pa chu Suakbuanga ka ti fo,min um nasa thei khawp mai.

    ReplyDelete
  7. Ziah tur i hriat vakloh ni hian, chhiar a nuam tawk chauh.I chanchin han ziak zel teh.

    ReplyDelete
  8. Kei chu blog lamah hi chuan ka consistent angreng ve viau. lolz. Ka taima tihna nge, ka taima peihlo tihna zawk. Kum li chhunga kum tin post zat a in ang deuh vek hi chuan a sawi tak tak theihloh. A improve peih lo min ti theia, a thatchhe miahlo pawh min ti thei tho. hehehe.

    Mahse post tur hriat miahloh pawh hian post tur chu a hriat theih mai. Ka sawi hian awmzia a neilova, awmzia pawh a nei lutuk tho. hihi. Ka philosophical viau lo maw? :-)

    ReplyDelete
  9. Chuan i buaina kha chu i user-name leh password mi rawn mail rawh, ka lo siam that sak ang che.

    ReplyDelete
  10. thuziak tur hrelo talbuai vel ni awm tak pawh ...ka tluk lo che lom..

    ReplyDelete
  11. dr_feelgood - Haha, ka thil ziah chu thui i lo ti ru thei hle tih ka hre mai e, i duh danin tawi te te-a ziah tawh tur a nih chu.

    illusionaire - I taima ve thawkhat a, hmasawn i tum lem hlei lo a nih chu. Tin, i ngaihtuahna pawh i hmang tha hle bawk tih a hriat mai. I thluak a tha ngawtin ka ring.. hihi..

    zovala - nia, ziah tur hriat loh lamah chuan tluk chi rual ka ni lo a ni tunlai chu... i lo leng khat hle mai, thingpui nen kan lo lawm ve te te che a, i reh veng veng mai a.. hehe

    ReplyDelete
  12. Chhan loh aiah i chhang tha leh fu tho alawm hei. I chet chhiatna hmangin mahni hi i inkap i inkap thin a. I chet thatna lam te han thawh ve tawh la mawle.

    ReplyDelete
  13. I awmdan tur chu ka hrethiam...a chang chuan tum lem loh pawhin a lo kal zut zut a, a chang hi chuan darkar engemaw zat han thutchilh pawh hian a sak talh zel...

    A sei dan te hi ka taihmakna in chhiarchhuah a tlin tawk vel :P

    ReplyDelete
  14. Thiama - Chet chhiatna hi a ngaihnawm zawk alawm, chet thatna pawh ka nei vak lo. Ka Sipai lawmluh ve te kha chu Home lamah ka post ve kha.

    lulian - ka post chu sei i lo ti thin hle a ni maw... i chhiar chhuah peih tawk zelin ti ila that dawn chu.

    illusionaire - i ti lawmawm e, thil dang dah belhte pawh ka duh ve asin mawle, i lo dah nghal lo a ni...

    ReplyDelete
  15. Hehe, blogger ho hian ziah tur an hriat loh thu pawh ngaihnawm takin an ziak thei zel mai anih hi.

    ReplyDelete
  16. mesjay - ni ngawt mai ti raw, ziah tur hre lo hi an tia, an ziak tlawr duah zel a...

    ReplyDelete
  17. Hotunu, pi mesjay sawi ang hian, thuziah tur hriat loh pawn a ngaih nawm tulh tulh tho mai a ! :-)

    ReplyDelete
  18. khai, min fuihpawrh chiang mai, ka pawrh deuh turh tawh..!!!

    ReplyDelete
  19. Chhan loh aiah, update tur hriat loh aiah pawh rawn thawh thra tho alawm. Blog update hi peihawm loh ve thin deuh asin, tui deuh lai hi chuan kan han ziak pur pur a, mahni a dal ve riau chang hi a awm a. Ziah tur hriat miah loh te hi awm ve thei deuh mai ania..

    ReplyDelete
  20. Joseph L - nia, Evangelist-te pawh hi hul riau chang chu an nei ve tho-in ka ring.. :(

    ReplyDelete
  21. Comment loh ai ah kantihleh teh ang,apoi m? Iti tha le mai chhan loh ai ah chuan

    ReplyDelete
  22. @CAST - ti tha ami, comment loh aiah i rawn ti tha hle mai.. i ti lawmawm e

    ReplyDelete

Followers