Thursday, February 19, 2009

India mi nih hi......

Ka tawn ang tawng hi an awm ve nual chu ka ring. Khawilo vah chhuah nikhua hian khawi ram mi nge ka nih tih hi ka zawhna tawn chamchi a ni a, Indian ka ni ti-a ka sawi apiangin an awih lo ziah bawk. Chinese emaw Filipino emaw ka nih ring an tam ber. Khawlai ka han kal te hi thenkhat hian China.. tiin min lo ko thin. Airport-ah takngial pawh ka passport an thlek vang vang hnu-ah Indian I ni maw? An la ti hram zel a, Sibut ti khawpa han chhip thlak ngheng tak hi an chakawm thin.

Indian ka tihin tuman an ring ngai lo a, Mizoram atanga lokal ka ni ti then ila, tiin a chang chuan Mizoram ka han sawi ve bawk a, an bo tulh tulh a, Mizoram chu khawia awm nge hrilhfiah leh tho a ngaih thin avangin India chu ka ti leh nge nge thin.

Vawi khat chu wholesale dawr lian zet mai-ah thil leiin kan kal a, a neitute chu Indian an lo ni a, ka thiannu chuan Hei hi Indian ve tho a nih hi tiin keimah chu min kawk a, anni chuan Indian tih takah chuan an ngaihven ve viau a, mahse Indian ka nih chu an ring ta tlat lo mai a, khawmaw I passport an ti hram a, ka pe lo chiang khawp mai, ka voter ID ka entir a, Ashoka pillar an hmu a, an awih ve hram, chutah an rinhlelhna tibelhchhah tur tingin Hindi ka la thiam lo zui. Kan han inhriatchian hnu chuan kan inkawm ngeih ta phian a, a hnu phei chuan Biryani te min rawn kensak vel a…!!!!

Kar kalta mai khan Finance Training, MANGO buatsaihah ka tel ve a, mi 18 kan niin ram hrang hrang an ni nawk a, UK, USA, Canada, Zimbabwe leh Mozambique te kan nih pawlh nuai a. kan chhun chaw ei lai hian kan ti ti luai luai thin a, a ni tawp bera ka thutpui pa chuan, “Midang ho khan Indian I nih an ring lo a..” a ti a, Ni e, ka ti a, thu dang deuh a sawi dawn emaw tih nak laiin, “An ti dik chiah, I anglo a lawm” zu la ti hram a…

Thil lungchhiatthlak tak mai pakhat tunhnai lawk khan ka tawng leh pek a. South Africa ram chhung ami Kruger Park tlawh kan tum a, ka thiante Brazillian pahnih leh Swedish pakhat nen. Mozambique ram chhung atang chuan kan chhuak mai a, S Africa kan lut tur chu ka passport a tang ta tlat a, S Africa chu ka lut ve thei ta reng reng lo mai a, Thiante chu Commonwealth Country an nih vangin Visa hran an mamawh lo a, kei INDIAN PASSPORT humtu chuan Visa ka mamawh bik a…!!!!!! Thina rim rawh tih hi a ngai hran lo, a thinrimthlakin a zahthlak ang reng bawk sia, Refusal letter an siam a, min thawn kir leh ta daih a, chutih laia ka rilru-a awm chu DEPORTEE tih hi zu ni teh tlat a… Mexican Deportee nen ka intehkhin deuh roh a, thiante chu kal tlang tho rawh u ka tih luih tlat avangin rilru bet zan lo chuan an kal ta poh a. Office atangin min lam tur motor an rawn tir a, South Africa border-ah chuan motor chu ka nghak ta ran a. CID leh Custom duty ho nen chuan kan inkawm ta vel mai mai a.

Kan pi leh pu-te kha khawchhak lam atanga thlang tla zel an ni tiin an sawi a, engtia Mizoram an thlen tak hnu a thlang tla zel ta lo nge maw an nih hlawm ni, hei India ram mi kan nih reng phah a, kan hmel leh zia, pianphung, nungchang, duhzawng (ei leh in leh incheina thlengin) a dang em em si a, tawng a dang nen. Kan duhzawng hi a Indian lo em em mai si a, engvanga Indian dang, vai kan tih maite hi haw em em thin nge kan nih le..? ti te-in ka ngaihtuah a.

Kan naupan lai lah khan Hindi kha kan zir tha duh lo a, Bari Bara Vaimawngkhak te kan ti vel mai mai a, tun hnu-ah pawh vai ram hmun hrang hranga kan han bazar ve nikhua pawhin an bazar tawng fahrah te te-in kan rak khum mai mai a, Lei duh leh hralh duh na na na chu kan indawr ve zel mai bawk a, tawng thiam tumna tak tak kan nei ngai lem lo kha a lo pawi a ni.

Englekhawle, hnam dang pasal ka nei emaw, ram dang passport ka nei emaw a nih ngawt loh chuan ka duh emaw duh lo emaw Indian chu ka ni kumkhua dawn a, chuvangin ka tih tur pawimawh tak pakhat chu Hindi thiam hi ni ta berin ka hria. India ka haw leh hun chu Hindi hi ka vaibel tih tluka thiam turin ka va han zir rua em!!! ti te-in ka insawh ka insawh thin. Ka hmel leh pianhmang-in India hnam dangte ang mah suh se, an tawng anga ka tawng zarh zarh theih phawt chuan min hmu Indian ve mai ang chu maw… INDIAN NIH TAK HI CHU…

17 comments:

  1. Ha ha ha....'Ka Kha Gha Ghaha Nga' i ti lauh lauh dawn nia. Chumi i thiam bel hnuah 'Ah A Ih I' tih kha i zir tan leh anga. Chuan 'Aap leh Tum' hman hun i zir chho zel anga - I thiam ve mai ang.

    Kolosib Training na hmun-a an hotupa vawiinah ka hmu dawna ka lo sawisak dawn che nia :)

    ReplyDelete
  2. Ka vaibel ni lo, 'ka tuibur' tih zawk tur a ni ang chu!!! i ti duh e, India ram chhung hotelah pawh Passport min dil ngat ngat zel alawm.

    ReplyDelete
  3. Indian han tih chuan hang lam pang tura ngaihna a awm nghal phawt a. nangchu i ngo veng bawk si a, i cute ang reng bawk nen :) Philippinas han tih mai awm zawk pawh i ni e. Keipawh hi Philippines mi emaw min ti chawk. Kan lo in ang ve bawk a nih hi.

    ReplyDelete
  4. Nia Sibut ti khawp chuan kan chhipthlak ngheng mai la ni tur :-)

    He dinhmun hi chu kan thlak theih si loh ani bawk si. Keichu Mizo/ Mizoram , Mizoram sawina hun remchang tak ani maiin ka hre ta :-)

    ReplyDelete
  5. Kruger National Park chu i kal teuh hle mai. Ngatinge a hma atangin visa i lo neih loh le. India pawh hi commonwealth country zingah chuan tel ve tho mahse S.A tlawh tur hian Indian tan chuan visa a ngai tehmeuh mai. Mahse visa fee min thring lo thung a, hah taka kan visa min buaipui sak hnua fee an la lo hi mak khawp mai. A thlawn liau liauin visa min pe thung tihna a ni. Heng Zambia, Zimbabwe leh SADC countries an tih SA ram thenawmte hi chuan passport an neih chuan visa an produce a ngai lo a, chutiang bawkin English speaking nation UK, Canada, Australia leh a dangte hian passport neiin an lut thei.

    SA visa information kha an website atangin lo zir chiang rawh. Kal leh hunah chuan a bu ang thlapin aw, deportee i ni leh palh ang e. Maputo TV leh paper velah 'Indian SA Officer Deported from South Africa After Attempted Illegal Entry' tiin headlines i siam em lovang chu maw!!

    Indian kan nih min ringhlel tu hi chu an GK a la hniam deuhah ngaih ve mai tur.

    ReplyDelete
  6. A va pawi...I kal teuh hle...mi in an kal chanchin an sawi hunah keipoh ka kal teuh lutuk ti mai rawh...Dampa Wildlife Sanctuary ah chuan i buai dawn loh teh lul nen!!!!

    ReplyDelete
  7. hehehe i hmel hi a deportee riau ka lo ti reng a.. just joking :-)

    Nia, nangni ang phoren a awm tan chuan a buaithlak ngawt ang Indians in ni tih han sawi chiang hi. Ka Mizo thiante pawh US ah an kal a, Indians an ni an in tia, sap ho chuan "red indians" emaw an tih an lo ti mai a sin. :D

    Hindi chu a pawimawh a ni, mahse kei chu phai ah lo awm rei tawh viau mah i la, hindi chu la thiamlo tak ka ni, achhanchu sikul leh college kha tamilnadu ah vek ka zir a, Mizo leh northeast mi hovin hindi kan huat ai hian khung tamils te khuan hindi hi an lo haw zawk. lolz. Mahse hei tunah chuan hindi chu ka hmang ka hmang ve tawh a, ka thiam ve tawh khawp mai.

    ReplyDelete
  8. Varte nih kha thlang tlat rawh! Vaitawng i thiam leh Nepali emaw an ti leh si ang che a. I Dalai Lama ruih mai ang. Kristian in ti sawmsarih mah la, an hmu Bhuddist leh si ang che! ha ha

    ReplyDelete
  9. chhangte_ll
    Ka kha gha.. ka ha a na!!!! hahaha

    Kolasib-a an hotupa hnenah chuan i sawi ta em? min lo hrilh leh teh.. :)

    lalkiamlova
    Nia, ka TUIBUR, tuibur a ni leh lo, MEILAI zawk mawle..

    Puibawiha
    hahaha ka nui phawt, "I ngo veng bawk sia.." hehe "I cute ang reng bawk nen.." ka nui leh... van lawmawm tak em!!!! Min hmu dun chiah se chu in ang min ti chuang miah lo ang mawleee...

    Sekibuhchhuak
    Kei pawh ka ti, mahse Mizo chanchin hi han sawi dawn ila, India ram pum anga sawi loh chuan chhuan tlak hi kan nei teh chai lo lutuk a, hmai a uang thei lo alawm.. lol

    Thiama
    Hahaha... hei thawhpuite pawn min fiam luai luai mai. Nimin khan SA Embassy chu ka va kal ngei kha. Tih leh hun chuan Visa nen ngei le..!!!

    burgerstud2005
    welcome.. i nick chu a va tui hmel ve...!!! Ka thian kalte hian engemaw min rawn hawnsak ngei alawm, hei hi ka lek chhuak ve chhen mai ang. :)

    illusionaire
    Ka hmel hi kei pawh a deportee ka ti thin, en chet chet hian a ni leh zual.. lol
    Ka rawn haw hunah HINDI chu min la zirtir ve dawn nia auh....

    Vaiva
    Nia, Varte hi ka sahuai thin vawn tlut mai ang, pawi lo rengs... haha

    ReplyDelete
  10. Ekhai, a ngaihnawm hle mai. I tawn ang hi vawiduai lo ka lo tawng ve tawh thin a. Ka thin ti-na ber thin pakhat chu an mahni Vai ho ngei ngei pawhin min ringhlel fo hi a ni. Kum 2001 khan London Hethrow Airport ah Custom officer Vai pakhat hian min tibuai hrep tawh bawk a, hmai sa kan in hmuh chu a ni ber e. Sap leh hnam dang hovin min ring lo deuh thin chu ka hrethiam viau mai. Mahse, Vai ngei ngeiin min ringhlel khanglang thin hi tawrh thiam a har fo thin a.

    Heng neuh neuh avang hian ram bunghrang (Independence) a awm nalh mai duhna thinlung hi a chawk thar nawn fo thin. Kan rin chung Pathian zarah chimral mai lova, Mizo hnam anga khawvel hriat kan la nih ve ngei pawh ka beisei tlat.

    ReplyDelete
  11. Hmel leh pianhmangin 'India' tilo mahse, an zinga Hindi nal taka tawng theih nak nak chuan kan in-unau hnai deuh ngeiin ka ring kei pawh. I lo haw hunah Hindi chu zir ngei ang che, i thiam hma ngawt ang, Tuikuk tawng reng i hre tam thei em mai..

    ReplyDelete
  12. Delhi ah thlaruk sikul kan luh ho hnu in kan thianpa pakhat Harayana a mi in fiamthu titak deuhin 'Japanese emaw i nih ka tia' min ti khanglang a, ka tuk let thuai tep a ni...Thruro iang a ka zaidam lai a lo ni hlauh zawk a :D

    Hindi..ka thiam tulh tulh a India hi nuam ka ti tulh tulh :)

    ReplyDelete
  13. Puia
    Nia ti raw, mahni Indianpui ngeiin han inrinhlelh vel hi chu a na ve thlawt a ni...

    Kei pawh ka ngaihtuah thin, mahse independent ta ila kan intodelhlo ropui sia tih hi a lo lang tel ve leh thin.

    Zaia
    Hindi chu min zirtir dawn nia aw.. Tuikuk tawng nen chuan in anglo ve hnah hnah em mai.. :)

    luliana
    E khai, i va reh rei veng veng ve le, welcome back le..

    Thuro ianga i zaidam lai hlir chu kai pawh tawn ka duh ania.. Tawng hriatna-ah hian kan lo tlangnel ber zel chu a nih hi.

    ReplyDelete
  14. I va kal teuh tak ve maw le...hihi..i kal hun ah chanchin ngaihnawm deuh in i ziak dawn ania..India ram chhung ah pawh hian "khawi lam mi nge i nih?" ti a min zawh a ..mizoram ti a chhan te hian "e mizoram chu malaysia a awm ti raw" te hi an la ti zui a :D

    ReplyDelete
  15. Avena
    Nia, a nia lawm, an ngeiawm thei asin... Mahse han tawn than chuan ngaia neih mai pawh a awl leh ling tawh zawk a. Indian i ang lo an tih pawn, Nia, Chinese ka ang a,, te ka ti mai mai zel.

    ReplyDelete
  16. Nl.Varte, Iva fakawm reuh ve. Krista an hai tlat mai kha ana awm tiraw? Qutub Minar enturin ticket counter ah ka intlar, ka hmaa mite Rs.10/-an dil laiin kei chu Rs.50/- an han ti mai chu 'Thin'a thawk tep alawm. 1982 khan Lusaka ah thla 4 teh meuh ka kawm thin chuan ka haw dawn ah,"chu eng mi nge i nih chu min hrilh lovang maw?" ala ti fan nia.Thil lawmawm ang reng deuh chu maw, Indian ho chuan '..khak,khak..' tiin kawng laiah te an chhak mai mai a, nang chu inive silo' zuk ti a..

    ReplyDelete
  17. lcm
    Engti zawnga fakawm nge ka nih le..?? Krista an hai kha ni e, a na ngawt ang, ka lo ngaihtuah thleng pha miah zawk hlei nem le.. ngaihtuah i ti thui e...!!!!!

    ReplyDelete

Followers