Friday, November 7, 2008

Talent

Kristian hmasa-te kha vawi khat chu an inkhawm na-ah Mahni talent theuh I sawikhawm ang u Chairman khan a ti a, hnung lama pa pakhat chuan,”E khai a, Biakin-ah pawh ta len leh len loh sawi te chu, a nihin a ni lo reng reng...” a lo ti bul bul e an tih chu.

Talent tih hi mizotawng ang maiin kan hmangin kan hre lar hle. Thiamna bik, chemkalna tiin JF-a chuan a hrilhfiah a, Mi thil thiam bik riaute hi an awm a, zaite, thusawite, lamte, ziak-te, lemziakte, thian kawmte, inkhelhte, infiamna chi hrang hrang leh thil dang tam takte pawh a ni thei ang.

Hetianga thiamna bik riau neite hi talent a nei tha a nia kan ti thin a, tin, Pathian rawngbawl tur pawh hian hetiang mi hi an tangkai duh bik em em a, zaithiam ngat phei chu an hlu leh zual hle hian ka hre thin.

Zaithiam sawi takah chuan zai mi hi ka ni lo ve chiang khawp-ah, ka la hre reng thin, vawi khat chu Sundle School Intermediate Dept-a ka awm laiin Inkhawmpuina-ah hian Solo intihsiak hi a tel a, hla chu Khawngaihna mak Mawi leh duhawm tih hi a ni a. Zaithiam lutuk pawh a ngai lo a, a solfa a dik chuan a tha a ni mai a, kan Zirtirtupa khan nang zai rawh min ti mauh mai a, hlauthawng chung chung chuan ka zir ve ta a, in lamah ka Pa leh ka U-ten a solfa dika ka sak theih nan min zirtir a, solfa na na na chuan ka sa dik ve fu.

A hun thlen hma-in kan zirtirtupa chuan sundle school-ah chuan rehearsal min neihtir ta alawm mawle.. Awi karei.. khami tum kha.. Zak takin kun chul chung hian ka ding chhuak a, ani chuan guiter a han perh a, zai ka'n tum teh reng a, ka pian ahnu lama ka thil tih tawh zawng zawnga ka hlawhchham chian ber a la ni awm e. Ka aw hi a ri chhuak thei lo reng reng a, ka khur nasa lutuk kha a ngaihna a awm thlawt lo, a mak a ni, mak tak a ni. Khatianga ding chhuak ve tawh si chu tial/lawi tak pawha han zai theih ve mai awm kha.... Tumah an nui lo nia, min ngaichang thap a, ka zai theih tak si lo-ah chuan hotupa tan tih ngaihna awm hek lo, ka thu mawl leh tawp.

Tun thleng hian Pathian hian talent pawh min pe ve lo a nih hi ka ti ziah, thil hi thiam bik nei lo hian ka tih zel zul phah ni te-in ka hria a, vawi khat chu ka thiannu Celeste-i hnenah, “Kei chu talent pawh ka nei lo aniang..” ka ti a, “No, Captain.. you have good talent, you are intelligent and brave, thats your talent” a ti a, ni tak maw.

Chuan pakhat leh chuan,"a hun taka thil pawimawh hriat chhuah theihna te leh hman thiamna te hi talent ropui chungchuang tak an ni.” tiin ka thil tih chu min comment sak bawk a. chu chu ka talent ve-ah ka puh mai dawn mawni? Mahse chutiang khawp chu niin ka inhre chiah chuang si lo.....!!!

Zawlnei Jeremia ang deuhin, 'Nimahsela, hei hi ka han hre chhuak leh ta a, chuvangin beiseina ka nei ta..' te han ti hluai ila... 'Pathian, awm lo ata min siamtu leh min thlangtu hian keimah ka inhriat aia chiangin min hria a, a duhna leh kohna hmun apianga ka kal hian ka mamawh tawk ang zelin Ama finna leh remhriatna hmangte-in min thuam thin a lo ni.' tih hi.

What can I say to cheer a world of sorrow?
How bring back hope where men have sorely failed?
Just where I am i'll speak the word of comfort,
Tell how for me Christ's sacrifice availed

Just where He needs me, my Lord has placed me
Just where he needs me, there would I be
And since he found me, by love he's bound me
To serve him joyfully

7 comments:

  1. Ni e talen leh lenloh chu midang talen enphot loh chuan hriat har khop mai,tak tak ana,nia talent hi mivantlang tamzawk tan chuan mahni talent hi hriat har ve khop mai,engber hi nge kei poh hi ka inhre bik hleinem mi hian min lo hriat sak zawk fo a sin,mahse Pathian rawngbawlna kawng ah hi chuan thlen chin a tanga hma kan sawn hian Talent chu kan ti pung a nive zel mai lawmni chu ka ti ngawta,engtin ngaive che maw?

    ReplyDelete
  2. misual.com te i rawn tlawh thrin bawka, i thil ziah thra deuh deuh ho hi side bar a "Zo blogger latest update section" ah hian ka lo tar lang ve aw? i phalloh chuan mi rawn hrilh mai dawn nia, ka lo la thla leh nghal ang. Thanx.

    - Kima (Sandman)

    Ps. Chuan i hman chuan Mizo Blog Directory ah rawn in register ve la? :)

    ReplyDelete
  3. @Chungsiara - I tidik alawm.

    @Kima - Phal teh reng e, mahse a zahthlak deuh roh ka ti.

    Ka rawn register e, dik tak maw, felhlel a awm leh i lo siam rem mai a niang chu. Thank you

    ReplyDelete
  4. I talent chu maw, mi reng reng chhandan tawk i thiam nghal zung zung hi a ni mai lawm ni? hahaha

    ReplyDelete
  5. Fela sawi bak sawi belh tur ka nei lo kei chu.
    Ka ngawi e.

    ReplyDelete
  6. Lalpa tan a Do pui-in Mozambique i thleng thei ringawt pawh hian, Talent hmantlak , talent tha tak chu i nei ani phawt mai! :-)

    Lalpan i rawngbawlna malsawm zel rawh se.

    ReplyDelete
  7. @Fela - Chutia mi

    @Zaia - I tawngkam khat chauh pawh kan tan damna a nih laia i ngawi daih zel mai hi chu..h

    @Sekibuhchhuak - Ka lawm e, nang pawh malsawmin awm ang che.

    ReplyDelete

Followers