Thursday, November 20, 2008

Hlau suh

Mi-te hian engtinnge maw khawl lian pui pui hi chabi tereuhte hian an control bik le?

1st Step : Driving seat-ah ka’n thu ang el awl a, chutah seatbelt ka hreng a, seat ka’n pawt hnai hrawk bawk a. Switch kan on a, nung ve ta vut vut mai, accelerator ka’n rap chiah chu hmalamah hian BUR ni nghal mai. Het.. shala ngatinge ni ta mai, ka’n en chiang chu back tum na na na 1st gear-ah ka lo dah vung niin. Gear chu ka’n thlak leh te te a, garage atang chuan hnung lamah zawi muangin ka tawlh chhuak thei ve ta a.. Number plate erawh a khi ta thung a ni.

2nd : Ka tlan chhuak ve ta ngei, Driving School-ah chuan khawpui chhungah kan khalh a, Traffic light fel tak kara khalh chuan hlauh tur a lo awm lem lo a, in atanga ka inkhalh chhuak chu motor dang tam tak karah mipui nasa tak nen, traffic light awm lohna hmun atangin ka inkhalh chhuak bawk nen, ngaihtuah tur apui a tam ta lutuk, hnung lama mit nei ang kara awm a ngaih laiin hmalam en a ngai, sir lam nen, steering ven ngai bawk si, speed a dik em tih ngaihtuah ngai bawk, ka veng seng lo a ni ber mai a, chutah le, hlauh ang ngeiin ka hma-ah chuan mi pakhat coconut nawr hi a lo awm, a sira hel mai tur ka nih laiin amah tak chu ka pan ta chher chher mai a, ka bula thu Beira chuan “Captain kual rawh, kual rawh,” a ti lawm lawm na-a hmalam chu ngai patin ka pan a, atawpah tihngaihna ka hre tawh lo, kan break thut mai chu kan bu dawrh mai.

3rd : Tluang tak chuan kan tum ram kan thleng a, haw lam chu kawng ngai-ah kal lo-in motor tam lohna lam deuh tur min zawnpui a, kan tlan ve ta par par a, chutah le, helai-ah hian kual tawh rawh min ti thut a, kan kual mai chu ka dawk zawk mai a, slowly, slowly an ti chul mai a, ka tihzawih tumna lamah clutch tel lo-in ka’n break leh tuar pek a, kan insawi nghar nghar mai.

Hetiang hi a ni motor khalh chu, thil tam tak ka zir tawhte zingah passed har ka tih ber mai a ni. A chang chuan a uih zawn ang vut vutin ka tlan a, a chang leh Zawhte kawchhungna an sawi ang maiin ka zuai leh si. He thil teh hrep hi mite chuan Phone-a mi be mawlh mawlh chungin an khalh thei a, ti ti chungte’n kut khingkhatin an khalh a, kei ve lem tawng chu sawi loh, ka sangmar tlat mai thin a, engtinchuan ti bik ni maw??

Mario chuan Driving seat-a I awm tawh chuan I motor chauh ngaihtuah la, I kutah kan innghat a, hlau miah lo la, insangmar tun lo-in inthlahdul la, hla deuh en la, a ti, dan ni si lo zawm tur apui a va tam tak em. He khawl ropui tak hi ka kutah a awm a, ka thunun dan danin a awm mai a nih chuan keimah chu a mawhphurtu ka ni ta daih mai a, thu ka pek ang apianga awm tur a lo ni si a, Motor khalh chu chabi tereuhte-a bul tan leh steering control amaw ka tih laiin ka thluak lam daih hi a lo pawimawh a nih hi tih ka ngaihtuah ta a, Enge mawle, mihringte thunun tura siam na na na chu tih theih hun a la awm ve chek ang tih chu ka inhnemna dawrawm tak a ni mai e. Pathian-in Josua hnena Hlau suh a tih ang tho kha Motor khalhna atan pawha ka mamawh chu a lo ni fan a nih hi.

9 comments:

  1. Vondarphul!! Vondarphul!!

    I lo haw hunah, eng emaw chu i ti dawn chiang a nia aw... ka sawi pung nasa dawn a nia

    ReplyDelete
  2. Lungngai suh, khawih tama thiam a ni ngai e. I la thiam em em ang. Mahse i zirlai leh i thiam hnuah pawh FIMKHUR (hlau ni loin) reng ang che.

    ReplyDelete
  3. I thiam khawp zawk alawm, i khalhah kan la chuan ngei dawn hi le. Kei chu canteen kual awm lai khan tuk khat ka khalh chhuak ve, Driverin ko i su dawn cut rawh a ti a, kan cut chu thenawmte varandhaah ka lawn chho; kan back leh chu liamlianah a khampheiin ka ding hmiah. Traffic tizam chiang lutuk, Driver lah min puih zai rel lo, min lo nuih khiah khiah ringawt

    ReplyDelete
  4. Motor khalh chungchangah chuan thianpa Zamlova pawhin sawi tur a nei ve ang. Keipawh, ka thiam chian hmain Luangmualah ka zuk kal a. Haw lam chu Pu Zoram Sangliana kawtah khuan electric hrui a lo tla hnawk a, mite pawh an ding a, ka ding ve mai a. Ka han kal leh tur chu, chho a ni si a, ka kal thei ta reng reng lo mai a, a phit dut a, a thi zel mai a, a tawpa tawpah ka tlan chhuak thei ta hram. Zan ni mahse thaw a sa phat mai.

    ReplyDelete
  5. Dini nge nge, 'Mr.' tih pawh i phu alawm mawle i lo paa rep rep em mai...kum hnih dang i awm leh chuan 'Sir' an ti hial mai thei che asin...
    Comment in rawn chhan dante hi ka va la thiam love, pls help...

    ReplyDelete
  6. @Zaia - lo tawng tam vak suh aw, Partei bak kha lo hrilh suh hehee.. ka lo haw hunah kan sah huk ang....

    @Thiama - Nia, FIMKHUR hi a ngai a nih hi, thiambel hma erawh chuan a fimkhur tak tak theih lem hlei lo

    @ Kiamlova @Puii & Fela - That nasat chu, keimah ang maia che chhe ve nawk nawkte in lo awm tih han hriat hian min ti thlamuang sawng sawng.. He khawvel-ah hian ka mal bik lo e :)

    LeaszRalte - Mi dang blog i comment ang ve tho khan...

    ReplyDelete
  7. Driving lam hi chu mi khalh a chuan ka thiam zawk! Bakah hna nei lo an tam em mai mi eizawnna kawng lo tihpin hi tha ka ti lo. Chem lova lu la a ka inchan tlat!!! Experience pakhat chauh-Laipuitlangah kan inkhawm a, kal lam chuan ka khalh thleng ve mai a, kan haw thla, dawrpui Presbyterian biakin bul traffic point kan thleng chho dawn chiah.Gypsy thar var kha a lawn zo ta lo tlat mai a. Hnung lamah horn a rawn ri thrat 2 thin a... A va chak lo em a thar hle si a ka ti nung nung a. 4th gear ah ka lo dah ni lekin ka speed a sang si lo a chho pawh ni lo kha kan tlan chhuak thei lo a nih kha. A dang chu sawi rih lo mai ang.

    ReplyDelete
  8. Back zel back zel.... lem a ke veilam khai rawh lem ti tur handimen(handleman) han nei la chu hmuhnawm ngawt ang a!! Lolzzz

    ReplyDelete
  9. Hlauh Suh :) Han ti tang tang la traffic te pawh ngaihah neih ve thuai mai ang. All the best !

    ReplyDelete

Followers