Thursday, October 30, 2008

Mi dang ve thung

Hman deuh a ka U Mamawii chet chhiatna ka'n sawi mai mai te'ng, post tur ka haihchham deuh tlat mai....

Revenue Dept. (Directorate)-a a Cashier laiin vawi khat chu an hotupa (Director) khan, "Tukin chu ka flush a chhe tlat mai, siamtir a ngai a ni," tiin a rawn report ve bawk a, (Toilet flush a nia.)

Ka U chuan tuilum dahna Flask amaw a lo ti pek a.. "I thlauh em ni a, a chhung a keh em?" tiin a lo zawt a,

An pu chuan, "Han thlauh mai mai chi pawh a ni em ni, a chhung keh leh keh loh pawh ka hre lo, a siamthiamte en tir a ngai ang, vaiho kan ko mai dawn em maw ni.." a ti a

Ani chuan, "Vai koh a ngai lo ang, ka lo en chhin ang e, a thlakna chu bazarah pawh an zuar mai ang, keini pawh kan thlak mai thin alawm.." lo ti awlsam leh et a, Flask chhunga a silver colour mum til tel hi amaw a la ti reng.. a dik tak chuan chutiang flask tha lo mai maia patling buai chu ho a ti rilru hle..

An pu chuan ring vak lo chungin a room-ah a hruai ta a, toilet-ah a'n luhpui chiah chu... a nui nasa mai mai..

"Flask (ssk) ka ti hleinem flush (ssh) ka tia lawm," a ti, ka u chuan engmah a sawizawm thei tawh lo. An nui vek, an pu nen chuan an innel phah ta phian a...

6 comments:

  1. Ni e, saptawng words tam tak hi kan tawng ang mai hian kan hmang tawh a, hriatsual hi chu awl ve deuh ani.

    Keipawh nikum Aizawl ka hawn khan, Demand Chanel khi ka hre sual mai mai khawp tawh bawk a.

    Khitianga a chhetchhiat deuh rap rap-na lamah hian innel phah daih hi awl tak bawk ani.

    Nice blog!

    ReplyDelete
  2. I u chu ka hmu ve chak hle mai,chuan a zak chuang miah lo mi a zah thu i sawi lang miah silo a,an pu pawh chu a sawi tawi thiam ve eem bawk a nih chu aa,nang phei chu nila enpui hma hma che in naktuk ah ka rawn ken ang che i ti leh zung zung pek awm sia

    ReplyDelete
  3. @Sekibuhchhuak - I lo leng a, lawmawm e, lolut fo rawh. Ka link nghal che.

    Nia, chet chhiat hian sawi tur a ti tam ve a, tha deuh asin..

    @Huapa - i lo comment ve thei tawh maw... a har lem lo ti raw...?

    Ka U chu a hunlai chuan zak ve tho e, zah lam ai mah khan a nuihzatthlakna kha a percentage a sang zawks.

    Kei ni ila a thlakna tur ka lei hman dim diam ang chuuuu :)

    @Zaia - :((

    ReplyDelete
  4. hahahahaha!!!! hei teh zet chu :) a awm ve tho ka ti, "english words" kan lam dan hi kan fimkhur vak thin lova, bakah achangchuan lam dik hi kan harsata, kan lei a in angloh vang hian. Sap ho pawn mizo thil sawi tum se, an ngaihpawl ve hnem viau thovang :)

    ReplyDelete
  5. Rama thianpa thil hmu sual khasin pui maimai. A daikalnaah thil a hmu sual a, hlau phelelngin a rawn tlan hawng. Enge enge tia an lo zawh chuan- "Khulaiah khuan Sakeibaknei emaw ni, Rulngan emaw ni, Ram arpa emaw ni, Arafanghma a thial pawng pawng mai" zuk ti daih a. A hmusual nasa asin. Mawitei pawh a thiamawm ve tho e.

    ReplyDelete

Followers