Thursday, May 5, 2011

A Aw B Hla.

Naupan laia A Aw B kan zir dan hi a awlsam ang reng ngawt mai, kan sa zet zet a, thiam a awl bik riau. Nakinah thangthar ten an lo hriat ve nan leh kei ngei pawhin ka theihnghilh loh nan helaiah hian ka'n dahtha ang e.

Sikul ka luh tirhin, mikhual ang ka ni a
Ka pawl min siamsakin, ka hming an han ziak a
Mak ti awm tak maiin A ka han ti phawt a
Lungleng awm tak maiin Aw ka han ti a

B ka han sa ta a, chhawn tur van vei vei nen
Ka kawibawm min ti ngai, kan tualzawl nuam tak nen
Ban hma loh phei hi chuan Ch ka lam ka lam thin
Ei tak tak si lovin D hmun ka thleng thin.

Phul emaw ka lo ti, E a ni awzawng lo
F ka lam phei hi chuan a lo awzia ta zawk
G ka lam phei hi chuan vai rim a nam rum rum
Aieng awm si lovin Ng ka tih tak chu.

Hahchhiau chhuak awm takin H ka han ti a
Zungchala kawk zelin I ka han ti chiam a
Mal rawl teuh ang maiin J ka ti thel thawl mai
K a kal si loin thui tak tak ka kal.

Lo zir hmasa te hi L ngawt ka tum ta a
Lum ti awm tak maiin M ka ti em awm mai
N lovin ka zir thin dangnal hnu-ah phei chuan
O ka ti o o thin vawn ka tum vangin

P kianga ka awmin ka Pu pawh ka hre thin
R ka lam erawh chuan kan sumhmun ka hre thin
S ka lam erawh chuan ka saisik seih seih thin
T ka lo thleng ta a, ka ti ti ta thin.

Vai ral kian hnu pawhin T ka ti leh dek thin
U kianga ka awmin ka lo uang em em a
Khuai lamte pawh zirin V ka ti veng veng thin
Z ka lo thleng ta a, ka chhiar zet zet mai.

I kir leh ang u, vangkhua-ah
Nu leh pa unau thenrualte lawma'n

15 comments:

  1. Hei chu ka duh e! Ka thiam der hlei nem. Ka lo hlang thla ve hmak ang e aw hotunu :) Thanks for sharing

    ReplyDelete
  2. Hmannnn ah, kan naupan laiin, recitations ah ka saiw ve pang pang tawh :-)

    ReplyDelete
  3. Youtube a A, AW, B recite lai te hi ka duh reuh lutuk a, ka en nawn fo mai. I ziah nen hian 98% vel chu a in ang. Fa i neih hunah zirtir ve ngai ang che aw!

    http://www.youtube.com/watch?v=ErX8C4M2xRo

    -i pi bmw

    ReplyDelete
  4. Khai aw.. kei aia naupang emaw ka tih te hian hetianga hla nalh!!! leh hla ril!!! hi kei aia an hriat tam tlat bik le..!?

    Hla hi i hre tha thei riau mai..

    ReplyDelete
  5. faka - lo hlangthla ve rawh khai, a thluk i thiam em? :D

    sekibuhchhuak - haha, i hriat dan leh ka hriat dan hi a in mil em aw...?

    bmw - i va haichhuak tha ping peng ve.. Kei pawh kan sak peng peng thin lai chuan henu ang rual vel lek hi kan la niang chu mawle.. khua rei a ni ta *hihi*

    eL - tha khawp asin :D Thank you.

    b-buata - nang ai hian ka lo naupang lo tawp a nih dawn hi :D Tunlai chu upat kan inchuh fo mai a, kan naupang tha leh tawh zawk a nih dawn hi hahaha

    ReplyDelete
  6. a aw b hla mizoram sikul hrang2 recitaiton intihsiaknan an hmang tawh

    kan a aw zirlai chuan aw awmpawng tih te a ni

    ReplyDelete
  7. Va tha reuh e, keipawh kan hawn ve keuh teh ang, ka fate zirtir ve atan

    ReplyDelete
  8. A thluk ka thiam... 'mai' tih i hmannaah khian kan hmang ngai lo, 'a' vekin kan hmang. Tlar hnihna zelah hian kan thluk deuh thin a nih kha. A sak pawh a nuam ngang mai. A AW B thiam lo sak tura siam a ni bawk a, a thluk pawh a mawl bawk. Ka fate hi chuan an la sa thiam lo, ka lo la zirtir miah hlei nem1 :)

    Ka duh lai ber thin chu - Lum ti awm tak maiin, ka ti em awm a...- tih lai hi.. :D

    ReplyDelete
  9. Het, ka keyboard hian M-pui hi a support na nge? lolzz

    ReplyDelete
  10. Thil i hriat rei theih hi mawle! Kan college kallai in tum khat chu Silchar atang Gauhati thleng bus ah kan dinga, kan thianpa hian thil hrang hrang a sawi tluan parh maia, A AW hla te, Pipu suih hla te, Arpui sente te a la sawi thei vek. Zin chhung pawh a rei lo sawt.

    ReplyDelete
  11. Lehkhabu hlui tha deuh i kawl ru a ni reuh ang ka ti! Tuma la hmuh ngai loh, thu tin fun kim deuh... mi lo rawlruk ve teh...A tha thin e.

    ReplyDelete
  12. hmingtea - i hre hlui ve tho mai maw? hei hi enge ni? Awmpawng a ni, Fawngah a awm, Dawrawnah dah rawh. tih velte pawh i zir dawn ni maw..

    triplestar - nia, lo zirtir ngei teh, sak a nuam ania.

    Zaia - nang chuan i thiam leh ngei ang chu. I fate chu sakpui ve o o rawh..

    daniel - hetianga sawi thiam riau hi an awm asin, kei chu sawi lamah chuan ka pachhe tlat :D

    ZL - Salamat.. :D a chang chuan in lama ka lehkhabu bawm ka ngai vawng vawng thin asin!

    ReplyDelete
  13. Please lеt me know іf уou're looking for a article writer for your weblog. You have some really great articles and I think I would be a good asset. If you ever want to take some of the load off, I'd reаlly like to wгite some articles for уοur blog іn
    еxchange for a link bacκ tо mіnе.
    Please blаst mе an emaіl if іnterеsted.
    Thаnκ you!

    My ρage - Same Day Payday Loans

    ReplyDelete

Followers