Tuesday, February 2, 2010

Tuh Rah Seng

Ka nu hian naupangte ka nih atangin a fehna-a hruai min a ching a, hna hrâm erawh min thawhtir ngai lem lo, thlâm thlen veleh hna hmasa-ah Maian a sik bawrh bawrh a, thlawhlai a han fang a, thlai rah no te te khawmin a rawn dah a, keiin chhun chaw tur ka lo buatsaih a, thlamah ka lo awm mai thin.

Kum 11 vel ka ni ta’ng, tum khat chu thlai chi lo thlak ta che min ti a, Mai chi leh Vaimin chi saranga fun chu tuthlawh nen ka paipawn chhuak a, vau hrul den denah khan maimu 4/5 vel zelin I thlak ang a, vaimim hi chu khilai bialah khian i tuh dawn nia min ti a, ka han bei ve ta alawm.. Mai chi chu a phek bawk a, a kâm mawh khawp mai, Vaimim chi pawh theh thang zawh a ngai si, chhun chaw fak hun dawnah pawh ka la zo thei lo a, ka ning tawh lutuk, bi khatah chuan a thenah 10-te ka thlak ta chuai chuai mai a, vau chu ka hrut chhuak ta a, vaimim pawh bi inhnaih chet chawtah bi khatah ka thlak teuh teuh a, ka zo ta a, ka mai chi pawh a zo tep mai.

Ka thlai chi thlak tiah a hun chuan kei chu ka feh tawh lo, School ka kal avangin. Ka Nu feh lo haw chuan I Mai chi tuh pawh a tiak tha ngei mai, bi a khat tut mai alawm a ti, ka tuh lai khan fang 10-te ka thlak tih sawi lo mah ila, a rawn to a, a hre ta tho tho chu a ni. Ka nu hi chu bum a har teh mai ania..

Hetiang hi a ni, hringnun kan zin kawngah pawh hian mitin hian a rah kan seng tur chi pawimawh kan tuh theuh a, a rah sengtu tur chu keimahni theuh tho kan ni e. Kan chi tuh a lo to huna kan hmu angin thima thiltih kha engah a lang chhuak lo thei lo, chuvangin chi tha i tuh ang u. Galatia 6:7 “Miin a theh apiang chumi vek chu a seng bawk dawn si a…” - Ngaihtuah zui peihte tan...

18 comments:

  1. Nia ti raw kan chi tuh rah hi chu kan seng ngei dawn zwng a nia le.He khawvel dam chhung hian seng lo poh ni ta i lang khawvel lo la awm leh tur ah tal chuan kan seng dawng ngei mai si a le.

    ReplyDelete
  2. A dik ngawt mai. Hlo thlo peih lo na na nain buh phur za thar ngawt theih a ni lo va, zir tha peih lo na na na distinction-a pass ngawt theih a ni lo. 'Pathian malsawmna' kan tih lai hian Pathian hian thuthluang ringawt hi mal a sawm pup pup lo vang tih a chiang. 'God helps those who help themselves...' an ti em ni kha?

    ReplyDelete
  3. "Maimu sehkeh rap
    Maichang mu sehkeh rap
    "
    Kan maian chin a taik har ta ngei mai !! Mahni thawhrim rah pawh kan seng ve tho alawm :)

    ReplyDelete
  4. Kan training lai pawhin kan hotuten buh min tuhtir a, thianteho tuh chu tuikuk nghawng tiat tiatin a to mai asin.

    ReplyDelete
  5. Naupan lai, hmanhmawh leh zawh thuai thuai chak hun laia thlai chi thlak thin kha chu, a to bit thei ngawt mai. Maian, Behlawi leh Vaimim han tuh a, a rawn to siar siar thin hmuhnawm thin zia kha aw!! Kei, Behliang te hi tui ka ti a, Lovah pawh vau nekah, Bathleng te nen kan tlar thin a nih kha.. Mahni In bulah pawh chuktuah huan kan siam thei rih lova, rilru chuan a chak thin.

    ReplyDelete
  6. @hmingtea - nia, tuh loh na na na chu seng thu awm hek suh...

    @faka - nia, mi taima bawk hi an vannei leh thin niin ka hria kei pawh...

    @chhangte_ll - seng ve tho e, Thawhrim chu chawlhna nuam a ni te pawh an tih bawk kha..

    @Fela - hahaha.. Tuikuk nghawng chu a lian nge a te...? Buh hi chu ka la tuh chiah lo, ka seng ve tawh..

    @Zaia - Mahni thlai chi thlak ngei a rawn to hi chu a hmuhnawm dan a dang khawp mai, helai chu thlai ka ti vel peih lo, pangpar ka ching chhin a, eng ang tak maw le..???

    ReplyDelete
  7. Buh to tha tak, hung lian hliai hluaia to hi 'tuikuk nghawng tiat tiatin a to' an tih chu a ni.

    ReplyDelete
  8. 2Capt kKolasib ah in awm tawh trhin maw khawi lai ah nge in awm trhin eng tik kum ah nge .
    buhtuh hi nuam ka ti ve trhin trhianzaho in lo chu khawvelawm tirh atrang in kan la nei ve ngai lo.
    buh trhianza in kan tuh a tlailam ah thlam a chaw leh sa leh tlangval lom nen ahnu kan han khar leh te hi nuam ve tak asin.

    ReplyDelete
  9. Post tha leh ngei mai. Thil zz hi i hria a nih hi mawle. Mai chi a phek avangin a kam har tih te leh zel i lo chhut thlip thlep a. I nu hi, ka nu ang mai, nu taima a nih hmel ka ti. Tin, nang pawh hi rin aiin i lo hram (tough) a nih hi mawle!

    ReplyDelete
  10. @Fela - alo nih tak chu, Tuikuk nghawng tiat chu thil lian lam sawina a ni maw? Beng i ti var leh ta sawt mai..

    @hmingtea - Kolasib chu awm thin e, ka murna alawm hehehe... thianzaho-a thil tih hi chu a nuam dangdai ve hrim hrim alawm ti raw..

    @Thiama - khai, mai mai a che, i hriat zat ve pawh kan hre nang le.. chuan i langtlang mail ka dawng ve miah lo ania, i address check teh.

    Ka Nu hi chu Pa Rothap zet mai mawle.. haha kei pawh hi ka hram hreih hrawih ania, thingtlangah kan awm nasa alawm..

    ReplyDelete
  11. Tuhrah seng hi Buddhist ho pawh hian an pawm zawng tak a ni. Keini ringtu tan phei chuan chanchin tha nena inmawi hi kan tuh tur leh seng tur a ni te hi a ropui mange.

    ReplyDelete
  12. Ka ziah hual subject mi ziah khalh a ni maw?

    A pawi lo ve. Huan leh leipui hmun tur ram hi ka pan a lei ve nual a. Kan chenna in atanga minute 15 vel lek drive-ah—tum khat chu—inhlawhfate ruaiin kumtluanin huan kan siam ve ta tak tak mai a. Antam chi ka theh ve a, suat hrehawm tham khawpin a into thuah em lo deuh chauh! Nuihzatthlak bawn tawp!

    Vaimim pi-ha-beuh, a kawm tawi fere deuh deuh kan thar ve rim rem a. Buh tin khat kan tuh a, kan thlawh fai ngun ve teh reng nen, a kung leh a vui pawh a hrawl ve fua kan hriat laiin thlipuiin a chhem thlu dual a ... thap fai em em lohvin a si nen buh tin khat hram hram kan thar. Ka sim hmak! Senso sum leh tha khan ei sen loh kan lei thei ngeiin ka ring ta a ni.

    "Tuh rah seng" hi thawh rim viau pawha hlawk loh tum a awm ve thei! Tin, sa pel mite hian buh an thar hlawk ngai vak lo tlangpui bawk. Kan vau-a mai-an zozai chu kan sik ve nasa hle; tin, kan phalna la lem lova ngampa ngam ve tak tak, kan feh loh nia tuan zar zarte nen "sem sem dam dam, ei bil thi thi," kan ti ta ni ber khan a lang.

    I ziak a ngaihnawm em azarah ka'n belhchhah ve pah hlak a ni e!

    Yours faithfully,

    ReplyDelete
  13. @Puibawiha - ni e ti raw. i va reh rei ve hotupa..

    @chawnghilh - eh, i ziah hual tih ka hre lo a. nia i sawi ang hian vanduai kum hi Lo neitute ah chuan a awm thei khawp ang, khaw chungah thu kan nei lo nasa mai si a.. tha sen leh thar chhuah hi a in tu-ha lo fo thin ang. keini thuziak ning nel takte i han thalthuam a, a lawmawm e.

    ReplyDelete
  14. a lunglen thlak hle mai...ho te in itran a, tha deuh ah a chhuak leh sia.....

    ReplyDelete
  15. capt.a ni khawp asin..thlai chi theh/tuh lam sawi tak ah chuan hman ni chu huan ah kan kal a, chengkek zung puak hi phun atan ka it ta tlat mai a, 3 ka pawt a 2 chu ala nung ve asin...phuihnam zung puak te nen ka phun rual a..a phun chu ala hun lo an ti na in a nun theih ka ring tlat a tui pek peih chuan..!!

    ReplyDelete
  16. @Anon - chutia mi, a chhuak tha ngut amaw?

    @dula - i phun nung chek ang chu maw.. phuihnam zung puak chu phun tur ka va duh ve ve... ka rawn haw-ah ka la rawn la ang.. haha

    @Alej - Mahni tana chakai khawrh an tih kha, seng kep a theih dawn em ni? :P

    ReplyDelete

Followers