Friday, February 12, 2010

Thil pek


Mi tu emaw tal thil i pe tawh em? A dawngtu i ni thin nge, a petu i ni thin, thilpek hian hlimna a thlen thin che em?

Thilpek ka dawn ka hriat theih hmasak ber chu kum 5 ka nih-a Pi Khumin (Pu Remlalnghaka nupui, Venghnuai) kawr thuisa min pek kha a ni ta awm e, Levenday puan, a sen, a vara spot hi a ni a, hak a nuam a, sukfai a nuam a, a ro hma si, ka ngaina-in ka ha rim khawp nghe nghe. Zanah kan DC te (khatih laia Major Thanngura) nupa an lokal a, sweet tam tawk an rawn keng a, Happy Birthday to You tih an rawn sa a, ka la hre reng thin, ka zak khawp mai a, mahse ka lawm ngei mai.

Kan thuamhnaw hak hlui leh kan thansan, la tha si te hi ka nu hian a dah khawm thin a, thingtlang lamah a sem ve leh chhawng thin, nei le lu lo mah ila kan neih ang ang chu kan sem chhuak nasa ve khawp thin mai. Mi thil kan pek hian anmahni an hlim ai mahin keimahni lamah pawh hian lawmna nasa tak min siam ve thin tlat zu nia.

Hei, tunhnai maiah London atangin thilpek hlu tak tak ka dawng teuh mai a, ka dawn ni phei chuan hahni dai dukin ka khi reng mai a, "a ka pawh zen ila min seh lo ang" an tih ang chi kha ni berin ka inhria, kei ang tluk bawkin min thawn tute pawh an lawm ka ring. Commr Hlimpuii'n Lehkhabu, CD, Thlai rep, card leh epaulette min rawn thawn a, Major Sangpuiin kawr, ka hak tawk chiah min rawn thawn bawk, a man chhut ta ila a tam ngawt ang, mahse an mi duhsakna leh hmangaihna vangin a thlawn liau liau-in min rawn thawn miau si.

He ka thilpek dawn hian kan Lal Isua, Pathianin a fapa neih chhun kan tana min pek hlut zia min hriat thartir uai uai mai nia. Hmangaih vang a ni si a.

24 comments:

  1. Kapa hian thil a nei reng 2 te hi mi pek hi a ching em 2 mai a neih tak 2 phei chu a nei lem lo.Thlai a kawmthlang huan a mi te hi trhenawm te hi pek a ching khawp mai tin kan nu pawh hi.mithil pek ching ve tak chu ani .Helam ah kan awmhnu pawh hian thil pek hi kan ching ve khawp mai .Chumai ni lovin thil pek dawng ve thei tak pawh kan ni bawk.
    Pe rawh u ti chuan pek in in awm ang tih hi a dik ka ti khawp mai .Pek dawngtu nih bawk a petu nih bawk hi trha in ka hria hahahah

    ReplyDelete
  2. 'Lawmte chu lawmpui ula tapte chu tahpui rawh u' tih ang khan Dini kan lawmpui tak zet a che. I khawharte a lo hnem beisei ila. I thawhna ram miten i thianten an ngaihsakzia che an hriat khan i influence-ah pawh awmzia a neih ka ring e. A petu che pawhin an titha ka ti hle mai, a dawngtu leh a petute Lalpan malsawm rawh se.

    ReplyDelete
  3. Chikankata tawng ler (slang) ka han hmang zawk ang e: 'Top Up' i dawng nasa hle mai. Ka lawmpui a che. Hetianga i lawmthu sawina i post hi thilpek petu che tan pawh 'Top Up' hlu tak a ni ngei ang.

    ReplyDelete
  4. Tun kar chu thil pekin bul i tan a, a ngaihthatthlak hle mai. A chhan chu eng vang pawh ni se, thil petu nih leh thil pek nih hi a lawmawm ve ve. A petu kan ni thei zawk a nih phei chuan a lawmawm lehzualin ka hria.

    Thil kan va pekte hi chu kan mi huatte an ni lo tlangpuiin ka hria, hmangaih vang ni kher lo mah se.

    ReplyDelete
  5. Count your blessings name then one by one.

    ReplyDelete
  6. Pi Hlimpuii te chu an ngaihawm khawp mai.

    ReplyDelete
  7. Thil petu zawkah ka tang tlem khawp mai. Chutih laiin mi thil dil hrehawm ka tih ber pawl a ni lawi si.

    ReplyDelete
  8. Kolasib kan pa RV a khian "Mizo bai hmehpui tura chaweia kan sawm ngam te hi chu kan ngainat tak tak te an ni" ati. Thilpek hi a thilpek hlutna aiin a petu rilru leh pek chhan kha a pawimawh zawk mai em aw!!!

    Lawm taka dawn nachang hria hi an vannei. Ka nau mi vannei zingah ka chhiar tel a che.

    ReplyDelete
  9. This comment has been removed by the author.

    ReplyDelete
  10. Nang nge nge i bei dak thei khawp mai... i blog-a komen pawh ka inthlahrung deuh thrin. Amah hretu ni ngawt lo Ama hriat an tih ang chi hi i ni... i rilin i ropui tlat... i rawngbawl zelna turah a titheituin awmpui zel che teh se

    ReplyDelete
  11. ka dawng ngun lutuk zawk. Ka pe chhuak khat hle in ka hria. A petu a tan tam zawk tum ve ngei tur a nih hi.

    ReplyDelete
  12. Mi thilpek avanga tuna ka rawngbawlna pawh hi chhunzawm thei ka ni. A petu nih anawmna hi hmuchhuak zel thei ila ka inti thin.

    ReplyDelete
  13. 50:50 ani mai e, mahse dawn hi nuam ka tizawk :D

    ReplyDelete
  14. "Levenday puan a var a spot"........ lung i va ti leng ve?

    Midang thil tihsak thei, pe thei dinhmun a ka awm hi ka lawm... :-) Dawngtu nih pawh a nuam... Petu nih pawh a ropui..

    ReplyDelete
  15. Aaa thai kawi vel hi...i hnehsawh zawng tak niin ka hria...ziak tha hle mai.

    ReplyDelete
  16. @hmingtea - petu nih hi a tha a, dawngtu nih hi a nuam bawk alawm ti raw..

    @ARMY - Tu ber nge i nih..hehehe.. Nia, tapte tahpui mai chu a awl a, lawmte lawmpui hi a harsa leh thin a ni. Nia,i sawi ang hian midangte'n min hriain min ngaihsak ani tih helai amiten an hriat hi a lawmawmna pakhat a ni ngei mai!!

    @Thiama - haha, top up tih chu i phuah fuh khawp mai, mihringte hi in TOP UP tawn reng tur kan lo ni e ti rawh maw..???

    @Zaia - i ti dik khawp mai, thilthlawnpek hi kan mi huat takte chu kan pe mawh khawp ania..

    @slowtrain2aizawl - what a strange name you have lolzzz!!! yeah i counted and its countless...

    @Dave - i lo ngai ve maw? Kan rama an lo haw hunah kan leng tlut tlut dawn nia :-)

    @Fela - chu chiah, mahni tan ngata mi thil dil hi a hrehawm duh ngawt asin, midang dilsak hi chu a harsa lem lo na-a.. chutih laiin midangte thilpek hi a awlsam lem lo bawk.

    @ZL - tunlai chu i va reh em!!! Hotunu a dam zel em? London atangin mikhual kan nei dawn a ni tih ka hrilh a, "Enge kan rawn thawn ang che" an ti nghal tawp mai mawle.. Kawng engkimah hian Vannei hi ka inti ngawt tak tak asin..Lalpa malsawmna ka dawn zozai hi chhiar sen rual a ni lo e...

    @dolién - i van ti lawmawm em.. nangpawh Lalpan malsawm che rawh se. Ka blog comment te i inthlahrun mai le, i ti zahthlak zawk e a.. lo comment ziah rawh khai, ka lawm thu alawm.

    @Joseph_L - I dawn ngun zawk pawhin lawmna i tawng ngun dawn tihna a nih mai chu, a tha tho alawm le..

    @Sekibuhchhuak - A dik khawp mai, mi inpe te thilpek avangin Ringlo mite zingah mi tam takin rawng an bawl mek a, hei hi thilpek azawnga thilpek ropui ber chu a ni e.. tin, chumi ti hlawhtling a, thawk tura i inpe pawh hi i chhuanawm khawp mai.

    @chhangte_ll - 50:50 chu a awm ve tho mai, nupa-ah phei chuan lolzzzz...

    @Alejendro - hehe, i lung a ti leng ve phak a mi a?

    @zovala - chutia maw'n le, va reh ve...

    ReplyDelete
  17. Capt. Early 90's kha chu ka hre phak nual a sin. Sakawr ang deuh hair-style an chin lai te, samkir an chin lai te kha. Bell-bottom pawh kha ka ti ve hman a sin, a tlang a zawm arh ngei kha chupawh rawng in anglo ngei in. The Bold & The Beautiful, Santa Barbara, Mcguyver, Street Hawk, Knight Rider, Baywatch, Chitrahar tih vel pawh kha kan tuipui ve hman a sin. :-D

    ReplyDelete
  18. A hranpa in thilpek ka dawng khat khawp mai. Ka nu hi mi thil pek nuam ti chi a ni. Kan bungbel thlengin alo sem vek mai thin. Inah ka awm khat ta fu a, ka haw ve zeuh chang hian ka thawnhnaw hi a lo sem zo vek thin. A then manto leh mantlawm a thliar hrang silova..Ui ruk veng veng chang a awm thin. A changchuan thin a ti rim lek lek thin. Mahse, harsa zawk ka pe a lawm a tih miau thin avangin min hmin leh nge nge thin.

    Thil pek ka dawn hlu ber nia ka ngaih thin chu; Ka Pu min tawngtaisakna kha niin ka hria.

    ReplyDelete
  19. heee... ha hni ro that in i nui ni maw... a lawmawm lom ti ro...

    ReplyDelete
  20. @Alejendro - haha, early 90's te chu a. keini 70's ah pawh kan nula ar ar tawh ania.. tch tch

    @EPIS - ni e, thilpek ah chuan tawngtaisak chu a hlu khawp mai.

    takluem - nia, hahni dai dukin kan then reng mai mawle, hei vawiin pawh Lehkhabu ka dawng leh tawh Mizoram atangin..

    ReplyDelete
  21. thil pek i dawng tha hle mai .Lehkhabu ka dawn phei hi chu ka chhiar chhuak ngei ngei thin..capt!

    ReplyDelete
  22. @dula - nia, ka dawng tha khawp mai, kei pawh ka chhiar chhuak dap e. Chuan.. ti nge i nupui neih tur chu min va sawm ve lo ve?

    ReplyDelete
  23. Petu nih hi a nuam a, chumi ang chiah chuan dawngtu nih pawh hi nuam ka ti! (Harsatna/Tanpui ngaihna vanga dawng nilovin) I blog ka chhiar thin, i ngaihsanawm ka ti hle mai. I rawngbawl zelna turah duhsakna ka hlan a che.

    ReplyDelete
  24. JRalte Lawrkhawm - A dik ngawt mai, petu leh dawngtu lawmna hi han teh ngat ila a in chen thial awm asin... ti raw?

    Ka blog i lo chhiar thin a, i mi duhsakna avangin ka lawm e,lo lut ziah rawh..

    ReplyDelete

Followers