Wednesday, January 13, 2010

Um hlum thak ang.

"Sa a tla e," tia au thawm an hriat tawh chuan nula rim laklawh, hlim em em te pawhin Tlangval tlawmngai, huaisen nih duhin sa hnu chhui turin an tlan chhuak a, meichher siamin ram lam an pan nghal thin. Khua a thim a, ruah a sur lek phei chuan tlawmngaih a harsa duh viau ang. Tlangvalte in elna ber chu sa hnu chhuina-a hmasa nihte, sa kap thei leh an Leido te Lu la thei, mi huaisen nih kha a ni thin. Mi huaisen, sa kap thei Pasaltha chuan a sumhmunah Sa lu a tar thluah mai thin.

Khatih hun lai khan eng vangin nge sa kap thei, ral lu la thei, mi huaisen nih kha tlangval ten an chak? A chhan chu mite ngaihsan an nih vang a ni. Lei do nei reng renga khawsa, ral hlau thin an ni a, ral laka chhan thei chu mi huaisen an ni. Lo nei mi an ni a, ram lamah Sa chi hrang hrangin a tibuai fo a, Sakei pawhin mi a sehin an ranvulhte a la fo thin, chung laka an khuate humhim theitu chu mi ngaihsan leh entawn, zah kai an ni. Chuvangin tlangval chuan huaisen, tlawmngai, sa leh ral laka zam ngai lo nih an tum fo.

Tunlai hunah chuan Sa kap thei aiin, humhalhtu nih kan duh tawh zawk a, Mi lu la-tu chu Danbawhchhetu a ni a, khaihlum ve tlak a ni. Pawl hrang hrangin ramsa humhalh kan intihhmuh tawh avangin Tlangval tan tlawmngaihna tih lan nan Sa hnu chhui a ngai tawh lo a, sa kap thei nih lah a ngai tawh na hek lo. Leido nei lo, ralmuanga kan awm tawh avangin mahni mihring puite lu lak a ngai tawh lo. Enge kan buaipui tak le? Kan hriat loh laiin Ruihhlo chi hrang hrangin min rawn luh chilh a, kan tleirawl, tlangval tih tur nei lo te chu a rawn run ta hmiah hmiah mai, lo inveng turin kan in ring si lo, tha kan thlah laklawh tawh si. Chutih rualin thalai, hnathawh mumal nei lo, tei rawlai mai mai an kat nuk mai bawk si, Tualthah, rukruk leh sualna hrang hrang kan hmachhawn leh ta nuk mai.

Raldo nei lo-a awm leh sa huai beih tur neih loh hi a tha lo e tihna a ni lo a, tunlai hunah hian hmabak tam tak thalaite hian kan nei zawk a ni. Kristian-na in min luhchilha Pathian kan lo hriat hnu phei hi chuan kan lo fing var a, lehkhathiam kan lo pung ve zel bawk a -

"Raltiang ram saw thlir teh u,
Hriatna Thiamna Finna ram saw
Leng dang mi chu lal lai par tlanin
Min ngai loten hlimin an leng si" ti-a Pu Rokunga te an au lawm lawmna kha a la rei loh teh lul nen tunah chuan chu Raltiang Ram ngeiah chuan hlim takin Zo fate ngei pawh an leng ve a ni lawm ni?

Hetih lai hian enge kan ngaihsan chu ni le? Eng ti mi nge kan ngaihsan, Zaithiam, eiru thei, mahni hlawh phu lo-a lian in sa thei, thlam nei tha, motor nei nalh, mahni thawh chhuah ni lo two wheeler chhuak thar ber ber nei theite pawh an ni mahna.

Chu ai chuan eng hna pawh thawk sela, mahni thawh chhuah ringa khawsa thei, nu leh pa zah thiam leh mahni hnathawh rinawm taka thawk mi, eiru lo, Kohhran leh Khawtlanga inhmang mi - a kul ataia inhman vek erawh kan beisei thei lo - te hi ngaihsan kan zir a hun. A phawvuaka hlim dur dur aiin chik taka chhut chet chet kan mamawh. Zofate hi taima hnam kan ni kumkhua thin, chumi a chianna em em chu kan nu leh pa-te hi an taima tlat, keini thangtharte hian kan thlawp zo lo zawk. Kut hnathawka, ram lama kawla ni chhuak chhiara liam turin kan inti a ni lo a, mahni thawh tawk kan zawn thiam a pawimawh kan ti a nih chu.

Hetih lai hian mi tam tak chu Finna kailawn rapin an pen chhuak a, thalai zingah mahni inchawm, chhungte pawh pui thei hial tawh an pung ve zel tih he Internet khawvel luhchilh hian a hriat. Vawiin-ah hian kan Zoram hi a chhe tawh, sualna a pung, kan thatchhia ti mai lo hian a siam thatu nih tum ta theuh hlawm ila, nang leh kei kan thawh loh chuan tunge thawk chuang ang le tih rilru pu-in kan hmelma sual doral hneh tur hian kan mihring finna mai a tawk lo, Lalpa tanpuina dil chungin rinawm takin i pen ang u. Kan tanrual chuan kan chak ngei ang, he kan ram zimte, mihring pawh uihum lek hi kan inthurual phawt chuan thil ropui tak kan ti thei ngei ang.

Eng anga sual lian leh chak pawh lo thleng thin mah se, Mizo Ar sual huai ang-in kan doral hi I UM HLUM THAK teh ang u.

Mizo ar sual huai pawh kha, an te teng tawng na-a Vai ar lian pui pui kha an um tlan duai duai thin zu nia....

Kanaan Branch YMA ho hla sak UM HLUM THAK ANG tih hi han ngaithla teh mah.... (ka upload dik em pawh ka hre lo, vawikhat tihna ania..)


video

14 comments:

  1. Ka ngaithla thei lo .Ngaihthlak anuam in ngaihtuah na hman na tur khawp a thu beng lut ani bawk a trha ngian mai Capt.
    Sap kap thei ai ah Income neitrha (side income ,etc)hlawh bak a chelian thei ngaihsan na ah kan intlansiak ta kha ani a ..........
    Raltiang ......Lengdang mi chu....Nia lallai partlan nia kan hriat develop country ah hian chuti mai in par hi a parsa an tlan hauh lo ni maw le.Zoram ah ngei hian a lom lallai par chu an lo tlan le .thawk lo neihloh nei lo nu leh pa thawh chhuah sa nupui nei thei te awmna ram bak a lallai par tlan hi an awm chuang dawn em ni te ka ti hial a sin.
    Ram Ck ah chuan nula tlangval kum 18 chung te hi chu mahni a intodelh vek an ni a hna an thawk vek ti ta ilang kan awi duh hlom mang pon ka rin lo mahse ani tlat sia .Thawh nasat a vang a changkang leh hausa an ni vek si a .Engmah an enghelh ve lo hnathawh tur chiah hi an ngaihtuah ni ber in ka hria zing dar 7 to zan 9 thleng te nitin zu han thawk hlawm a maw le.

    ReplyDelete
  2. I thuziak hrim hrim hi a ngaihnawm thei. Zirtir ril tak a keng tre tru mai bawk si! Zaiho pawh khian nuam an ti dawl dawl hle mai!

    UM HLUM THAK ...a poetic diction ril tak chu ka pawh pha hran lo.

    ReplyDelete
  3. chhiar anuamin i ngaituahna hi ka tawmpui khawp mai che. I ngaituahna pu ang hlir khi kan ram hruaitu a tan ka awt khawp mai.

    ReplyDelete
  4. Um hlum thak i la ni mai lawm! Tak tak a, i ngaihtuah dan hi ka ngaihtuah ve dan a ni fo. Kan culture-a bet tlat thil tha te hi kan chriatianize thiam a tul tak zet. Thian chhan thih ngam, sa leh ral hmaa zam ngai lo hnam nia inchhal te hian sual ral laka mite venghim turin engchen nge kan inhuam, tih hi kan in challenge na tur pawimawh tak chu ni vein ka hre thin.

    ReplyDelete
  5. @CAPT nimin khan in ram football khel ka en an chak lo Faro a ho te an hneh lo

    ReplyDelete
  6. post title leh a chhung thu tur a ka rin dan nen a in millo lutuk a ka nuih a za.

    ReplyDelete
  7. @hmingtea - ni e, mi ram hi chu an thawk nasa khawpin a hriat, keini pawhin kan tum chuan kan ti thei ve reng mawlee...

    @chawnghilh - nang meuhin ngaihnawm i ti chu kan lo hawisang ve deuh ngawt a..!!

    @irene - nia ti raw, he ngaituahna hi chu a common khawp mai, mi pawh an tawmpui hlawm ang, a taka hlen chhuah hi thil awl ai a ni lo thin a ni..

    @faka - chu chiah chu mawle, tunlaia kan dinhmuh hi chu Sa hnu chhuina-a hmasa ngai lo, tlanchhiatna-a hnuhnung ngai lo an tih ang vek hi kan ni maiin ka hre thin..

    @hmingtea - KA THIN A RIN A NIA, kan han chaklo keuh mai chu...

    @thinchhia - hahaha, a title atang chuan engtin tak ring che maw, ka va hre chak ve..

    ReplyDelete
  8. Kan rama thil tha lo leh sual tam tak hi chu um hlum theih an la ni asin. 'Halpuah hal lo ila' tiin sorkarin thupek a chhuah a, YMA leh tlawmngai pawl dangten an bawhzui a, kan hal lo mai. A hal chhun mi 3 te chu Rs. 500 leh ni 3 jail tan Champhai DC in a hrem a, dan bawhchhiate chu hrem ngei ni zel se kan um hlum hma ber ang

    ReplyDelete
  9. Ziak tha ei... ih maw kei chu... ka dangdai ve raps, SA kap thei nih ka la chak reng nia Mizopa nih manah SA pakhat tal kah chu ka la tum fan he he.. a thuawihloh thlak mange

    ReplyDelete
  10. @Fela - nia, Kristian Ram kan ni tih changchawia in ngaihdam leh mai thin hian sual a ti rem lo khawp mai, Pathian pawhin Sual sim lo hi chu a ngaidam bik lo asin mawle...

    @Boiha - nia, mizo rilru-ah hi chuan SA kah hi a lian thin tlat a, i thiamawm e, mahse a Thlunglu Mam chi chu i kapthlu ve tawh tho lo maw???

    ReplyDelete
  11. A thupui khian kan thian pakhat tawngkam min ti hrechhuak zawk:
    '98 World Cup laia ram pakhat G.Keeper kha tha alo ti deuh ni tur ani, "Mzr-ah hian lo kal vaih se chuan, ka UM HLUM THAK ANG.." zuk ti a.... duh awm khawp mai!!!

    ReplyDelete
  12. Keini awmna ah chuan DAN in ro a rel a .Sakhua hruaitu anih emaw ni lo emaw sawi lovin thil ti sualtu chu dan in an hrem mai.
    Nupi boxing a vang a jail kum 2 dawn te poh a tan theih .a nupui khan ngaidam mahse.report lo mahse a trhenawm ten an report vaih chuan fa te velh mai poh in hremna tawn theih ani

    ReplyDelete
  13. Thil um hrim hrim hi tui ka ti - Sa um, Tuai um, Bekang, Ai um. Um hmin tawh chuan engkim hi a felfai aniang..Lolzzzz...

    ReplyDelete
  14. @Lianpui - haha, Argentina G. Keeper a ni ngei ngei ang.. Lolzzz... lokal na se chuan umpui tur a ngah ngawt ang.. :)

    @hmingtea - mi ramah chuan a heti thin, keini chu kan inngaidam fel leh thliam mai thin a, hei hian sualna a ti punlun ve pawh a ni mai thei a ni.

    Achhangte_ll - nia, thil Um hi a tui alawm, sual pawh hi Um hmin vek mai ila that dawn chu ti raw.. Itanagar Hilton and Son te kha min lo biak dawn nia auh...

    ReplyDelete

Followers