Thursday, December 3, 2009

A hmingah chuan..

Mihring kan lo pian chhuah phat hian min kohna tur atan kan nu leh pa-te emaw chhungten hming min phuahsak nghal vat thin. Chu chu midangte nena kan inhriathran theihna tur atan a ni a, Pathian ngei pawh khan thil nung tinreng, leia kal chi leh bawkvak chite leh boruaka thlawk chi a siam zawng zawngte kha Adama hnenah a hruai a, anin hming a lo phuah vek a nih kha. Adama erawh chu Amah Pathian ngeiin hming a phuahsak bawk a, chumi hnu-ah amah awmpui tur awm mi a siamsak chu a hnenah hruai lehin Adama chuan hming a lo phuah a, Evi tiin.

Hmanlai kan pi pu-te chuan Pathian an la hriat loh avangin an vela an thil hmuh emaw, an nundan nena inmil turin chumi hming chu an chawitir mai thin. Saikapa tia an phuah chuan chumi Pa emaw a Pu emaw chuan Sai an kap a ni thin. Tin, mi hausa deuh an nih chuan an sum neih leh dar emaw silai emaw an phuahchhan thin bawk. Darpuii, Sangkhawli tih velte. An hming atangin eng chhungkua nge tih a hriat theih thin hle. Tin, Lal hmingsak bik dan a awm a, chumite chuan Ngur emaw Sai tih emaw an hmang tel tlangpui a, chuvang chuan hnamchawmte chuan hming tha an phuah ngam lo a, Lal hming sakna dal lo an ti thin.

Kolasib-ah Pu Bawngleia a awm a, mak kan ti thei rap, Bawng lei (tougue) amaw kan ti thin a, mahse Bawng lei (Buy) zawk a ni mai awm mange tih ngaihdan hi tun hnu-ah ka nei leh a, chuti a nih chuan an hun laia bawng lei thei chu hausa tak an ni tih entirna daih a lo ni. Pu Bawngleia pa chu Thingrema a ni e an ti nghe nghe.

Pathian kan lo hriat hnu hian kan hming phuah dan pawh a dang ta hret hret a, Lal tih hi hmingah kan hmang tel tlangpui ta. Lalremruati, Lalchhanhimi, etc. emaw Vanlal.... tihte in.

Ka nu hi Laichhingi a nia, awmzia a awmlo hle hian ka hre thin. A lai (Navel) awmna hi a chhing viau aniang ti dawn ila, midang awmna ang bawkah a awm si. Tihian ka ngaihtuah leh ta thung a. Lai han tih chuan Laina, chhungkhat, vua leh vangte sawina a ni a, Chhing chu huapzo emaw khum tih nana hman a ni a, chuti a nih chuan ka Nu hming chu hming tha tak a lo ni reng mai.

Ka hming hi Zobawk upa pakhat Lianlunga phuah a ni a, Ka nu leh Pa-te Zobawk an awm laiin Sipai Pawl hian hma a sawn nasa khawp mai a, Baptist Kohhran chutih laia kohhran lian ve tak mai chu an rawn inlet vek a, an Biakin chawpin an rawn pem a ni awm e, chumi chawi chuan Ramdinthari a ti a, ka Nu chuan ka pian veleh Lalremruati tiin min phuah a, chutia Zobawk upa-in phuah chhan nei tha inti tak maia ka hming a rawn phuah avang chuan ka lai-ah hming chu pu lo-in Ramdinthari tih chu ka pu ta zawk a.

Ka hming hi a common lo bawk a, ka duh lo hle thin mai, ka pa hian a bulah LAL a telh thin a, a sei teh duah a, ka telh duh ngai lo, lehkha min thawnna ah hian a telh chawk a, ka ngei thei hle. Mahse min koh erawh chuan Mate min ti leh daih thung a. Thiante chuan Dini min ti ta zel a, ka hming phuahtu-in Zobawkah Ram in rawn Din Thar a ni ngawt alawm ti-a a phuah chhan bak chu ka hming hian awmze hran a nei lem lo hle. Ka hming ang pu ka hmuh hian enge an phuah chhan ni ang aw, ka ti fo thin, an tam lem lo.

Eng hming pawh pu ila kan nun dan hi a ni, lo pawimawh ber mai chu ni, Lalnunmawii KS tihte, Rinawma rukru tihte chu a inhmeh loh dan Rappuichungsanga Kawrchung Var khai ang vel a ni.

Lal Isua kha chu a pian hma hauhin hming awmze nei, hnamtin damna tur phuahsak a ni sa a, “Vawiin-ah hian in tan Davida khua-ah Chhandamtu a piang ta, Lal Krista chu” “A hmingah chuan Maka, Remruattua, Pathianchaka, Chatuanpa, Remna Lal” tih te a ni duah mai. A hming ang reng a mak, chak, ropui leh thiltithei chu a lo ni ngei e.

He Isua ngei hi hnam tin dam nana kan tana lo piang a ni a, kumin a piancham kan lo thlen leh dawn hian a hming awmze nei hi awmze nei lo-in liamtir lo ila kan tan Damna thlentu a tharin lo ni leh rawh se.

22 comments:

  1. i hming hi mawi ka tih zawng tak zu ni mauh a.hming hi pali lai chu ka phuah ve ta der mailal hi ka ngai sang a ni ang ka telh veks bawk .hming hian phuah chhan hi nei ngei se trha ka ti a chhan nei in ka phuah vek bawk

    ReplyDelete
  2. "Isua" tih hi Isua tawng hman Aramaic chuan faminine gender a ni. Thlarau Thianghlim 'Ruah' (Aramaic) pawh hi chuti tho chu. Hmeiche hming puin mipa a lo piang a nih chu.

    Hming hian awmzia chu a nei a ni. Kan Kros Sipai pakhat Vanlalpachhunga tih erawh hi chu hriatthiam a har ka ti. Vanlalsaikapthianga tih ang vel niin ka hria.

    I ziak ngaihnawm khawp e.

    ReplyDelete
  3. God made Adam and put him to sleep, took one of his rib bone while he was sleeping. He made Eve out of his rib, and woke Adam. When Adam got up, he found someone standing near him, he look at God and that was the last he looked at him, all his his attention goes to Eve. He says, "WOW! Man, WOW! Man" And from that day onwards Eve was called a WOMAN.

    ReplyDelete
  4. Ka rin loh dan deuhvin i ziak. A ngaihnawm ka ti.

    ReplyDelete
  5. @hmingtea - ka hming hnaisai lo hi mawi i ti amaw..??? a va lawmawm ve hahaha.. kei chu ka nau fanu hming chiah ka la phuah ve, chu pawh a pu (a pasala pu)-in a lo phuah tawh a, ka phuah ve duh sia, Bible behchhan in ka phuah tawp.. lolz

    @Fela - Isua tih chu hmeichhe hming maw lo ni a?? ka hriat vawi khatna a ni, i ti bengvarthlak e.

    Vanlalpachhunga kha chu an chhungkua an PAA rual hle a niang ka ring..

    @Alejendro - If Adam says.. "Bull shit.." what would Eve be called????

    @Zaia - I ti lawmawm thin ka ti. Engtin nge i rin dan chu lo ni a... han ziak ve teh..

    ReplyDelete
  6. Hotunu hming phuah chhan i nei tha bik hle mai. A tlangkawmna hi tha ka ti khawp mai. Rin sa deuh thoin tawp mah se ngaihtuah a ti thui bik hle mai. Hming awm ze neih tir hram kan tum leh pek a niang chu keini hmihring chak lo zet hi zawng :P

    ReplyDelete
  7. In lo hriat chian tak mial in..Kan chhungkua ah hian Salvation Army kan om lo a,mahse ka nu lama ka pi leh pu (Grand Parent) te kha Mizoram ah Salvation Army dan a in nei hmasa ber an ni tlat in ka hria..Anih loh chuan hmar tlangdung ah a niang!Ka pi te kha Durtlang Lal in Christian (Salvation Army) an nih avngin a hnawt chhuak a,tah chuan ka pu nen sawleng ah an in tawng ni in ka hria,Kum 90 an pelh hnu,an boral thleng khan Salvation Army ah an la tui hle nghe2,tu te nge a hmasa ber hria in om chuan khongaihin min lo post sak teh u,an hming nen!

    ReplyDelete
  8. Ka pu pu leh hming chu Tualpoha; an phhuah chhan ka hre lem lo :-)

    Lalpa Ram Din Thar leh tura atan i fehchhuak MAK ka ti ta hran love !

    ReplyDelete
  9. @VaiVa - a tawpna chu rin sa deuh tho maw? hahaha.. mihring chak lo te te kan ni a, ringtu chak lo te te ten an Lalpa phatsana Zu bel an pan sap sap thinna hun a ni e an tia lawm... :D

    @Tetea - I sawi dik mai thei a ni, Durtlang atanga hnawhchhuahte kha Sawlengah an han inkulh kha a ni a, SA dana innei hmasa berte pawh kan hotute chuan an hre ngei ang, hriat theih dan ka lo zawng ang e..

    @Sekibuhchhuak - Aizawl atang pawn rawn active thei zel maw...??? I pu hming aia mak hi a tam ang.

    @hmingtea - nia, din thar zel ang, Lalpa hmingin :)

    ReplyDelete
  10. "Khawvelthanga" tih tluka hming mak danglam ka la hrelo. "Doruma an tih pawh a pian laiin Japan ho Jet Fighter a ri thum vung vunga, an phuah chhan ani e an ti alawm. "Ralkâpthanga" ka nilo hlauh hi ka lawm ngawt mai..Lolzzzz....

    Ka Pu te hming: (L)Chalbuanga leh (L)Selvunga
    Ka Pi te hming: (L)Numami leh (L)Khuangtuahthluaii...Daih mai a...

    ReplyDelete
  11. Ngaihnawm thin mange ! ka hming phuah chhan zawhtur tumah an awm si lo a, enge ni ve ang le?
    Kolasib H/S kal lai ngaihawm mange!!

    ReplyDelete
  12. i thlep kual tha thin e, tan la zel teh.....
    Pi Zawmi Koloshib VT te in a chaw thing ei hunlai gaiawm hle mai........!!!!!!!!!

    ReplyDelete
  13. a hming ah chuan remruattu maka tih zawk tur an ti lo maw?? maka,remruattua, tih ni lo in!!
    nang chu i hming i put zawh hmel hle mai...ram i din thar zel dawn awm si a...

    ReplyDelete
  14. Kapu hi Sailianpuia a ni muah mai a, enge an phuah chhan hi hriat ka chak thin khop mai, awmna khua a in ang bok silo a, ka hming pawh hi common ka tilo khop mai Lalthlanmawia han nih tawp mai chu, kapu min phuah ve bawk a ni a, enge a phuah chhan niang aw k ti thin, hmun tam tak ah ka hming hi an ziak dik thei lo a, laltlanmawia/lalthanmawia ti hian anlo ziak leh thin a, thlanmawia tih tak hi chu a common lo hle in ka hria

    ReplyDelete
  15. @chhangte_ll - "Khawvelthanga" chu a khawvel hmel hle mai ti raw... hahaha, phuah chhan tha te pawh an nei ve mai thei asin... Nang aiin ka pi leh pute hming a mak.. :-)

    @Boiha - Hets, min va hriat chian hmel ve.. Pu Boih.. :-)

    @LS Khawlhring - tha i ti tak tak maw, Nu Zawmi te chu ngaihawm khawp mai, ka chhuahsan hnu-ah vawi hnih/khat chiah ka hmu leh. chaw thing i ei thin ami a?

    @lalthlanmawia - I Pu chu Sailo a ni hial lo maw? i hming pawh hi hming naran lo tak chu a nih ve hi, an phuah chhan chu zawt ngei teh..

    ReplyDelete
  16. @varte, Ni e, Kolasib ah daih an awm a tin lawmle, buaithlak khop mai, zawh ngei ka chak khop mai. saihapui lam a kan Sangha dil kan sah leh dawn hunah kalo zawt ange

    ReplyDelete
  17. @Lalthlanmawia - Sailianpuia tih chu ka hriat hnu a ang ka ti reng a.. Kolasib ami anih vang a nih chu. Chuan... Sangha Dil sahna-ah chuan ka kal ve duh a nia aw..

    ReplyDelete
  18. @dula - a hming hi engti zawng pawhin lam ila, Remruattu Mak chu a ni reng reng alawm.

    Ram erawh ka din thar zel bik chuang law... hming azawnga put dik har ber ni hialin ka ring asin :)

    ReplyDelete
  19. @varte,tehreng mai, i chharkhawm theih zat2 i nei ve dawn nia.hehehe

    ReplyDelete
  20. hetiang hian thu i thiam ang tih hi ka lo ring ngai lo a, exam laia i pa boral khan buaithlak ka lo tih teh mai sin... mahse Pathian hi chu a van tha em!! i rawngbawlnaah Pathianin awmpuiin veng zel che rawh se. Mahni chauhin lo haw lo la. lolz

    ReplyDelete
  21. @Boiha - Mahni chauha ka lo haw i duh zawk lo ami? lolz

    Thu ka thiam hleinem, ka remkhawm ve mai mai a nih hi, i ti lawmawm e. Kan exam kha chhunzawm a har ngawt asin..

    ReplyDelete

Followers