Friday, October 16, 2009

Khuangchawi thla...

“Zanin thlâ a êng hle mai
Kuli nan a tha, a hahthlak na-a
Thim aiin a nuam..”

Buai lai-a sipai puak phur ho khan khi hla khi an sa thin a ni awm e, puak phurh chu ninawm viau mah se thlâ a han en phung mai chuan nuam an tih phahin an hah a dam phah sawng sawngte pawh ni fahmiang. Khatih lai khan tunlaia kan Electric eng ang hi la nei hek lo le, an eng neih chhun bati siam chawp chu in lamah pawh an chhi tha phal meuh lo a, nula tlangval inrim pawh mei engah an inrim mai thin. Tlangval zakzum deuh phei chu mei engah thu ngam lo-in tuium hunna bul thim lai an han chuh a, nula bengvar deuh chuan.. “Khai, i awmna a thim e mai, kan hmu thei hleinem che, lo thu hnai ve rawh..” tiin tleirawl zakzum tak chu an ko hnai chawk bawk.

Chutih laiin German râl rûn turin tlangval rual chu an chhuak ta teuh mai a, an bialnu te an ngaih ve hlawm dawn teh lul vei nen, ziak thiam lah kha an la tlem nasa mai si, tlangval, ral runa kal lunglengte chuan an thian ziak thiamte chu an han ruai ve leh chhawng a, thiam leh thiam lo-a kutziak kawi ngil ngela a arthai chu nula chuan engemaw chen hnu-ah a han dawng ve ta a, a lawm ngei mai.

Chhun lamah hnathawka chhuak reng an ni a, thiante zingah lehkhathawn chhiar a rem si lo, losul haw hnu-ah mah chuan inleng haw rem hnu-ah lukhama a lehkhathawn dah that chu mei engah rem leh rem lo-in a han chhiar ta a, bih uluk a ngai thin ngei mai. Lunglen a hnem nge a tizual sauh tih pawh hriat thiam a har ngawt ta ve ang, hei vang hi ni maw he hla an phuahna chhan hi-

“I thaikawi bawngte kan lo hmu a
Puan ang kan zar der e, kan run in chhungah
Ngaihruatin lunglen a hril chang chang”

Hetiang hi an dinhmun a nih miau avangin an tan Thla êng kha a va pawimawh teh lul ngai em!!! October thla bial hi a eng bik a ni tihte pawh an lo hriat phah thlip thlep a, chu October thla eng ngei mai chu Khuangchawi turte pawhin thlahlelin khuang an lo chawi thin ni awm ania, hei vang hi ni maw Khuangchawi thla an lo tih le??? Chu thla eng chu lawmin a thim lai lai pawh an lo chuh ve thin ngei ang le...

Chung turni chu thlang kawlah liamin Chhawrthlapui êng mawi tak chuan khuang a rawn chawi a, a êng mawi no ngei mai, van lah chu a thiang kuk mai a, arsi a pe eng un mai bawk nen, chu Khuangchawi thla eng hnuaiah chuan mi awmthei deuhin khuang an chawi a, chawng an chen a, nula tlangval an chai a, nuam an tiin an hlim em em mai. Leng zawng an hlim tak meuh a, an khuangchawi hman nawm zia chu a kum leh vahsan lak lai pawhin a khaw ti ti tui ber a la ni ta zel lo thei lo.

Chu Khuangchawi thla eng no ruai mai lawm-a lam thin kan pi/pute chuan mual an liam zo tawh a, a hunlai hre phak thangtharte zingah kan awm ta lo. Nimahsela, vawiin thlenga danglam lo chu, chu thla eng ngei chu a la ni fan a, khua a thim zawh poh leh thla chu a eng mawi ting mai thin a lo ni..... He Khuangchawi thla êng ang bawk hi kan hringnun pawh hi ni thinin zu hria ia!!!!

15 comments:

  1. Ngaihnawm leh hle mai. Keipawh Zoram lam ka hawng hnaia, lung aleng thei hle! :-)

    Tunhnua mak ka tih deuh mai chu; October thla, hnam hrang hrang ten an lo hlut ve viau mai hia ni. A bikin South E Asia-ah hian. Korea, China tin Laos leh Vietnam-ah pawh, Mid-Autum festi hi an nei a. An hming phuah chu dang deuh mahse an lawm chhan chu thla ( moon ) khaihnawih ani vek mai!

    ReplyDelete
  2. @Sekibuhchhuak - i va tuan tha ve le.. Kei chu Aizawl ka awm mek asin..!!!

    ReplyDelete
  3. EE, furlough lai pawhin blog i post thei a, i fakawm hle mai, blog update lo an tam teh reng nen.

    ReplyDelete
  4. E, captain, chawlh i hmang nuam em?? Hei, ka thupui thlan tum i rawn bitum hmasa ta a; kan ziak ve ngam dawn lo a va ang em!!

    Khuangchawi Thla eng hi a eng bik a ni ang, ka Pa pawhin, 'Khuangchawi Thla zan thla eng hnuaiah hian lekha ka chhiar thei thin,' tih a sawi ka la hre reng mai.

    Nang hi zawng, tluk loh rim i nam thin.. buai laia puak phur (kuli) ho hla sakte i lo hre leh dim diam tawh a!

    Ka pian thla a nih vang nge, Khuangchawi Thla hi nuam ka ti a. Ka pianchamah tak he thu hi ka chhiar ta lehnghal a!

    Chawlh laia i ziah a ni na a, a ngaihnawm leh tho mai!

    ReplyDelete
  5. @Fela - Nia mawle, hei a rûn dalah ka han ti ve lek fang a ni e,furlough tih takah thluak thleng hian zu chawl thuap a mawle..!!!!

    @Zaia - E khai hotupa, i pawi ka lo sawi der tihna a ni thei angem? I thupui chu ziak ve tho teh, a ngaihnawm zawk fe-in ka ring.

    Ni e, October thla eng-ah lehkha a chhiar theih an tih chu kei pawh ka proof ngei alawm, a chhiar theih chiang mai..

    ReplyDelete
  6. Ka lo hre ngai reng reng hleinem, "Awi ka nu, Lucknow" an tih thin chiah kha ka lo hre ve a. Khâng hunlaia lehkha zirchhuakte kha thiamtak an lo ni - Lehkhabu atanga chhiar chu khawilam, an vawng hneh hrim hrim. Pi leh Pu te thawnthu min hrilh te kha mumal takin ka sawichhawng leh thiam miahlo mawle. Thla eng hnuaia lehkha zir lek phei chu...he he he...ka muthlu hma ngawt ang :)

    ReplyDelete
  7. october flew in vei lo ni hlom reng che u a

    ReplyDelete
  8. @chhangte_ll - In la naupang em a, i hre pha lo a nih chu... :)

    @hmingtea - ni hlawm teh tlat e mawle..

    ReplyDelete
  9. Ekhai, Capt. va ziak ngaihnawm ve!! Lung te pawh i ti leng rum rum a lawm, Zoram ngaih i ti zual.

    ReplyDelete
  10. nia thla eng hian zofa te hi min em aa deuh phuang niin ka hria hnam fing kan tih ho hian thlaeng awmzia hi an hre ve lam lo ni in ka hria kei poh in october thla eng chu ka kurpui ve a lom buannel.com ah ni ta in ka hria

    ReplyDelete
  11. kan coment sual chu

    ReplyDelete
  12. @ capt salvation army ah hian sister engzat nge awm che u nl col ngaihawmi leh nl capt varte bak hi roman sister dang an awm em hahahah

    ReplyDelete
  13. Kei pawh ka nupui neih thla ania,October hi chu ka ngai sialkhawp mai.

    ReplyDelete
  14. Hetih vang hi em ni Furlough nan October thla kher i lo thlan le!!! Chaltlang tlak lam pang atanga Reiek tlang Khuangchawi thlain a chhun eng paw ruih mai thinlunga ngaituah reng chungin Mozambique lam i pan a nih hmel hle mai.

    ReplyDelete
  15. @hmingtea - hahaha.. 6 lai chu kan awm ve-in ka hria...

    @dr_feelgood - Kei pawh pasal neih dawn hun chu October thlang ve ila tha ang ti raw???

    @Kiamlova - Ni deuh pah bawk e, Mozambique pan chu a phurawm falua lo khawp mai..

    ReplyDelete

Followers