Friday, June 5, 2009

Thopa zuanin aw..

Thil hrethiam har chi ka ni hrim hrim a ni mai thei…

Vantirhkohin Mari hnena “I rai ang a, fapa I hring anga..” a tiha Mari chhanna khan rei tak min tibuai.“Chung chu engtinnge ni ang, Mipa ka nei si lo..” tih tak hi. Vantirhkoh khan i rai ang a ti chauh a, Mari lahin Mipa ka nei si lo a ti leh lawi si a, Mari hian fanu a lo hring reng tawh nge mawni ka ti a, ka rilru hi a buai thei em em mai. PU ka zir lai ni ta-in ka hria ka u-te ti ti ka ngaihthla a, tleirawl pakhat nau pai, nau a pai tih pawh inhre lo chanchin an sawi, ka U thiannu chuan, "A mawl ve reng reng, a thlatin hunbi a neih loha Mipa a neihte chuan in rinhlelh nachang hriat ve mai awm.." a ti a, Mipa nei tih awmzia chu chiang em ema hrilhfiah ang mai hi ka ni.

Mizo upaten “Tumna a san leh tlakna pawh a sang” an tih hi ka hrethiam leh miah pek lo a. Tumna a san viau chuan an tlak vek vek chuan an tla thum tawk a ni mai tih lam zawngin ka lo ngaihtuah thin a, Tumna san pawh tlakna asang a, insawhnat a awl mai mai tih ang zawng-in ka lo hrethiam thin a, a lo ni ikhaw si lo.

Tupawh mai hian hmalam thlirna leh ruahmanna hi kan nei vek mai, mahni dinhmun theuh atanga thlir-in kan ngaihtuahna pawh a in ang lo nuai ang tih a rinawm. Ek tak ngial pawhin TUM chu a nei alawm, tu fa nge hmasawn duh lo awm ang a, tu fa nge hausak leh dinhmun tha-a awm duh lo teh lul ang.

Chu hmabak/hmathlir banphak tur chuan Tumna kha a san phawt a lo ngai reng mai a lo ni. Zirlai exam-in ka fail tho ang tiin lehkha zir duh tlat lo se, a fail nge nge ang. Kha zirlai tho khan “Khawnge, pakhatna ni turin kan bei teh ang” ti se, zirlai thiam lo tak pawh nise, Pakhatna a nih phak loh pawhin a exam tal chu a passed ngei ang. Amah Pu James Dokhuma thukhawchang ang deuhin "Paikawng pawh hi tui paih nana kan hman chuan a sawt lo viau mai thei, mahse a paikawng tal khan a fai phah nge nge thin"

Tun hnaiah Slumdog Millionaire tih India film a rawn lar hluai mai, kei hian ka lo en ve vat pek lo, ka han en ve a, chuti lua-a han lar em em tur anihna pawh ka hre vak hlei lo bawk. Naupang rethei lutukin thawklehkhata sum tam tak a han nei ta thut mai kha ataka thleng pawh nise hahipa sawi tur kha a ni hrim hrim mai. Mahse han ngaihtuah chian chuan zirtir nei tha tak chu a ni phawt mai.

Kha naupang/tleirawlte khan kei, mi rethei, daikil kara tu fa ar-ah loh hian hetiang game lian tham lutuk hi entinnge ka hmachhawn theih ang ti se chuan a hlawhtlinna a hmu tawp lo ang. Engpawh ti ila, kan hmabakah eng hna leh tih tur pawh awm se, huaisen taka hmachhawn a, tawn tlang zel tur kan ni lo'm ni, “Lo neitu thawk rim chu a rah chang hmasatu a ni tur a ni” tiin kan Pathian thu ngei pawhin min hrilh si a. Thopazuanin nge khupsukin kan zuan ang?

9 comments:

  1. Thil buaithlak tak pakhat ve chu maw, a bikin doctorte tibuaitute chu, mipa nei sia rai si lote hi an ni! Mahse rim taka doctorten tum neia an enkawl chuan, fa pai ta nawlh leh phir hial paia hring ta zawt zawt te an awm ve tho thin. Thawhrim hi a tha a ni. I ziak tha lutuk.

    ReplyDelete
  2. Ni e, thawhrim hi a pawimawh takzet a ni. Tumna a san chuan tlakna pawh a sang tih hi chu kan sawi ve thlazen a, keipawh ka lo hrethiam thin lo a. Ka hriatthiam hnu chuan, mi tam takah chuan a thleng dik a ni tih te ka hre chhunzawm leh ta zel a. A thenah chuan a dik chuang hlei law... Distinction a pass tum em em in an han zir a, an fail leh tho thin, an tumna a sang a, a tlakna erawh a hniam thin hle. Thawhrim loh vang chu a ni thawkhat e, thawhrim chuan khi thu khi a dik chiang ang tih ka hria.

    Mipa nei si lo a rai chu thil mak dangdai tak tur a sin. Tun laiah te chuan thiamna te a sang tawh bawk a, mipa nei lo-a khawvel thiamna hmanga rai hi sang tam tak an awm ka ring. I ziak tha lutuk e.

    ReplyDelete
  3. A tha leh pek e! Sawisel tur ka nei leh pek bawk!!

    'Lawm ni?' tih hi, heti hian kan ziak fo maia, Mizo tawng thiam nangni ang pawh in bang chuang lo! 'Lawm ni?' kan tih hian, 'Lo em ni?' kan tihna a ni lo'm ni? 'Lo em ni?' tih kha, a tawia kan ziah avangin 'Lawm ni' ti lovin, 'Lo'm ni?' tih tur a ni em? 'Lo - apostrophe - m' tiin; hawrawp kan paih avangin..?? A dik em??

    Kan tawng thiam tur hian thopa zuana zuangin hma i la ang u. Khup suka kan suk leih leih chhung hian thangtharte hian Zo tawng hi an ziak thiam lo zo takngial dawn!!!

    ReplyDelete
  4. Tumruhna mai niloin dawththeihna pawh a ngai tho mai. Mizote hian dawhtheihna kan tlâkchham rual rualin tumruhna chu kan nei khawp mai - Chiapuam hi entirna thaber ani mai. Engkim hi dawhthei tak leh tumruhna nei takin han ti chho bek bek ila, a hun te ah chuan Pathian hian a 'Rah' min seng tir ve mai niin ka hria. Hei ngei hi mahni thawhrim rah seng chu seng chu ani.

    ReplyDelete
  5. Thiama-
    A ni ngawt ang, Doctor chuan in hre hnem ngawt tak ang. Thenkhat-in naupai an buaipui a, a thenin pai lo an buaipui bawk a.. I ti lawmawm e

    Joseph L -
    nia, i sawi ang hian, thawkrim em em (abikin zirlaite zingah), zirlai pass thei si lo an awm teuh mai, ka hrethiam tawh bik lo. :)

    Zaia -
    chik takin i chhiar tih a hriat a, a lawmawm ka ti. Mizotawng hi thiam ka inti lo, ziah phei chu ka thiam lo nasa, ka inzir lutuk lo bawk, ka tawngkam ang ang hian ka han ziak mai thin bawk a ni, ka induhkhawp lo khawp mai :) min lo hrilh zel rawh. Ka han siam tha nghe nghe ang e.

    chhangte_ll -
    chu chiah, dawhtheihna hi kan tlachham fo mai, kei ngei pawh hi ka ni, mahni thawhrim rah ngei seng chu a chhia emaw a tha emaw a hlu bik tlat.

    ReplyDelete
  6. Pui leh riap riap mange aw!!! Mari chhanna atang a Slumdog Millionaire a i zawn zep thiam hi Pu James Dokhuma ruih zawk lo maw?

    ReplyDelete
  7. hetiang deuh hlek "mipa a ngai a" tih hi upa fu tawh hrethiam lo an awm.

    "chaw ei laiin zai suh, i leng rei ang" tih hi hrethiam har deuh pawh sawi tur an awm.

    Hmeichhia hi a tlangpui thuin thil hi an hrethiam har in ka hria. Movie en zawh tawh hnuah pawh la hrethiam lo te hi an awm thin.. tawng thiam loh vang ni miah loin.. No offence

    Fiamthu vawi 1 chu an sawi a, mipa leh hmeichhe in ngai hi, ti hian "mipa khan a nawr thuk khawp a, hmeichhia chuan 'a kawk a kawk' a ti a" tiin kan nui dar dar a, mipa 1 chuan 'enga ti nge 'a kawk' a tih a' zuk ti mauh a, amah chu zaithiam lar deuh... :)

    ReplyDelete
  8. Sawitur hila ihre thei si, ipiangsual lo reng2, thil hretheilo inilo hretheilo kani i inti mai2 nih kha

    ReplyDelete

Followers