Friday, June 12, 2009

Ka piangsual em????

Hmanni-a ka kut ka tih palh an thuina chu ka en vang vang a, a ser kulh mai, “Chhe hei, ka piangsual zu ni ta reng a…” tiin ka ngaihtuah a, chutia ka ngaihtuah lai chuan Class VIII kan zir laia kan Mizotawng zirlaibu-a Mizo thufing kan zir thin kha ka rilru-ah a rawn lang zawk mai a..

# Uiin a luak a ei leh a, Vawk tuihawkah bawk a inbual leh thin
# Vawkpui pawh a vah a vah chuan ek thing a tawng nge nge
# Lampui chang khatah mi an be chhe ngai lo
# Thenawm do aiin khaw sarih do a thlanawm zawk
# Piangsual hmusit suh, piansualin tlai luat a nei lo

Salvation Army-te hian Fahrahte leh pianphunga rualbanlo te enkawlna hi kan nei hlawm a, Mitdel bikte enkawlna hi Kolasib-ah leh Kalimpongah kan nei a, Kolasib kan awm laiin heng Mitdelte bulah hian kan khawsa hnemin anmahni pawh ka hre chiang ve hlawm khawp mai, kan infiamin kan in chhawnchhaih a, pakhat hming mak deuh mai Lalrambuatsaiha hi a awm a, a hming vang hrim hrim chuan kan chhaih thin a, mitdel a nih vanga hmusita chhaih kan ni hauh lo a, a hming vanga chhaih mai kan ni. Naupangte kan la ni a, “Lalrambuatsaih, chatuan hmun ka chang ve ang a..” tiin kan zai khum thin a, a haw em em mai a, min um vak thin. Ani khaw hmu hlei lo-in min um kha hlauin kan tlanchhe nasa thei hle.

Mitdelte hi an khawhmuh loh vang hi ni maw, an hriatna dang hi a tha riau mai a, min hmu si lo kha kan awmna hi a hre thei em em mai a, vawi khat phei chu kan thiannu Thangpuii hi thing hmunah a dang chep tlat mai a, a mit khaw hmu mang hleilo kha a khap fuk fuk mai a, a phar duu mai bawk si, kan hlau hle, ani phei chu a tap pur mai a, “U Buat, kan chhaih tawh lo ang che...” kan ti chul a, min kalsan ta nge nge a. Chumi hnu chuan kan chhaih ngai tawh lo reng reng.

IITim 3:1-4 ah chuan ti hian kan hmu a, “Tin, hei hi hre rawh, ni hnuhnungahte chuan hun khirh takte a lo awm ang. Mi, mahni inhmangaihtu te, tangka ngainatu te, intivei te, chapo te, Pathian sawichhetu te, nu leh pa thu awih lo te, lawm nachang hre lo te, thianghlim lo te, hmangaihna pianpui nei lo te, huaikawmbawl te, hektu te, insum thei lo te, mi kawlhsen te, tha duh hauh lo te, vervek te, thuhnudawn lo te, inngaihlu te, Pathian hmangaih aia mahni lawmna mai hmangaih zawktu te an ni dawn si”

Taksa him pial, rualbanlohna nei miah lo-te hi a chunga Bible-in a sawi ang rilru pu khi kan ni thin, Mi thenkhat pianphunga rualban lohna nei miah lo mahse piangsual tlat mai hi an awm. Hei hi chu Rilrupiangsual ka ti mai a. Naupang pawisawi hleilo leh engmah pawh la hrethiam lo pawngsual chak tlat maite, mi thil lakruk chak tlat mai te, thiante zinga huaikawmbawl ching, Rotekawlasepa ang maia kawhmawhbawl ching tlat maite, an/kan awm thin. Tin, mi rethei chanai pawh laksak mai hnial lo, ka thatna tur a nih phawt chuan engmah ka pawisa lo ti ni awm taka lak theih apiang la duak duak mai duhte pawh hi awm theih ni awm tak a ni.

Chutiang-ah chuan politician leh rawngbawltu pawh kan bang chuang lo, mitin hi in enfiah kan ngai. Tisa-a piangsual ai mahin rilru piangsualte hi an khawngaihthlak zawk mah awm asin..!!!

16 comments:

  1. Hei chu va han tha tehkher em. Engtin emaw tal chuan piansualna hi kan lo nei vek ani e.
    I ziak thiam ka tihna chhan leh pakhat chu chhiartute attention hi i la thiam riau, hei chhiar zui chakawm deuh hian i ziak tan a, han chhiar zui ila kan inchhir lo tlangpui bawk.

    ReplyDelete
  2. Taksa siamtu chu rilru lek hi alawm le. Miin tuai rilru a put chuan a inchei nu mai a. Patil rilru a put chuan a inchei pa thung mai. Chuvangin rilru piangsual hi a pawi zawk. I kut ser mai2 zawng lungkham duh suh khai.

    ReplyDelete
  3. Hmm...Nia, Mihring tawhphawt chuan 'Schizophrenia' an vei a an ti alawm.

    ReplyDelete
  4. Amen.... a ngaihnawm leh tlat mai! Profile Pic te thlak vel a eichh!!!

    Ser ... sernung... piansualna ah pawh taksa piansualna hi chu mi te hmuhpui leh hriatpui, transparent tak ani a. Rilrua piangsual te erawh an mahni pawh an inhre thei thin lo. Mi khawngaihthlak tawp an ni!

    ReplyDelete
  5. A tha leh e. I puang sual lo a nih ka ring, i thleng hla em mai!! :D

    Buata kha, Govt. Kolasib College-ah khan a kal thin a. Canteen tukverah, a lu chauh tilangin a dak lut a, 'Ka hmeltha em?' a ti fo!

    Piansual dan chi hrang hrang, i sawi ang hi a awm a, kei pawh hi, rilru lamah ka piang fuh chiah lo niin ka inhre fo nia!

    ReplyDelete
  6. aduhi - i ti lawmawm thin e, min fuihpawrh... :)

    dolién - i va vang vang vang ve...

    Fela - Nia, rilru hi a pawimawh khawp mai ti raw..ka kut ser chu ka la entir ang che.. hahaha

    chhangte_ll - chutia mi? Schizophrenia pawh chu hrilhfiah kan va ngai leh zel ve...

    VaiVa - Ngaihnawm tak tak maw? A lawmawm a nih chu hehehe..

    Profile Picture hi maw... thlak zeuh zeuh dawn einchh!!!! Mahse hralh a kal vaklo nih hi.. hihihi

    Zaia - Hahaha.. Buata chu i hria maw.. mitdel ho kha fiamthu te hi an duh hlawm zek asin.

    I rilru kha.. piangsual ni la, thu leh hla tha tak tak i phuah thei dawn em ni? ka ti deuh..

    ReplyDelete
  7. Kan naupan laiin Kolasib-a awm Zopianfela te ho concert kha ka en ve ngat tawh. An va han che 'bon' thei tak e aw...

    Ni e, 'him pial' hi a lo awm theih loh ve. I ziak ngaihnawm takzet thin mai...

    ReplyDelete
  8. This comment has been removed by the author.

    ReplyDelete
  9. Tha thruai thruaizz hle mai :!: I buala awm pawh chakawm hle lawmle... THUZIAK i thiam em a

    ReplyDelete
  10. faka -
    E, U Piana kha a zaithiam fu asin, an hun lai kha chuan an lar ve thin khawp. I ti lawmawm e

    zovala -
    chutia mi? ka bula awm atan ka va duh che veee...

    ReplyDelete
  11. VAN MGAIHNAWM VE A,DAM SIN M

    ReplyDelete
  12. BL-a
    i lo lut a.. teh hlawl che chuan, lo lut ziah rawh. ka dam e.

    ReplyDelete
  13. Naupang^Fel
    Hehehe..

    hitchhiker-
    Chhiar mi chu ka ni chiang mai a, Ziak mi chu ka inti ngam teuh lo... i ti lawmawm reng reng e, lo lut ziah rwh khai

    ReplyDelete

Followers