Chi chu kan hria, a tangkai dan pawh sawi tam a ngai lo, Bai pawh kan hria, chaw ei a ti tui. Bawkbawn, Hmarchapui, Chingit, Samtawk, bahkhawr leh a dang dang han bai pawlh nuai ila, chi han al ngei bawk ila, laipawng thle lawl lawlin chaw kan ei tawh mai thin. Zawngtah mu pum el awl han ziat ila, chaw bar khat zelah mu khat zel han seh keh sawk sawk bawk ila, pawnfen kawng elastic fan duai duai-in si hluam hluamin kan ei tawh mai thin.
Hmanlai khan Chi hi a vang khawp aniang, chi teng turin Chipuikhur-ah an kal thin a, khawng ian uanin an chi ten sa chu an phur haw a, lei leh hralh pawh la awm lem lo ni tur a ni. Hnahthial hnaha funin rappuichungsangah, naupang ban phak bakah an han dah a, chawhmeh ah ren takin an thlak thin. Chu chi chuan an chaw ei a ti tui ve ngang aniang tawngkam tha induhsakna tawngkamah pawh Chi tel ngeiin bai lo chhuang ve rawh u an intih nan "Chibai" an ti thin e an ti. He thu hi Luka ziak ang tluta rinawm leh dik a nih erawh ka ring lutuk chuang lo.
Chibai tih tawngkam chu eng vanga lo hmang tan nge tih hre kher lo mah ila, chhiartu zawng zawngte, Lalpianchampha a lo thlen leh hian lawmna CHIBAI ka buk vek che u a, kum thar lo thleng tur atan duhsakna tha ber ka hlan bawk a che u.
Hmanlai khan Chi hi a vang khawp aniang, chi teng turin Chipuikhur-ah an kal thin a, khawng ian uanin an chi ten sa chu an phur haw a, lei leh hralh pawh la awm lem lo ni tur a ni. Hnahthial hnaha funin rappuichungsangah, naupang ban phak bakah an han dah a, chawhmeh ah ren takin an thlak thin. Chu chi chuan an chaw ei a ti tui ve ngang aniang tawngkam tha induhsakna tawngkamah pawh Chi tel ngeiin bai lo chhuang ve rawh u an intih nan "Chibai" an ti thin e an ti. He thu hi Luka ziak ang tluta rinawm leh dik a nih erawh ka ring lutuk chuang lo.
Chibai tih tawngkam chu eng vanga lo hmang tan nge tih hre kher lo mah ila, chhiartu zawng zawngte, Lalpianchampha a lo thlen leh hian lawmna CHIBAI ka buk vek che u a, kum thar lo thleng tur atan duhsakna tha ber ka hlan bawk a che u.
Bai ka ngaina lova, Zawngtah phei chu ka ngaina lo lehzual...
ReplyDeleteChibai hi an sawidanin 1911 bawr vela Mingo hoin Mizote inhmuha an hman atana an hmantan ni a sawi ani. Chi nena inzawmna a nei pawh chu ani maithei...Kan Zohnahthlak unaute angin, "Chaw i ei tawh em" ? tih kan hmangzawm ta lo anih hi.
Zawngtah chu Mizoram pawnah ei chi loh.ek a inthlahrun awm duh.A uih duh e mai.
ReplyDeleteche bye chi leh bye tih atanga lak noi :lol:
Chi hian bai a tihtui angin, Lal pian cham lawm nan in chibai luai luai ila, Masi pawh kan hmang tui dawn alo nih tak hi! Masi chibai le!
ReplyDeleteCHIBAI Captain, Masi Chibai !
ReplyDeleteBible hunlai-ah pawh chi chu an hman daih tawh tak kha maw le. A lo pawimawh ani, CHI hi. Chi erawh kan BAI thin em ka hre lo :-)
Worship, ChIBAI BUK tia kan lehlin hian a awmzia hi a phawk chhuak zo chiahin ka hre lo :-)
Masi tuk ah Masi chibai in buk lawp lawp mai ang.
ReplyDeleteMasi Chibai le. Nuam leh hlim tak a i hman ka beisei.....
ReplyDeleteשלום
ReplyDelete"Chibai" chungchang a chepa kai atanga i chhui chhhuah hi ka chhiar a, a dik duh hmel hle mai. I blog ka chhiar a, ka beng a var leh ta sawt mai.
ReplyDeleteMasi chibai ka buk ve hman lo si che a, chuvangin "Kumthar chibai" hi duhsakna sang ber nen ka buk a che.