Thing delh loh, lung delh loh nafam chu Pathian zarah pianchamphaphak ka lo thleng leh ta reng mai. 'A tam tawh e mai' tia paih then ngawt chi lah ni hek suh, lawm taka lo dawnsawn leh mai kha kan tih theih awmchhun a ni.
Kumpuilingleta kan nghah, Tlumtea thlir taka dingdihlipa kan thlir thin, naupan lai phei chuan a tluka hunpui duhawm leh nuam awm thei chuang tawh lo tura kan ngaih, kawr thar, thawmhnaw mawi neihna hun remchang, hnianghnar taka ruai kan theh mup mup thinna, Nu leh Pa lungleng thei deuhte pawhin lunglen hrikthlak na atana an vauchher ber pawh Lal pianchamphaphak lawmna a nih hi maw.
Naupan laia upat kan chak vak lai khan eng vanga puitlin vat chak viau thin nge kan nih le? Puitlingte ah khan hmuh kan nei a, duh duh ti thei nia ngaihna lian tak kha kan nei ve hrim hrim a ni ngei ang, an kum ang zat kan han thlen meuh chuan Naupan lai kan thlir kir leh lawi si!
Kum apun ang zelin bûk pawh a lo rit ve chawpchilh a, intihcher te chu tum enah pawh kan en tawh chiah lo a nih hi. Darthlalang hma-a han din chang hian lungawina hmuh tur a vang thin.
Thenkhat chuan kum 30 kai chiah hian hringnun bul kan tan an ti a ni awm e. Kan dam chhung hun hi a rei lo a, Mosia chuan Chakna avangin kum 80 a ni thei a, nimahsela, a reina chu thawhrimna leh lungngaihna mai a ni a lo ti a. Mi tam tak naupang te te-a thlanmual liam ta te ngaihtuah chuan kan Nunna vawngtu leh kawltu-in pian champha vawi khat dang dam taka min hruai thleng leh hi lawm viau tur ka ni.
He hringnunah hian lungawi lohna leh kim lohna te, duhtawk loh riauna te a awm fo a, kan phunnawi fo thin. Nimahsela kan tawn apianga lungawia, tuarna pawh malsawmna tia dawnsawn zel theihna hian he khawvela kan damchhunga kan nun chu a tinuam mai a lo ni.
Kumpuilingleta kan nghah, Tlumtea thlir taka dingdihlipa kan thlir thin, naupan lai phei chuan a tluka hunpui duhawm leh nuam awm thei chuang tawh lo tura kan ngaih, kawr thar, thawmhnaw mawi neihna hun remchang, hnianghnar taka ruai kan theh mup mup thinna, Nu leh Pa lungleng thei deuhte pawhin lunglen hrikthlak na atana an vauchher ber pawh Lal pianchamphaphak lawmna a nih hi maw.
Naupan laia upat kan chak vak lai khan eng vanga puitlin vat chak viau thin nge kan nih le? Puitlingte ah khan hmuh kan nei a, duh duh ti thei nia ngaihna lian tak kha kan nei ve hrim hrim a ni ngei ang, an kum ang zat kan han thlen meuh chuan Naupan lai kan thlir kir leh lawi si!
Kum apun ang zelin bûk pawh a lo rit ve chawpchilh a, intihcher te chu tum enah pawh kan en tawh chiah lo a nih hi. Darthlalang hma-a han din chang hian lungawina hmuh tur a vang thin.
Thenkhat chuan kum 30 kai chiah hian hringnun bul kan tan an ti a ni awm e. Kan dam chhung hun hi a rei lo a, Mosia chuan Chakna avangin kum 80 a ni thei a, nimahsela, a reina chu thawhrimna leh lungngaihna mai a ni a lo ti a. Mi tam tak naupang te te-a thlanmual liam ta te ngaihtuah chuan kan Nunna vawngtu leh kawltu-in pian champha vawi khat dang dam taka min hruai thleng leh hi lawm viau tur ka ni.
He hringnunah hian lungawi lohna leh kim lohna te, duhtawk loh riauna te a awm fo a, kan phunnawi fo thin. Nimahsela kan tawn apianga lungawia, tuarna pawh malsawmna tia dawnsawn zel theihna hian he khawvela kan damchhunga kan nun chu a tinuam mai a lo ni.
Piancham chibai le. Heta i awm lai ni se, kum 18 i tlin kan han lawm tur a nia.. :)
ReplyDeleteKei aia fel mi tam takin thlanmual an nghah tawh laia, hei leh chen ka la dam bik hi Lalpa zahngaihna a ni tih ka hria a, ka ngaihtuah thin.
Lungawi takin, 'Thirties' ah hian awm leh rih phawt mai ang tiraw????
Han sawi tur ka haihchham; i lungawi loh thu i sawi deuh a, mahse nang mah i inhnem leh deuh a;ka hnem hma chein. engpawhnise i piancham a lo thlen takah chuan a lawmawm hrim hrim a kum lam a ni lo, dam hi a hlu.
ReplyDeleteKum tam hi kan inti hma reng reng, sawi sawi lo ila a tam lo a ni mai.
30, 40, 50 hi tam lo reng reng tehna mai mai a lawm-kan duh tlem lutuka a lo tam ta a ni ber.
Lawm zel hi a tha, a thinrimthlak loh ber.
Happy Birthday~!!! :-)
ReplyDeletePiancham chibai le
ReplyDeleteHappy bah thri dei le! Intihcher hi a har tawh khawp mai upat lamah chuan, naupan deuh lai a kan ei ang zat lawih ka ei phei ila chu, a obese lawih theih dawn hmel..
ReplyDeleteI B Day vawi sawm eng zatna tak ni ang maw?
ReplyDeleteKei chu ka upa ve tawh a ni ang Bday pawh ka nei tawhlo.
Very Happy Birthday vawi sawm tam takna ka hlan a che.
Tunlai tleirawl ho hi in inla senior hma mah mah :-P
ReplyDeletePiancham chibai le!
@Varte, tleirawl chhuak hlawta upa ta riauva inhriat hi a awl ve khawp a nia! I nulat tak tak hunah i hrethiam ve mai ang! Happy Birthday le!
ReplyDeleteHe i birthday hian damna te, hriselna te, lungawina te, hlimna te lo thlen che mawlh rawh se. Happy birthday le.
ReplyDeleteE khai! Piancham chibai le hotunu!
ReplyDeleteMay you have many more!!
ReplyDeleteKan lo Happy birthday tlai khaw hnu ve teh ang che.
ReplyDeleteTar kun khup bih fanau maltluan chawia dam zel turin duhsakna ka hlan a che
I birthdaay cake kha chu kan ei nasa tiro :) I va ziak ngaihnawm thrin em.
ReplyDeleteThiante u, in duhsakna avangin lawmthu ka sawi mawlh mawlh e...
ReplyDelete