Kar khat chhung ngawt Seminar neia kan tawmbo hnu-ah ka han lang leh a, seminar report ziah a chakawm rualin a lungchhiatthlak lam hian tun tum chu bul ka'n tan teh ang. Ka chunga thil thleng hi in hriat loh ka duh lo ve..
Kan Seminar hi Maputo atanga Km 700 chuang hreta hla Volanculo Province a nei kan ni a, Ni 8th September zing lam dar 6:45 velah Maputo atangin motor pali-inzuiin officer 17 kan chuang a, motor hmasa ber dawttu-ah keini kan tlan a, kan tluang khawp mai, kawng chanve-a chhun chaw faka kan ding leh zun ram thiara kan din zeuh loh chu kan tlan char char a, Vilanculo pawh dar 5pmah chuan kan thleng ngei turah kan in ngai a.
Vilanculo chu minute 15 emaw vel lek tlan a ni tawh ang tihah chuan kan motor ke hma veilam chu a puak ta mai a, kawng sirah chuan kan leng phei chawn mai, driver chuan theih tawp chhuaha controlin kawngpuiah a kual lut leh lai takin a ke hnung veilam bawk chu a puak leh ta a, thawngaleivir nuai nawk ang mai hian kawnglaiah kan motor chu a vingvial kual ta a, driver tana control ngaihna awm miah lo-in a in freeturn tawp mai a, chumi hnu chuan a vang zawngin a tawlh ta ruak ruak mai a, driver chuan steering chelhin a veng tawp a, a bak tih theih a nei tawh lo, a vang zawnga kawngpui sir lehlam kan tawlh phei hnu chuan a back zawngin engemaw chen a tawlh leh ta a, a ke puahna a tanga meter 30 emaw zeta hla-ah chuan kan kalna lam hawi hu chungin kawng sir chep zetah rem lo zetin a ding ta hram a, a khu chum chum a, motor ke kang rim chu a nam chum chum mai a ni.
He thil thlen chhung hi mitkhap kar lek tak tak a ni, a rang khawp a, keini a chhunga chuangte chuan kan dinhmun hlauhawmzia kha kan ngaihtuah hman lo mai pawh ni lo-in engtin nge kan awm tih kha kan hre hman lo reng reng a, hlau thlabara awrawl chhuah pawh kan awm lo, kan ngawi thap mai nia!!!! Hlauh ngaihna pawh kan hre lo a ni teh chek a niang, kei phei chu a front seata thu ka ni bawk a, driver chu puih ka han tum ta dah a, steering chu ka lo vuan ve ran a, a sawngsawhlawt lem hlei lo a.
Kan han ding fel chu kan hnunga mite an rawn tlan khawm a, khatia kan han vir vel lai khan engtin tak awm ang maw tiin kan hnungah chuan dingin min lo thlir tawp mai a ni awm a, a then an lo tawngtai mawlh mawlh bawk a, kan hnung chiaha tlan Capt. Felix phei chuan, “Deus, Deus, ajuda.. Beira, Beira Cuidado..”tiin Pathian leh kan motor khalhtu Beira hming chu a lo lam kawp sek mai a ni awm e.
Kan chetsualna hmunah hian 2002 August 16-khan Officer rual an lo chesual tawhin mi pakhatin nunna a chan a, a hmun ngaia hetiang kan han tawng chu an thin a thawng hlawm tak zet a, kan dinfel hnu chuan Nu-ho phei chu an rawn tlan phei a, min kuah chung chung a, mittui tla chungin, “Deus é bom, Deus é bom” an ti mawlh mawlh mai a ni. Mipui an rawn pung khawm chak khawp a, kan ri nuai nuai a, kan awm dan an han sawi chu kan thin a thawng ve leh hnuhnawh khawp mai.
Motor ke-te kan thlak a, tawngtaina te kan neih hnu-ah kan tlan leh ta a ni. Hla-ah "Keinin vanduaina-ah kan ruat, a hmangaihna lantirtu" tiin kan sa thin a, a dik hlein ka hria. Vanduaina kan tawh na-a Pathian min venna leh humhimna kan tawn hi a ropui lutuk a, Pathian kutin min chhanchhuak a ni kan ti lo thei lo. Upa-in Vanduai-Vannei an lo ti thin a, chutiang deuh chu niin ka hria.
(Kan motor ke hniak ka hmuh hnu hian kan awmdan ka hrethiam ve chiah!!)
Kan Seminar hi Maputo atanga Km 700 chuang hreta hla Volanculo Province a nei kan ni a, Ni 8th September zing lam dar 6:45 velah Maputo atangin motor pali-inzuiin officer 17 kan chuang a, motor hmasa ber dawttu-ah keini kan tlan a, kan tluang khawp mai, kawng chanve-a chhun chaw faka kan ding leh zun ram thiara kan din zeuh loh chu kan tlan char char a, Vilanculo pawh dar 5pmah chuan kan thleng ngei turah kan in ngai a.
Vilanculo chu minute 15 emaw vel lek tlan a ni tawh ang tihah chuan kan motor ke hma veilam chu a puak ta mai a, kawng sirah chuan kan leng phei chawn mai, driver chuan theih tawp chhuaha controlin kawngpuiah a kual lut leh lai takin a ke hnung veilam bawk chu a puak leh ta a, thawngaleivir nuai nawk ang mai hian kawnglaiah kan motor chu a vingvial kual ta a, driver tana control ngaihna awm miah lo-in a in freeturn tawp mai a, chumi hnu chuan a vang zawngin a tawlh ta ruak ruak mai a, driver chuan steering chelhin a veng tawp a, a bak tih theih a nei tawh lo, a vang zawnga kawngpui sir lehlam kan tawlh phei hnu chuan a back zawngin engemaw chen a tawlh leh ta a, a ke puahna a tanga meter 30 emaw zeta hla-ah chuan kan kalna lam hawi hu chungin kawng sir chep zetah rem lo zetin a ding ta hram a, a khu chum chum a, motor ke kang rim chu a nam chum chum mai a ni.
He thil thlen chhung hi mitkhap kar lek tak tak a ni, a rang khawp a, keini a chhunga chuangte chuan kan dinhmun hlauhawmzia kha kan ngaihtuah hman lo mai pawh ni lo-in engtin nge kan awm tih kha kan hre hman lo reng reng a, hlau thlabara awrawl chhuah pawh kan awm lo, kan ngawi thap mai nia!!!! Hlauh ngaihna pawh kan hre lo a ni teh chek a niang, kei phei chu a front seata thu ka ni bawk a, driver chu puih ka han tum ta dah a, steering chu ka lo vuan ve ran a, a sawngsawhlawt lem hlei lo a.
Kan han ding fel chu kan hnunga mite an rawn tlan khawm a, khatia kan han vir vel lai khan engtin tak awm ang maw tiin kan hnungah chuan dingin min lo thlir tawp mai a ni awm a, a then an lo tawngtai mawlh mawlh bawk a, kan hnung chiaha tlan Capt. Felix phei chuan, “Deus, Deus, ajuda.. Beira, Beira Cuidado..”tiin Pathian leh kan motor khalhtu Beira hming chu a lo lam kawp sek mai a ni awm e.
Kan chetsualna hmunah hian 2002 August 16-khan Officer rual an lo chesual tawhin mi pakhatin nunna a chan a, a hmun ngaia hetiang kan han tawng chu an thin a thawng hlawm tak zet a, kan dinfel hnu chuan Nu-ho phei chu an rawn tlan phei a, min kuah chung chung a, mittui tla chungin, “Deus é bom, Deus é bom” an ti mawlh mawlh mai a ni. Mipui an rawn pung khawm chak khawp a, kan ri nuai nuai a, kan awm dan an han sawi chu kan thin a thawng ve leh hnuhnawh khawp mai.
Motor ke-te kan thlak a, tawngtaina te kan neih hnu-ah kan tlan leh ta a ni. Hla-ah "Keinin vanduaina-ah kan ruat, a hmangaihna lantirtu" tiin kan sa thin a, a dik hlein ka hria. Vanduaina kan tawh na-a Pathian min venna leh humhimna kan tawn hi a ropui lutuk a, Pathian kutin min chhanchhuak a ni kan ti lo thei lo. Upa-in Vanduai-Vannei an lo ti thin a, chutiang deuh chu niin ka hria.
(Kan motor ke hniak ka hmuh hnu hian kan awmdan ka hrethiam ve chiah!!)
Ekhai, a va hlauhawm thuai thuai ve a. Mahse le, him takin in Seminar in hmang zo theia, a lawmawm e. In tlân na kawng khi speed tih chak a awlsawm hmel em atin nih khi, kawng ngil lutuk ah hian Drivers tamtak chu an chesual fo asin - Km tlemte danah kawngkawi siam zel tur an tih nachhan chu i hrethiam mai ang.
ReplyDeleteGoodluck badluck, who knows ??? :-D
ReplyDelete'Deus e bom'
ReplyDeleteIn motor a let lo va, in lum tawp tawp lo hi a mak ka ti hle mai. Speed a sang ngei ang a, chutah a ke hma lam puncture lehnghal, a hlauhawm ber chi a ni si a. Chuvang chu a nia a ke hma lamah hian a thar zel kan hman thin.
ReplyDeletePathianin a hum che u tih hi phat rual a ni lo va, rinhlelh chi a ni miah lo bawk.
PRAISED BE THE LORD!!
Va 'den' ve!! Han ngaihtuah chian poh leh a teuhzia leh hlauhawmzia rilruah a lang. Thla hual hial tlak i niin ka hria.
ReplyDeleteDam taka i lo thleng leh thei chu a lawmawm e. Welcome back.
Tlem a tlema chanchin duhawm lo kan hre trep zuk lo ni a! Hliamte in tuar lemlova, lawmawm e. Pathian venna ani ngei ang !
ReplyDeleteMahse, thlahual chu angai dawn a van ang em ? Kan ar tui lai ka rawn thawh dawn em niang :-D
Dini, Vanduai leh vannei inkar hi a hla e an ti a, a inhnaih teh asin. Khatiangah khan vanduai chu an liam mai a, nangni vannei erawhchu in him mai bawk a. Amah fak mai loh zawng hlimna dang a awm lo. Patian in nunna humhimtu hnenah lawmthu kan lo sawi e.
ReplyDelete@chhangte_ll - ni e ti raw, kawng hi a ngil thui thei viau na-a kan speed chu a sang over lo asin mawle.. 120km/hr chuan kan tlan zeuh zeuh, speed limit an tar hi a inthlak reng a, kan zawm tha viau. Tun aia speed sangin tlan ila chuan kan chesual thui zawk mai thei..
ReplyDelete@Alejendro - Welcome ehh.. Who knows..?? Only God knows.
@roulngulworld - sim, é verdade, Deus é bom!!
@Fela - A chunga ka sawi ang khian kan speed a sang over lo-a kan him zawk ni-ah ka ngai. Tin, Pathianin min awmpui hlein ka hria, chiai miah lo-in kan awm a, driver pawhin rilru fim pu-in motor a veng thei a.
@Zaia - Kei pawh kan chhuk fel hnu-ah ka hlau leh hnuhnawh chauh a ni, kan awm dan ka ngaihtuah a, ka tim leh uai uai mai nia!!!
@Sekibuhchhuak - Arpui tui lai-a thla hual chu a lawmawm ngawt ang, ka rawn kal dawn nge i rawn kal mai dawn???
@Kiamlova, Puii - Ni e, thih leh dam pawh hi inhnaih tak, inhlat tak si a ni e, kan vanneihna hi tin ther tia lek tak tak a ni. Keini pawhin a hmunah hian Lawmthu sawi tawngtaina kan nei nghal a, kan lungchhe tlang bawk aniang, kan insut tluar tluar mai.
A va lawmawm ve aw, hotunu. Pathian chu a ropui zia a rawn lang e. Tikhan in ti hliam vel la chu a buaithlak tur zia chu. Dam taka blog i rawn update leh thei te pawh hi a lawmawm e.
ReplyDelete@illusionaire - a nia sin, nangni inneih ringawt buaipuia in hman hlelh lai khan keini pawh kan lo buai ve em em anih hi..
ReplyDeleteHotunu chu va tawk den tak ve aw!!! 2004 khan ka u te inneihna hmang turin Sumo in Guwahati atangin kan tlan chho a, Mizoram kan thleng tep tihah hian kan vir hrep a, a ke hnung pakhat a puak zui a. Keini chu kan in bin vel a sin! Kan accident zawh chuan a saisir zawngin Guwahati lam kan hawi leh ran tawh maw le! Hlauhawm ve duh khawp mai. Thi erawh kan awm lo. Mah se hliam pui tuar pathum chu an awm.
ReplyDeletePathianin veng zel che rawh se!
E khai Aw... A va teuh ther ther ve. Engpawh nise kan missionary te kan lo tawngtai sak zel che u ani tih in lo hre dawn nia.
ReplyDeletea va han pawi teuh ve le!!vawi khat chu zemabawk pelh hret , ah hian kawngkawi ah motor chuan kan insu ve tawh, kawng nal vang liau liau ania, kan insu tur kan inhmu thei vek sia, a nuam lo duh ang reng khawp mai!!
ReplyDeletetlai ngailo Pathian a hun takah a rawn che niin ka hria!
ReplyDelete@VaiVa - e khai, nangni pawh chu in va vannei ve le.. lirtheia han chuan hi a nuam viau a, vanduaina thlentu erawh a ni leh thin a nih hi.
ReplyDelete@dr_feelgood - teuh tak ani, min tawngtaipui thin tute zarah tak meuh alawm kan him le, lo tawngtai zel rawh u khai, i ti lawmawm e.
@avena - nupa pakhat accident pawh kawng thlangah an tlan liam a, a nupui chuan "I muhil em ni" a ti thla vawn vawn mai asin, hmuh vek bawk chuan nuamlo ngawt ang chu.
@azassk - ni chiah mai, i lo leng a, a va lawmawm ve.
Ka lo chhiar tlai khawhnu e. Va 'den' zar zar ve. Vanduai vannei chi in nih ngei khi. Kei pawh thingah ka tlak kha i la hria em?
ReplyDelete